Söngkeppni Samfés var haldin í Laugardalshöll síðastliðinn laugardag, þann 9. maí. Meðal atriða sem komust áfram í keppnina var framlag félagsmiðstöðvarinnar Skjólsins á Blönduósi sem flutt var með hljóðfæraleik ungmenna í félagsmiðstöðinni Undirheimum á Skagaströnd og framlag félagsmiðstöðvarinnar Órion á Hvammstanga. Það var ánægjulegt að sjá ungmenni af Norðurlandi vestra taka þátt í jafn stórum viðburði og Söngkeppni Samfés. Þátttakan sýndi vel hversu öflugt og hæfileikaríkt ungt fólk er í landshlutanum og, það sem við hjá SSNV lítum sérstaklega jákvæðum augum, ekki síður hversu mikill styrkur felst í góðu samstarfi þvert á skóla, sveitarfélög og félagsmiðstöðvar.

Eitt af áhersluverkefnum SSNV á síðasta ári var að auka sýnileika viðburða á Norðurlandi vestra og bæta aðgengi íbúa landshlutans að upplýsingum um viðburði á svæðinu í gegnum einn vef. Markmiðið var að auka þátttöku í þeim viðburðum sem bjóðast og auka sýnileika þess sem í boði er í landshlutanum. Með auknum sýnileika viðburða aukast möguleikar íbúa landshlutans á að njóta þess fjölbreytta menningarframboðs sem býðst og viðburðahaldarar njóta einnig góðs af og geta þá styrkt starfsemi sína enn frekar.

Fundargerð 139. fundar stjórnar SSNV, 5. maí 2026

Fiðringur á Norðurlandi fór fram í fimmta sinn í Menningarhúsinu Hofi á Akureyri þann 6. maí sl. Í ár tóku níu grunnskólar af Norðurlandi þátt í viðburðinum, þar á meðal tveir skólar af Norðurlandi vestra; Grunnskóli Húnaþings vestra og Varmahlíðarskóli. Það er von SSNV að enn fleiri skólar á Norðurlandi vestra bætist í hóp þátttakenda á komandi skólaári og að nemendur í landshlutanum fái áfram tækifæri til að láta ljós sitt skína á sviði Fiðrings.

Dagana 12.–15. september 2026 mun ungt fólk víðs vegar að af Norðurlöndum koma saman í Færeyjum og taka þátt í spennandi dagskrá sem felst í að skoða sameiginlegar áskoranir og tækifæri í tengslum við sjálfbæra þróun, nýsköpun og framtíð samfélaga. Dagskráin inniheldur hvetjandi erindi, gagnvirkar vinnustofur og fjölmörg tækifæri til að mynda ný tengsl við annað ungt fólk sem vill stuðla að betri framtíð fyrir norræn samfélög. Fjöldi þátttakenda er takmarkaður og umsóknarfrestur er til 1. júní þannig að það er ekki eftir neinu að bíða.

SSNV, í samstarfi við Markaðsstofu Norðurlands og Eim, boðar til rafræns kynningarfundar 6. maí þar sem farið verður yfir hlutverk og starfsemi aðilanna og hvernig þeir styðja við atvinnuþróun og byggðamál á Norðurlandi vestra. Fundurinn er sérstaklega ætlaður framboðum til sveitarstjórna en opinn öllum áhugasömum.

Norðanpaunk hefur hlotið viðurkenninguna Framúrskarandi verkefni SSNV fyrir árið 2025 fyrir framlag sitt til menningar og tónlistarlífs á landsbyggðinni. Hátíðin er árlegt ættarmót paunkara á Íslandi þar sem lögð er áhersla á að skapa vettvang fyrir hljómsveitir sem eru óhefðbundnar, tilraunakenndar eða eiga erfitt með að finna sér stað á hefðbundnum tónleikavettvangi.

Ný fyrirtækjakönnun landshlutanna 2025 er komin út. Könnunin var framkvæmd á tímabilinu apríl til október 2025 og tóku 2.165 fyrirtæki af öllu landinu þátt. Könnunin var síðast gerð árið 2022 og að þessu sinni var svörun frá fyrirtækjum á Norðurlandi vestra meiri en áður. Niðurstöður könnunarinnar sýna að íslensk fyrirtæki horfa fram á hægari vöxt en áður, með aukinni varfærni í ráðningum og fjárfestingum. Á sama tíma sjá fyrirtæki áfram tækifæri í auknu samstarfi, nýjum markaðssvæðum og nýtingu nýrrar tækni.

Ýmislegt fróðlegt á áhugavert verður í boði á sunnudaginn þegar opið verður á þremur stöðum, í það minnsta, í Skagafirði. Hljómar sunnudagur á safni ekki ljómandi vel.