Styrkir til verkefna - Haust 2022

Atvinnuráðgjafar SSNV veita upplýsingar um styrki og styrkjamöguleika sem standa einstaklingum, fyrirtækjum og rannsóknaraðilum til boða. Á næstu mánuðum eru eftirfarandi sjóðir auglýstir:

• Uppbyggingarsjóður Norðurlands vestra – 1. nóvember
  Tilgangur Uppbyggingarsjóðs er að styrkja annars vegar menningar- og hinsvegar atvinnuþróunar- og nýsköpunarverkefni á Norðurlandi vestra.

• Íþróttasjóður – 3. október
  Markmið sjóðsins er að stuðla að nýsköpun og eflingu íþróttastarfs fyrir börn og unglinga, efla þekkingu þjálfara og leiðbeinenda í íþróttastarf, auka gildi íþróttastarfs í forvörnum og auka veg og virðingu íþróttastarfs í samfélaginu

• Skattfrádráttur rannsókna- og þróunarverkefna – 3. október                                                                              Markmiðið er að efla rannsóknir og þróunarstarf og bæta samkeppnisskilyrði nýsköpunarfyrirtækja með því að veita þeim rétt til skattfrádráttar vegna kostnaðar við nýsköpunarverkefni.

• Listamannalaun – 3. október                                                                                                                                    Tilgangur sjóðsins er að efla listsköpun í landinu. Alþingi veitir árlega fé af fjárlögum til þess að launa listamenn í samræmi við lög [ 57/2009.]

• Sviðslistasjóður – 3. október                                                                                                                                                                                                                                    Veittir eru styrkir til einstakra verkefna atvinnusviðslistahópa. Umsókn í sviðslistasjóð getur einnig gilt sem umsókn til listamannalauna ef tilgreint í umsóknarformi.

• Framkvæmdasjóður Ferðamannastaða – 5. október                                                                                                                                                                                          Veittir eru styrkir annars vegar vegna þjónustu eða aðstöðu á ferðamannastað eða ferðamannaleið og hins vegar vegna úrbóta vegna náttúruverndar og/eða öryggis á ferðamannastað eða ferðamannaleið.

• Tónlistarsjóður – 1. nóvember                                                                                                                                                                                                                                   Hlutverk Tónlistarsjóðs er að efla íslenska tónlist og stuðla að kynningu á íslensku tónlistarfólki og tónsköpun þess skv. lögum nr. 76/2004 og reglum um Tónlistarsjóðs nr. 125/2005

• Innviðasjóður – 1. nóvember                                                                                                                                                                                                                                      Hlutverk Innviðasjóðs er að byggja upp rannsóknarinnviði á Íslandi. Markmiðið með sjóðnum er að efla innlendar vísindarannsóknir með því að skapa nýja möguleika til rannsókna með fjármögnun tækjabúnaðar/aðstöðu sem ekki er aðgengileg nú þegar.

• Loftslagssjóður – 6. desember
  Hlutverk sjóðsins er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga. Styrkir til nýsköpunarverkefna eru ætlaðir m.a. til þess að styrkja rannsóknir og þróunarstarf í tengslum við aðlögun og innleiðingu á nýjum loftslagsvænum tæknilausnum og hönnun.

• Fyrirtækjastyrkur Fræ/Þróunarfræ – 31. desember
  

  Fræ er undirbúningsstyrkur til ungra frumkvöðlafyrirtækja eða einstaklinga og er sniðinn að verkefnum á hugmyndastigi eða á frumstigi í þróun afurðar. Þróunarfræ er forkönnunarstyrkur til ungra frumkvöðlafyrirtækja og einstaklinga til að ráðast í þróunarsamvinnuverkefni.

Athygli skal vakin á því að listinn er ekki tæmandi skrá yfir alla styrki sem eru í boði. Ábendingar um fleiri sjóði skal senda á sveinbjorg@ssnv.is 

Mikilvægt er að vanda vel til verka þegar sótt er um styrki. Á vefnum Frumkvöðlar.is eru gefin góð ráð til að hafa í huga varðandi styrkumsóknir. Áttavitinn hefur einnig gefið út leiðarvísi um hvernig maður skal sækja um styrki, nánari upplýsingar hér.

Atvinnuráðgjafar SSNV aðstoða umsækjendur við umsóknir og veita ráðgjöf. Nánari upplýsingar er að finna hér.