Ræsing Húnaþinga

Á myndinni má sjá forsvarsaðila fimm verkefna sem tóku þátt.
Á myndinni má sjá forsvarsaðila fimm verkefna sem tóku þátt.

Ræsing Húnaþinga lauk fyrir helgi þar sem þrjú verkefni voru verðlaunuð. Alls voru það sjö verkefni sem skiluðu inn viðskiptaáætlun. Ræsing Húnaþinga var samstarfsverkefni Nýsköpunarmiðstöðvar og sveitarfélaga í austur- og vestur Húnavatnssýslum.

Þátttakendur fengu 12 vikur til að vinna viðskiptaáætlun fyrir verkefnin sín en á þeim tíma fengu þátttakendur verkefnanna fræðslu og stuðning frá verkefnissjóra Nýsköpunarmiðstöðvar við gerð viðskiptaáætlunarinnar.

Dómnefnd var skipuð fulltrúum sveitarfélaganna í Húnavatnssýslum og Nýsköpunarmiðstöð Íslands. Verkefnin voru metin út frá nýsköpun á svæði, atvinnusköpun, viðskiptaáætluninni sjálfri, raunhæfi verkefnis og líkum á að verkefninu verði hrint í framkvæmd.

Sonja Líndal hlaut eina milljón í verðlaun fyrir verkefnið Hestatannlæknirinn og Olga Lind Geirsdóttir hlaut einnig eina milljón fyrir verkefnið Lopalind, en verkefnið gengur út á að setja á fót spunaverksmiðju.

Verkefni Biopol, Grásleppa í neytendaumbúðir, hlaut einnig hvatningarverðlaun til áframhaldandi þróunar á sínu verkefni. En verkefnið gengur út á að finna leiðir til að fullnýta grásleppu.

 

SSNV óskar öllum þátttakendum innilega til hamingju með árangurinn.