Verkefnisstjóri menningar, viðburða og samfélagsstarfs

Umsóknarfrestur er til og með 31. ágúst

Húnaþing vestra auglýsir eftir öflugum og skapandi einstaklingi í fjölbreytt starf verkefnastjóra menningar, viðburða og samfélagsstarfs í nýrri samfélagsmiðstöð sveitarfélagsins.

Um er að ræða 100% starf í samfélagsmiðstöð Húnaþings vestra í Félagsheimilinu Hvammstanga. Samfélagsmiðstöðin verður vettvangur menningar, tómstunda, viðburða, félagsstarfs og samfélagslegrar virkni fyrir íbúa á öllum aldri.

Leitað er að einstaklingi sem hefur áhuga á að taka þátt í uppbyggingu nýrrar starfsemi, vinna með fjölbreyttum hópum og þróa lifandi dagskrá í samstarfi við íbúa, félagasamtök, stofnanir og aðra samstarfsaðila.

Helstu verkefni og ábyrgð

• Skipuleggur og þróar menningar-, viðburða- og samfélagsstarf í samfélagsmiðstöð.
• Ber ábyrgð á skipulagningu viðburða, opinni dagskrá, samstarfi við félagasamtök, hópa og einstaklinga sem nýta húsið. 
• Hefur umsjón með dagskrá fyrir fullorðna, eldri borgara, opin samfélagsverkefni, sýningar, námskeið og smærri viðburði.
• Styður við útleigu þ.m.t. uppröðun og undirbúning, kynningar, dagskrárgerð og samnýtingu rýma.
• Hefur fasta viðveru í starfi frístundae, Krakkasveiflu og félagsmiðstöðvar.
• Ýmis störf í samfélagsmiðstöð, svo sem uppröðun, samskipti við leigutaka og undirbúningur útleigu.

Menntunar- og hæfniskröfur

• Menntun sem nýtist í starfi.
• Reynsla af verkefnastjórnun, menningarstarfi eða félagsstarfi er kostur.
• Reynsla af samstarfi við félagasamtök, hópa, íbúa eða stofnanir er kostur.
• Góð samskipta- og samstarfshæfni.
• Frumkvæði, skipulagshæfni og sjálfstæði í vinnubrögðum.
• Þjónustulund, jákvæðni og lausnamiðað viðhorf.
• Hæfni til að vinna með ólíkum aldurshópum og fjölbreyttum notendum hússins.
• Góð almenn tölvukunnátta og hæfni til kynningar- og upplýsingamiðlunar.
• Sveigjanleiki varðandi vinnutíma, þar sem starfsemi getur farið fram síðdegis, á kvöldin og um helgar eftir atvikum.
• Hreint sakavottorð og óflekkað mannorð.

Um nokkurt skeið hefur verið unnið að uppsetningu samfélagsmiðstöðvar í Félagsheimilinu Hvammstanga. Um er að ræða spennandi verkefni sem miðar að því að stuðla að virkni íbúa á öllum aldri og efla starfsemi í miðstöðinni.
Við leitum að einstaklingum sem eru tilbúnir til að vinna fjölbreytt verkefni og vera hluti af nýju teymi starfsmanna samfélagsmiðstöðvarinnar.

Laun og starfskjör eru í samræmi við kjarasamning viðkomandi stéttarfélags og Sambands íslenskra sveitarfélaga.
Í samræmi við Jafnréttisstefnu Húnaþings vestra eru einstaklingar af öllum kynjum hvött til að sækja um starfið.

Sótt er um starfið hér.