Staða lektors við Hestafræðideild á Hólum

Við Hestafræðideild Háskólans á Hólum er laus staða lektors. Leitað er eftir einstaklingi sem hefur þekkingu og reynslu á sviði hestafræða eða skyldra greina, s.s.  atferlis- eða lífeðlisfræði dýra eða íþróttafræðum. Þekking á kennslufræði er kostur. Mikilvægt er að búa yfir reynslu af og miklum áhuga á hestum.

 

Helstu verkefni og ábyrgð

 

  • Kennsla í grunn- og framhaldsnámi
  • Rannsóknir og öflun rannsóknastyrkja
  • Virk þátttaka í gæðastarfi og stjórnun deildarinnar og háskólans
  • Erlent og innlent samstarf

 

Hæfniskröfur

 

  • Meistaragráða sem nýtist í starfi
  • Doktorpróf á fræðasviðum Hestafræðideildar æskileg
  • Reynsla af rannsóknum og stjórnun 
  • Mikil hæfni í mannlegum samskiptum og samstarfshæfni
  • Ábyrgð, frumkvæði, sjálfstæð vinnubrögð og skipulagshæfni

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Hestafræðideild Háskólans á Hólum býður upp á BS nám í reiðmennsku og reiðkennslu auk meistaranáms í hestafræðum. Markmið Hestafræðideildar er að veita fagmenntun á sviði reiðmennsku, reiðkennslu, tamninga og hestahalds og að vinna að þróun og nýsköpun með rannsóknastarfsemi.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um nýráðningar og framgang akademískra starfsmanna við Háskólann á Hólum. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996. 

Nánari upplýsingar um starfið veitir Elisabeth Jansen, deildarstjóri, í síma 862-3788, netfang jansen@holar.is. 

Umsóknir skulu berast á starfatorgi eða á netfangið umsoknir@holar.is merktar lektor hestafræði. Með umsókn skal fylgja afrit af prófskírteinum, ferilskrá og samantekt fræðastarfs. Einnig skal fylgja kynningarbréf þar sem umsækjandi gerir grein fyrir störfum sínum við kennslu og rannsóknir. Umsækjandi skal útvega tvenn meðmæli sem meðmælendur sendi beint á umsoknir@holar.is

 

 

Starfshlutfall er 100%

Umsóknarfrestur er til og með 30.09.2021.

 

Nánari upplýsingar veitir

Elisabeth Jansen - jansen@holar.is

Smelltu hér til að sækja um starfið