Á vef Umhverfis- og orkustofnunar má nú sjá auglýsingu um styrki til nýtingar og leitar á jarðhita. Jóhann Páll Jóhannsson, umhverfis-, orku- og loftslagsráðherra hefur ákveðið að ráðstafa 1 milljarði króna í sérstakt jarðhitaleitarátak árin 2025-2028 á svæðum þar sem nú er notuð raforka og/eða olía til húshitunar.

Undirritaður hefur verið viðaukasamningur um stofnun þekkingargarða á Norðurlandi vestra, með höfuðstöðvar á Sauðárkróki. Verkefnið miðar að því að tengja saman atvinnulíf, menntastofnanir og sveitarfélög með áherslu á sjálfbæra matvælaframleiðslu og nýsköpun. Samningurinn nemur 8 milljónum króna og er liður í stefnumótandi byggðaáætlun stjórnvalda.

Undirritaður hefur verið viðaukasamningur um styrk til verkefnis sem snýr að orkuskiptum á köldum svæðum í Húnaþingi vestra. Verkefnið felur í sér greiningu og undirbúning á uppsetningu staðarveitna með varmadælum þar sem ekki er tenging við hitaveitu. Markmiðið er að bæta búsetuskilyrði, draga úr orkukostnaði og stuðla að sjálfbærari orkunýtingu.

Samtök sveitarfélaga á Norðurlandi vestra veita árlega viðurkenningar fyrir framúrskarandi verkefni sem fram hafa farið á Norðurlandi vestra árið áður. Stjórn hefur valið hvaða verkefni hljóta viðurkenningu sem framúrskarandi verkefni árið 2024.

Á þessu námskeiði er farið yfir grundvallaratriði og hugtök í tengslum við að þróa viðskiptahugmyndir. Farið verður yfir markaðsgreiningu tækifæra og hvernig viðskipta- og markaðsáætlanir eru byggðar upp. Lögð er áhersla á að þátttakendur geri sér grein fyrir mikilvægi þessara þátta í stofnun og rekstri fyrirtækis. Námskeiðið er gjaldfrjálst en skráningar er þörf.

Dagana 10.–13. mars sóttu Davíð Jóhannsson og Sveinbjörg Pétursdóttir, starfsmenn SSNV, lokafund verkefnisins Target Circular sem haldinn var í Tromsö í Noregi. Fundurinn markaði formleg lok átaksverkefnis sem miðar að því að styðja frumkvöðla í þróun hringrásarhagkerfisverkefna með sjálfbærni að leiðarljósi.

Síðastliðinn þriðjudag, 18. mars, var boðið upp á fræðslu fyrir konur og kvár um ofbeldi í nánum samböndum í félagsheimilinu á Hvammstanga. Farið var yfir eðli ofbeldissambanda, einkenni sem og möguleg stuðningsúrræði fyrir þolendur heimilisofbeldis. Það á ekkert okkar að þurfa að búa við ofbeldi í neinni mynd, hvorki þau sem fullorðin eru né börn.

Stofnun rannsóknasetra Háskóla Íslands hélt ársfund sinn á Skagaströnd 13. mars sl. en þar hefur verið starfsemi frá því í nóvember 2009. Árlega er haldinn ársfundur og ársskýrsla gefin út og eins og áður segir var fundurinn í ár haldinn á Skagaströnd. Fulltrúi frá SSNV mætti á ársfundinn og hlýddi á fjölbreytt og fróðleg erindi sem þar var boðið upp á.

Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV þakkar henni fyrir vel unnin störf og óskar henni velfarnaðar í framtíðarverkefnum. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.

Um síðustu helgi hélt kvartett frá Skagaströnd tónleika fyrir íbúa nokkurra öldrunarstofnana á Norðurlandi vestra, en verkefnið "Gleði í gömul hjörtu" snérist um að færa eldri kynslóðinni lifandi tónlist með skemmtilegum og léttum lögum sem margir þekkja. Tónleikarnir voru haldnir á HSN á Sauðárkróki, Hjúkrunarheimilinu Sæborg á Skagaströnd, HSN á Blönduósi og HVE á Hvammstanga. Verkefnið hlaut styrk úr Uppbyggingarsjóði fyrir 2025. Framtak kvartettsins frá Skagaströnd er frábært dæmi um hvernig list og menning geta sameinað kynslóðir og fært gleði inn í daglegt líf.