Heilbrigðisstofnun Norðurlands (HSN) á Sauðárkróki óskar eftir kröftugum hjúkrunarfræðingi á sjúkra- og hjúkrunarsvið. Ráðningartími og starfshlutfall er samkv. samkomulagi.

Mannauðssvið Heilbrigðisstofnunar Norðurlands (HSN) óskar eftir að ráða nákvæman og skipulagðan aðila í starf mannauðsfulltrúa. HSN leggur áherslu á að greiða samkeppnishæf laun. Hægt er að sinna starfinu frá öllum megin starfsstöðvum HSN.

Vinnumálastofnun óskar eftir að ráða í stöðu sérfræðings með aðsetur á þjónustuskrifstofunni á Hvammstanga. Helsta hlutverk skrifstofunnar er að annast umsýslu og ráðgjöf varðandi greiðslur fæðingarorlofs, sorgarleyfis og ættleiðingarstyrkja. Auk þess annast skrifstofan móttöku og þjónustu við atvinnuleitendur og endurgreiðslur úr ríkissjóði vegna fjárhagsaðstoðar sveitarfélaga samkvæmt lögum um félagsþjónustu sveitarfélaga.

Fundargerð 125. fundar stjórnar SSNV, 21. júlí 2025

Leiklistarhátíðin Act Alone, verður haldin á Suðureyri í Súgandafirði dagana 6.–9. ágúst. Hluti hátíðarinnar er málþing á vegum Rannsóknaseturs skapandi greina (RSG) þar sem gestir fá tækifæri á að hlýða á kynningar tveggja meistaranema sem hlutu styrk úr meistaranemasjóði RSG í ársbyrjun 2025.

Opið er fyrir umsóknir um styrki úr Samfélagssjóði Landsvirkjunar til 31. júlí. Tekið er á móti umsóknum allt árið en úthlutað er úr sjóðnum þrisvar sinnum á ári. Landsvirkjun tekur virkan þátt í samfélaginu og styður við málefni og verkefni sem hafa jákvæð samfélagsleg áhrif. Sjóðurinn styður verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélög fyrirtækisins.

Opið er fyrir ábendingar til Hönnunarverðlauna Íslands 2025 og hægt er að benda á eigin verk eða annarra til miðnættis 3. september. Markmiðið með ábendingum er að tryggja að afburða verk fari ekki fram hjá dómnefnd og því eru eigendur góðra verka hvattir til þess að tilnefna eigin verk.

Nú er opið fyrir umsóknir í Startup Landið, sjö vikna viðskiptahraðal sem ætlaður er frumkvöðlum og nýsköpunarverkefnum á landsbyggðunum. Hraðallinn hefst 18. september og lýkur með lokaviðburði 30. október þar sem þátttakendur kynna verkefni sín. Startup Landið veitir þátttakendum aðgang að sérfræðiráðgjöf, tengslaneti og möguleikum á fjármögnun. Markmiðið er að styðja við vöxt og þróun nýsköpunarverkefna sem eru komin af hugmyndastigi, hvort sem þau eru unnin af einstaklingum, sprotafyrirtækjum eða innan rótgróinna fyrirtækja.

Verkefnastjóri farsældar á Norðurlandi vestra sótti ráðstefnu um vernd barna gegn ofbeldi á heimili sem haldin var í Háskólanum í Reykjavík 5. júní sl. Fjölbreytt erindi voru flutt á ráðstefnunni þar sem áhersla var lögð á nauðsyn samstilltra aðgerða samfélagsins til að bregðast við ofbeldi gagnvart börnum og rjúfa þögnina um heimilisofbeldi.

HönnunarÞing, hátíð hönnunar og nýsköpunar, verður haldin á Húsavík dagana 26. og 27. september. Áhersla ársins er á mat og nýsköpun í mat, matvæla- og umbúðahönnun. Á dagskránni verða erindi, uppákomur, matur, nýsköpun, matartækninýjunar og margt fleira. Á hátíðinni munu íslenskir og alþjóðlegir hönnuðir sýna verk sín og veita gestum innblástur.