Fulltrúar SSNV sækja TechBBQ í Kaupmannahöfn Guðlaugur Skúlason og Magnús Barðdal frá Samtökum sveitarfélaga á Norðurlandi vestra (SSNV) sækja þessa dagana ráðstefnuna TechBBQ í Kaupmannahöfn.

Föstudaginn 29. ágúst verður haldinn viðburður í Íþróttamiðstöðinni á Blönduósi þar sem Jóhanna Erla Pálmadóttir og börnin hennar afhenda til samfélagsins fullkláraðan refil sem segir sögu Vatnsdæla. Refillinn er afar veglegur; 46 metrar á lengd og 50 sentimetrar á hæð. Saumað var í 9809 klukkustundir og 20 mínútur og urðu saumaskiptin 4.536. Ljóst er að mörg handtökin fjölmargra einstaklinga liggja að baki slíku verki. Athöfnin hefst kl. 17:00 og er öllum opin en fjöldi gesta hefur boðað komu sína.

Í fyrsta skipti verður sérstakt kall Norðurslóðaáætlunarinnar helgað ungu fólki árið 2026.

Nú fer að líða að fyrstu göngum og svo réttum í kjölfarið. Búið er að taka saman lista yfir allar réttir í landshlutanum, bæði sauðfjár- og stóðréttir. Athugið að aðeins er um að ræða lista yfir fyrstu réttir.

Kjörið tækifæri að kynnast framleiðendum úr héraði og bæta á birgðir fyrir haustið

Startup Landið - rafrænn kynningarfundur Startup Landið er 7 vikna nýsköpunarhraðall fyrir verkefni á landbyggðinni. Rafrænn kynningarfundur fer fram þriðjudaginn 18. ágúst nk. frá kl. 12:00 til 12:30 í gegnum TEAMS, þar var farið yfir öll helstu atriði Startup Landið ásamt því að fólki gafst kostur á að spyrja spurninga.

SSNV vinnur þessar vikurnar að verkefni sem felst í mótun sameiginlegrar samskiptastefnu fyrir Norðurland vestra. Í tengslum við það verkefni verða íbúafundir í öllum sveitarfélögum Norðurlands vestra þar sem unnið verður að mótun sameiginlegrar samskiptastefnu fyrir landshlutann í heild. Markmiðið er að fá íbúa landshlutans til að sammælast um fyrir hvað svæðið stendur og að samskipti þeirra á milli byggist á jákvæðni og bjartsýni.

Sinfóníuhljómsveit Íslands á 75 ára afmæli í ár og hefur í tilefni af afmælinu boðið upp á fjölmarga viðburði það sem af er ári. Nú er komið að tónleikum sem verða föstudaginn 29. ágúst og hefjast kl. 20. Sundlaugarnar á Hvammstanga, Blönduósi og í Skagafirði munu bjóða gestum sínum að hlusta á tónleikana á meðan sundferðinni stendur.

Föstudaginn 8. ágúst 2025 var fyrsta Molduxi Trail haldið á Sauðárkróki – með glæsibrag. Hlaupið fékk styrk úr Sóknaráætlun Norðurlands vestra og var skipulagt af Steinunni Gunnsteinsdóttur, Ægi Gunnsteinssyni, hlaupahópnum 550 Rammvilltum og Frjálsíþróttadeild Tindastóls.

Atvinnuvegaráðuneytið auglýsir eftir umsóknum um jarðræktarstyrki í garðyrkju vegna útiræktunar á grænmeti, kartöflum og garðávöxtum til manneldis. Sótt er um á vefnum Afurð, sem er stafrænt stjórnsýslukerfi atvinnuvegaráðuneytisins.