Starf á lögfræðisviði Byggðastofnunar - Starf án staðsetningar

Stjórnsýsla póstmála skv. lögum um póstþjónustu hefur nú flust til Byggðastofnunar. Byggðastofnun leitar að lögfræðingi með góða samskipta- og skipulagshæfileika sem er tilbúinn að takast á við krefjandi og áhugaverð verkefni á nýju verkefnasviði stofnunarinnar auk þess að vinna að þeim fjölbreyttu þáttum byggðamála sem sinnt er af stofnuninni.

Helstu verkefni og ábyrgð

Starfið er á lögfræðisviði Byggðastofnunar. Helstu verkefni og ábyrgð lögfræðings eru umsjón með og afgreiðsla stjórnsýsluverkefna auk eftirlits á sviði póstmála samkvæmt lögum um póstþjónustu. Umsjón með gerð álita og úrskurða á málefnasviðinu. Möguleiki er á þátttöku í erlendu samstarfi.

Hæfniskröfur

  • Embættis- eða meistarapróf í lögfræði.
  • Mjög góð þekking á stjórnsýslurétti.
  • Þekking á evrópurétti er kostur.
  • Gott vald á íslensku í ræðu og riti.
  • Frumkvæði og geta til að starfa sjálfstætt og í hópi.
  • Drifkraftur, metnaður og skipulagshæfileikar.

Frekari upplýsingar um starfið

 

Æskilegt er að umsækjendur geti hafið störf sem fyrst. Starfshlutfall er 100%. Launakjör eru samkvæmt kjarasamningi Samtaka starfsmanna fjármálafyrirtækja.

Umsókn um starf þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Senda á umsókn til Byggðastofnunar, Sauðármýri 2, 550 Sauðárkróki eða á netfangið postur@byggdastofnun.is

Athygli er vakin á því að í samræmi við byggðastefnu stjórnvalda er starfið auglýst án staðsetningar, en skal þó unnið á starfssvæði Byggðastofnunar, utan höfuðborgarsvæðisins.

 

Nánari upplýsingar veitir

Frekari upplýsingar veita Aðalsteinn Þorsteinsson forstjóri, Hjalti Árnason forstöðumaður lögfræðisviðs og Arnar Már Elíasson staðgengill forstjóra. Símanúmer og netföng má finna á heimasíðu Byggðastofnunar. Umsóknarfrestur er til og með 26. júlí 2021.