Beint frá býli dagurinn er um helgina

Hinn árlegi "Beint frá býli dagur" er haldinn um helgina, en að honum standa Samtök smáframleiðenda. Dagurinn er haldinn í öllum landsfjórðungum og hjá okkur á Norðurlandi vestra eru það rósabændurnir á Starrastöðum í Lýtingsstaðahreppi, sem bjóða heim frá 13 til 16 á sunnudagin kemur.. Þar gefst kostur á að versla rósir úr nyrstu rósarækt í  Evrópu auk hliðarafurða, sem þau hafa verið að þróa s.l. misseri .  

Að auki verður þarna markaður þar sem nokkrir framleiðendur af svæðinu verða með sínar vörur til sölu. 

Það hefur sjaldan verið betri ástæða að fá sér bíltúr í Lýtó og spáin er góð.