Áhersluverkefni 2025 -2026

Heiti verkefnis

Skemmtiferðaskip á Norðurlandi vestra – samstarf, skipulag og markaðssókn

Númer verkefnis

2026-07

Markmið

Markmið verkefnisins eru að móttaka skemmtiferðaskipa skapi aukin verðmæti í sátt við samfélag og náttúru, að hámarka ávinning af móttöku skipafarþega, að fjölga leiðangursskipum (minni skemmtiferðaskipum) og að fjölga skipakomum til minna sóttra hafna.

Stutt verkefnalýsing

Auka þarf samstarf og bæta skipulag við móttöku farþega skemmtiferðaskipa á Norðurlandi með það að markmiði að auka verðmætasköpun ferðaþjónustuaðila og sveitarfélaga auk þess að efla þjónustu við skipafélög og farþega. Verkefnið er tvíþætt:

a) Áfangastaðaþróun, þar sem gerð verður greining á stöðu innviða, þjónustu og möguleikum fyrir skemmtiferðaskip í landshlutanum.

b) Markaðssókn með áherslu á minni leiðangursskip, fjölgun komuhafna og skipakoma og lengingu ferðatímabilsins, þar sem áhersla verður lögð á að kynna áhugaverða áfangastaði fyrir gestum.

Helstu verkþættir eru efling samstarfs hagaðila um þróun og markaðssetningu gagnvart skipafélögum og ferðaskrifstofum, greining á fýsileika valkosta fyrir markaðssamstarf, samantekt upplýsinga um innviði og þjónustuframboð, greining á áfangastöðum, markaðsgreining sem grundvöllur þriggja ára markaðsáætlunar og samræmt kynningarefni fyrir áfangastaði og hafnir.

Lokaafurð

Samræmdar upplýsingar um innviði, þjónustuframboð og möguleika fyrir skemmtiferðaskip á Norðurlandi, markaðsgreining og upplýsingar um helstu hagaðila erlendis, kynningarefni sem nýtist til markaðssetningar og samstarfsvettvangur hagaðila á Norðurlandi vestra. Ávinningurinn er efnahagslegur og samfélagslegur, þ.e. að móttaka skemmtiferðaskipa skapi verðmæti í sátt við samfélag og náttúru.

Framkvæmdaraðili

Markaðsstofa Norðurlands

Samstarfsaðilar

Sveitarfélög og hafnarsamlög á Norðurlandi vestra, ferðaþjónustufyrirtæki á svæðinu, Ferðamálastofa, Íslandsstofa, AECO (samtök leiðangursskipa) og Cruise Iceland.

Upphaf og lok verkefnis

01.01.2026 – 31.12.2027

Framlag úr sóknaráætlun

1.500.000 kr. (árið 2026)

Tengsl við meginmarkmið sóknaráætlunar

Verkefnið styður við markmið sóknaráætlunar Norðurlands vestra um aukna nýsköpun og fjölbreytt atvinnulíf, t.d. undirmarkmið um aukið samstarf fyrirtækja og stofnana á svæðinu (markmið 03-B). Einnig tengist verkefnið markmiði 03-D um ferðaþjónustu í sókn, t.d. undirmarkmiðum um að auka samstarf aðila í ferðaþjónustu og festa ferðaþjónustu í sessi.

Tengsl við aðrar opinberar áætlanir

Ferðamálastefna og aðgerðir til ársins 2030: Verkefnið tengist beint aðgerð C7, Samstarf um móttöku skemmtiferðaskipa og nýtingu innviða, en meginmarkmið hennar er að móttaka skemmtiferðaskipa skapi verðmæti í sátt við samfélag og náttúru.