Smávirkjanasjóður SSNV

Á árinu 2017 var samið við Verkfræðistofuna Mannvit um úttekt á smærri virkjanakostum á Norðurlandi vestra. Skýrsla Mannvits: Frumúttekt á smávirkjanakostum á Norðurlandi vestra kom út í ágúst 2018 en þar voru skoðaðir 82 hugsanlegir virkjunarkostir í ám á svæðinu.

Í framhaldi af því var stofnaður Smávirkjanasjóður SSNV. Sjóðurinn var eitt af áhersluverkefnum Sóknaráætlunar Norðurlands vestra 2018-2019.

Tilgangur hans er að styrkja fyrstu skrefin í rannsóknum á mögulegum rennslisvirkjunum á Norðurlandi vestra sem eru undir 10 MW að stærð. 

Sjóðurinn veitir styrki til annars vegar: Skref 1: Frummat smávirkjana og hins vegar: Skref 2: Mat á virkjanlegu rennsli, frummat hönnunar og byggingarkostnaðar

Í október 2018 auglýsti sjóðurinn eftir umsóknum um styrki í Skref 1. Alls bárust 17 umsóknir og var 8 styrkjum úthlutað. Samið var við Verkfræðistofuna Mannvit um framkvæmd könnunarinnar og lágu niðurstöður hennar fyrir í ágúst 2019.

Í október 2019 var auglýst eftir umsóknum í Skref 2. Þrjár umsóknir bárust og var samþykkt að styrkja tvær þeirra. 

Í apríl 2020 var auglýst aftur eftir umsóknum um styrki í Skref 1. Umsóknarfrestur var til og með 2. júní 2020. Alls bárust 12 umsóknir og var 8 styrkjum úthlutað.  Samið var við Verkfræðistofuna Mannvit um framkvæmd könnunarinnar og lágu niðurstöður hennar fyrir í júní 2021.

Úthlutað verður úr Smávirkjanasjóði SSNV, Skrefi 2: Mat á virkjanlegu rennsli, frummat hönnunar og byggingarkostnaðar, í nóvember 2021. 

Umsóknarfrestur er til og með 15. október 2021.  

Öll gögn varðandi umsóknarferlið er að finna í möppu hér hægra megin sem heitir: Skref 2 - 2021 

Umsóknir skulu sendar á netfangið: ssnv@ssnv.is.   

Nánari upplýsingar veitir Unnur Valborg Hilmarsdóttir, unnur@ssnv.is, s. 419-4550