Verkefnastjóri áfangastaðaáætlunar

Langar þig að þróa spennandi áfangastað með öflugu teymi Markaðsstofu Norðurlands? Ert þú skapandi einstaklingur með mikla skipulagshæfileika, framsýni og góðar hugmyndir?  

Leitað er að verkefnastjóra áfangastaðaáætlunar.

Verkefnastjóri vinnur í nánu samstarfi við ferðaþjónustuaðila og sveitarfélög á öllu Norðurlandi að þróun og uppbyggingu áfangastaðarins og þarf að hafa brennandi áhuga og góða þekkingu á markaðsmálum.

 
Helstu verkefni og ábyrgð
Framkvæmd og innleiðing áfangastaðaáætlunar
Stefnumótun, vöruþróun og nýsköpun í samstarfi við ferðaþjónustuna
Þarfagreining rannsókna og úrvinnsla gagna
Mat á fræðsluþörf, miðlun upplýsinga og handleiðsla
Þróun á sjálfbærri ferðaþjónustu og innleiðing nýrra verkefna
Samskipti við áfangastaðastofur um allt land, ferðaþjónustuna, sveitarfélög og stoðkerfi
 
Menntunar- og hæfniskröfur
Háskólamenntun sem nýtist í starfi
Reynsla og þekking á verkefnastjórnun, áætlanagerð og greiningu gagna
Reynsla og þekking á markaðsmálum er nauðsyn
Þekking á Norðurlandi og ferðaþjónustu
Góð samskiptahæfni og skipuleg vinnubrögð
Starfið krefst ferðalaga, sjálfstæðra vinnubragða og sveigjanlegs vinnutíma
 

Markaðsstofa Norðurlands, áfangastaðastofa, starfar á svæðinu frá Hrútafirði til Bakkafjarðar. MN vinnur að markaðssetningu og þróun Norðurlands sem áfangastaðar fyrir ferðamenn í samstarfi við ferðaþjónustufyrirtæki, sveitarfélög og ríki.

Starfsstöð verður á Norðurlandi vestra í húsnæði SSNV á Hvammstanga, Blönduósi, Skagaströnd eða Sauðárkróki.

Umsóknarfrestur er til 12. ágúst nk.

Frekari upplýsingar veitir Arnheiður Jóhannsdóttir framkvæmdastjóri í s: 864 6786 og skulu umsóknir berast á arnheidur@nordurland.is.