Skúnaskrall - barnamenningarhátíð Norðurlands vestra

Það er mikið um dýrðir hjá börnum og ungmennum á Norðurlandi vestra þessa dagana. Fyrsta barnamenningarhátíð landshlutans, Skúnaskrall, hefur litið dagsins ljós og eru yfir hundrað viðburðir á dagskrá um allan landshlutann - og bætist óðum í. Hægt er að fylgjast með dagskránni á heimasíðu Skúnaskralls, www.skunaskrall.is, og Facebook-síðu hátíðarinnar.

Skúnaskrall er áhersluverkefni SSNV og hlaut einnig styrk úr Uppbyggingarsjóði Norðurlands vestra og Barnamenningarsjóði, svo eitthvað sé nefnt. Í fyrirrúmi er að öllum börnum bjóðist aðgengi að menningu og listum og í takt við þær áherslur er hver einasti viðburður gjaldfrjáls.