Samtök Sveitarfélaga á Norðurlandi Vestra

Þér er boðið á Samtal um skapandi greinar, fimmtudaginn 5. febrúar kl. 8.30-10 í húsakynnum CCP í Grósku, 3. hæð, að Bjargargötu 1, 102 Reykjavík. Viðfangsefnið eru mælingar á samfélagsáhrifum skapandi greina en Rannsóknasetur skapandi greina (RSG) stendur að fundinum í samstarfi við CCP, Listaháskóla Íslands, Háskólann á Akureyri og Jafnréttisdaga háskólanna en viðburðurinn er hluti af dagskrá Jafnréttisdaga. Viðburðinum verður streymt af Facebook og birtur á vefsíðu Jafnréttisdaga mánudaginn 9. febrúar, ásamt miðlum RSG.

Við vekjum athygli á öðrum fyrirlestrinum í röðinni "Forvitnir Frumkvöðlar" sem haldnir eru á vegum landshlutasamtakanna. Að þessu sinni er það Svava Björk Ólafsdóttir sem fer yfir fjármögnunarmöguleika sprotafyrirtækja. Svava Björk er vel þekkt í nýsköpunarumhverfinu, hún er Nýsköpunarstjóri hjá Háskólanum á Akureyri, Stofnandi RATA og IceBAN og englafjárfestir.

Út er komin greinargerð um sóknaráætlanir landshluta fyrir árin 2020 - 2024. Í þessari greinargerð Byggðastofnunar og stýrihóps Stjórnarráðsins um byggðamál er gerð grein fyrir ráðstöfun fjárframlaga til sóknaráætlunarsamninga og framkvæmd þeirra á samningstímabilinu 2020 - 2024.