Sigurður Ingi Jóhannsson, innviðaráðherra, hefur veitt nýrri Samgöngu- og innviðaáætlun Norðurlands vestra viðtöku. Í áætluninni eru teknar saman helstu áherslur landshlutans hvað samgöngu- og innviðamál varðar. Er áætlunin uppfærð útgáfa fyrri áætlunar sem samþykkt var árið 2019.
Í áætluninni er, auk samgöngumála, fjallað um fjarskiptamál, hitaveitur og raforkukerfi. Eru brýnustu verkefni sett fram í forgangsröð í hverjum málaflokki fyrir sig. Með áætluninni vilja sveitarfélög á Norðurlandi vestra leggja sitt af mörkum til að auðvelda og flýta fyrir töku ákvarðana og þar með brýnum framkvæmdum við samgöngu- og innviðauppbyggingu í landshlutanum.
Samgöngu- og innviðanefnd SSNV hafði umsjón með vinnu við gerð áætlunarinnar. Hana skipuðu fulltrúar allra sveitarfélaga í landshlutanum:
Regína Valdimarsdóttir, formaður, Sveitarfélaginu Skagafirði
Alexandra Jóhannesdóttir, Sveitarfélaginu Skagaströnd
Dagný Rósa Úlfarsdóttir, Skagabyggð
Drífa Árnadóttir, Akrahreppi
Einar Kristján Jónsson, Húnavatnshreppi
Magnús Magnússon, Húnaþingi vestra
Sigurgeir ÞórJónasson, Blönduósbæ
Með nefndinni starfaði Unnur Valborg Hilmarsdóttir, framkvæmdastjóri SSNV.
Áætlunin er aðgengileg hér.
Höfðabraut 6, 530 Hvammstanga
Kt. 541292-2419
S. 419 4550