Áhersluverkefni 2025 -2026

Fiðringur á Norðurlandi hefur verið haldinn í fimm ár og í fyrra tók í fyrsta sinn þátt skóli af SSNV-svæðinu – Grunnskóli Húnaþings vestra sem bar sigur úr býtum. Fyrir Fiðring 2026 eru nú tveir skólar af svæðinu skráðir til leiks; sigurskólinn frá 2025 og Varmahlíðarskóli, og verkefnið hefur verið kynnt víðar með von um frekari þátttöku næstu ár.

SSNE hefur hingað til fjármagnað verkefnið sem áhersluverkefni, en undanfarin ár hefur verið samtal við fulltrúa SSNV um þátttöku þeirra, enda um mikilvægt menningar- og skólaþróunarverkefni að ræða. Fiðringur er hæfileikakeppni grunnskóla, sambærileg Skrekk í Reykjavík, þar sem nemendur í 8.–10. bekk fá skipulagt svigrúm í stundatöflu til að skapa og æfa atriði með stuðningi leiðbeinanda.

Skólar greiða þátttökugjald og taka virkan þátt í öllum undirbúningi, þar á meðal hljóði, lýsingu og sviðsvinnu sem nemendur sjálfir sinna. Keppnin fer fram í Hofi á Akureyri í maí og ef þátttaka er mikil eru haldin undankvöld. Að öðrum kosti er boðið upp á sameiginlegan „Hofs-dag“ þar sem liðin kynnast sviðinu og hvort öðru.

Samhliða keppninni taka nemendur þátt í hönnunarkeppni baksviðspassa og velja Fiðringslag ársins sem flutt er á keppniskvöldi. Verkefnið hefur vakið mikla ánægju meðal skólastjórnenda, starfsfólks og nemenda og reynslan sýnir að það styrkir sköpun, samvinnu og sjálfstraust ungmenna á landsbyggðinni.

Lykilmálaflokkur 01 – Samvinna, jákvæðni og bjartsýni

Lykilmálaflokkur 02 – Góður staður til að búa á.

Lykilmálaflokkur 03 – Aukin nýsköpun og fjölbreytt atvinnulíf.

Byggðaáætlun: Sérstök áhersla verði lögð á svæði sem búa við langvarandi fólksfækkun, atvinnuleysi og einhæft atvinnulíf.

Menningarstefnu Íslands um aukið aðgengi að menningu og virkni samfélaga.