Fundargerð 125. fundar stjórnar SSNV, 21. júlí 2025

Hér má nálgast fundargerð á pdf. 

Fundargerð 125. fundar stjórnar SSNV, 21. júlí 2025

Mánudaginn 21. júlí 2025, kom stjórn SSNV saman til fundar á Teams. Hófst fundurinn kl. 9.00.

Mætt voru: Einar E. Einarsson, Magnús Magnússon, Guðmundur Haukur Jakobsson, Álfhildur Leifsdóttir, Halldór Gunnar Ólafsson og Sveinbjörg R. Pétursdóttir framkvæmdastjóri sem ritaði fundargerð.

Dagskrá:

1. Áherslur stjórnar vegna starfstöðvar verkefnastjóra Eims á Norðurlandi vestra 

Afgreiðslur

1. Áherslur stjórnar vegna starfstöðvar verkefnastjóra Eims á Norðurlandi vestra

SSNV undirritaði árið 2024 viðaukasamning við umhverfis-, orku- og loftslagsráðuneytið og Landsvirkjun um þátttöku í nýsköpunarverkefninu Eimur. Samkvæmt samningnum skal ráða tvo verkefnastjóra með starfsstöð á Norðurlandi vestra. Nýverið var önnur staðan auglýst aftur og er nú í ráðningarferli.

Stjórn leggur áherslu á að verkefnastjóri Eims sem ráðinn verður á starfssvæði SSNV hafi skýra og virka tengingu við svæðið og starfi í nánu samstarfi við sveitarfélög og hagsmunaaðila á Norðurlandi vestra.
Komi til þess að viðkomandi starfsmaður verði ekki búsettur á starfssvæðinu, leggur stjórn ríka áherslu á að viðvera á starfstöð á Norðurlandi vestra verði skv. samkomulagi.

Fleira var ekki tekið fyrir. Fundargerð upplesin og samþykkt. Fundi slitið kl. 9.45.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.