Verkfæri fyrir hringrásarhagkerfi

(c) Markaðsstofa Norðurlands

Nú er komið á netið ítarlegt safn verkfæra sem ætlað er að styðja við og efla innleiðingu hringrásarhagkerfisins. Verkfærin voru þróuð innan verkefnisins Target Circular með stuðningi Interreg Northern Periphery and Arctic (NPA) og er ætlað að veita stefnumótendum, hagsmunaaðilum og fyrirtækjum hagnýta leiðsögn og raunhæfar leiðir til að tileinka sér sjálfbærari starfshætti.

Meðal þess sem finna má í þessum nýju auðlindum eru aðferðir til að greina úrgangsstrauma, leiðbeiningar um innleiðingu hringrænna viðskiptalíkana og dæmi um stafræna vettvanga frá svæðum á Norðurslóðum. Efnið er aðgengilegt beint í gegnum vefgátt verkefnisins Target Circular hjá Centria university of applied sciences, en þar er boðið upp á skipulagt og notendavænt efni sem auðveldar litlum og meðalstórum fyrirtækjum (SME) sem og svæðisbundnum þróunarverkefnum að bæta og hagræða sínum ferlum.

Verkfærin voru þróuð í nánu samstarfi við aðila á hverju svæði fyrir sig, með það að markmiði að mæta þeim áskorunum og nýta þau tækifæri sem eru einkennandi fyrir NPA-svæðin. Þannig mynda þau mikilvægan þekkingargrunn sem stuðlar að upplýstri ákvarðanatöku og sjálfbærum vexti.

Kynntu þér úrvalið af verkfærum fyrir hringrásarhagkerfið á heimasíðu Centria.