Uppbyggingarsjóður

Alls bárust 100 umsóknir fyrir árið 2026 þar sem óskað var eftir um 228 milljónum í styrki en til úthlutunar voru rúmar 76 milljónir. Skiptust umsóknir þannig: 45 atvinnu- og nýsköpunar verkefni, 43 menningarverkefni og 12 umsóknir um stofn- og rekstrarstyrk.

Á fundi úthlutunarnefndar Uppbyggingarsjóðs Norðurlands vestra þann 12. desember 2025 ákvað nefndin að úthluta 76 milljónum króna í 65 verkefni. Á sviði atvinnuþróunar- og nýsköpunar fengu 22 verkefni styrk samtals að upphæð tæplega 39 milljónir, og á sviði menningar var samþykkt að styrkja 35 umsóknir fyrir að upphæð rúmlega 37 milljónir. 

Styrkhafar Uppbyggingarsjóðs Norðurlands vestra 2026

Umsóknarfrestur sjóðsins fyrir árið 2027 verður 16. september - 21. október kl.14:00.

Tilgangur Uppbyggingarsjóðs er að styrkja annars vegar menningar- og samfélagsverkefni og hins vegar atvinnuþróunar- og nýsköpunarverkefni á Norðurlandi vestra. Sjóðurinn er samkeppnissjóður og eru umsóknir metnar út frá þeim markmiðum og áherslum sem koma fram í Sóknaráætlun Norðurlands vestra. Með samkeppnissjóði er átt við að samkeppni milli verkefna ræður úthlutun, þ.e. bestu verkefnin að mati úthlurunarnefndar hljóta brautargengi.

Verkefnin geta verið af ýmissi stærðargráðu og er fólk hvatt til að sækja um.

Sæktu um hér 

Ef einhverjar spurningar vakna er bent á að hafa samband við starfsmenn SSNV.