ssnv-v3

https://fb.me/e/4M31sMbd5

Þriðjudaginn 22. september 2026, kom stjórn SSNV saman til fundar á Teams. Hófst fundurinn kl. 9:00.

Mætt voru: Magnús Magnússon, Guðmundur Haukur Jakobsson, Jóhanna Ey Harðardóttir, Einar E. Einarsson, Davíð Birkir Tryggvason og Sveinbjörg R. Pétursdóttir framkvæmdastjóri sem ritaði fundargerð. Magnús Magnússon, formaður, setti fundinn og stjórnaði honum.

Dagskrá:

Rarik kemur til fundar
Tillögur að breytingum á samþykktum SSNV
Samstarfssamningur um Eim
Fjárhags- og starfsáætlun ársins 2027
Samstarfsverkefni við Orkufélag Steingerðar
Haustþing SSNV
Drög að ályktunum
Skýrsla um menningarhús á landsbyggðinni
Framlögð mál til kynningar
Fundargerðir
Umsagnir
Skýrsla framkvæmdastjóra

Afgreiðslur

Rarik kemur til fundar

Fulltrúar Rarik koma á fund stjórnar SSNV. Tilgangur samtalsins er að ræða þau tækifæri sem felast í uppbyggingu innviða á Norðurlandi vestra.

Stjórn þakkar fulltrúum Rarik fyrir upplýsandi og gott samtal.

2. Tillögur að breytingum á samþykktum SSNV

Lagðar voru fram tillögur að breytingum á samþykktum SSNV til umfjöllunar í stjórn. Breytingarnar snúa að skipun formanns úthlutunarnefndar.

Stjórn samþykkir að leggja framlagðar tillögur að breytingum á samþykktum SSNV til umræðu og afgreiðslu á haustþingi samtakanna.

3. Samstarfssamningur um Eim

Lagður var fram samstarfssamningur um verkefnið Eim til umfjöllunar og afgreiðslu í stjórn SSNV.

Stjórn samþykkir að framlag SSNV inn í samstarfsverkefnið Eim verði 10 milljónir á ári út samningstímann, 2027-2029. Samstarfsverkefnið verður skilgreint sem áhersluverkefni sóknaráætlunar Norðurlands vestra. Stjórn felur framkvæmdastjóra að undirrita samninginn fyrir hönd samtakanna.

4. Fjárhags- og starfsáætlun ársins 2027

Fjárhags- og starfsáætlun SSNV fyrir árið 2027 lagðar fyrir stjórn til kynningar og umræðu. Matthías Rúnarsson, bókari SSNV, kom til fundar og fór yfir fjárhagsáætlun.

Stjórn þakkar fyrir góða yfirferð og felur framkvæmdastjóra að gera breytingar á fjárhagsáætlun í samræmi við umræður á fundinum og leggja fyrir haustþing til umræðu og afgreiðslu.

5. Samstarfsverkefni við Orkufélag Steingerðar

Stjórn SSNV ræddi um möguleika á sameiginlegum starfsmanni með Orkusamfélagi Steingerðar, þar sem starfshlutfallið skiptist milli DEPLOY-PED Evrópuverkefnisins og atvinnuráðgjafar fyrir SSNV. Málið var framhald af kynningu Eims á Deploy-PED verkefninu á síðasta fundi.

Stjórn felur framkvæmdastjóra að ganga til samninga við Orkusamfélag Steingerðar á grundvelli þess sem rætt var á fundinum og bera samninginn undir stjórn.

6. Haustþing SSNV

Farið var yfir lokaatriði er varða undirbúning og framkvæmd haustþings SSNV.

Stjórn felur framkvæmdastjóra að senda út gögn til þingfulltrúa.

7. Drög að ályktunum

Drög að ályktunum sem lagðar verða fyrir haustþing SSNV voru lögð fram til yfirferðar og umræðu í stjórn.

Stjórn felur framkvæmdastjóra að senda ályktanir til þingfulltrúa með áorðnum breytingum.

8. Skýrsla um menningarhús á landsbyggðinni

Berglind Björnsdóttir, starfsmaður SSNV, kom til fundar og fór yfir skýrslu um menningarhús á landsbyggðinni (B9).

Stjórn þakkar Berglindi fyrir góða yfirferð og fagnar útkomu skýrslunnar. Stjórn skorar jafnframt á menningar-, nýsköpunar- og háskólaráðherra að gaumgæfa næstu skref hvað varðar aðgerð B9 á Byggðaáætlun.

9. Framlögð mál til kynningar

a) Fundargerðir

Stjórn Vestfjarðarstofu, 27. ágúst 2026. Fundargerðin.

Stjórn SSV, 26. ágúst 2026. Fundargerðin.

Stjórn SSH, 7. september 2026. Fundargerðin.

Stjórn SSS, 12. ágúst 2026. Fundargerðin.

Stjórn SASS, 4. september 2026. Fundargerðin.

Stjórn Markaðsstofu Norðurlands, 28. ágúst 2026. Fundargerðin.

Stjórn Sambands íslenskra sveitarfélaga, 28. ágúst 2026. Fundargerðin.

Umhverfis- og innviðanefnd Sambandsins, 1. september 2026. Fundargerðin .

Stýrihópur Stjórnarráðsins um byggðamál, 7. september 2026. Fundargerðin.

Framkvæmdahópur farsældarráðs, 31. ágúst 2026. Fundargerðin.

b) Umsagnir

Frumvarp til fjárlaga 2027 . Mál nr. 1/2026. Umsagnarfrestur er til og með 7. október 2026.

Breyting á ýmsum lögum vegna fjár laga 2027 . Mál nr. 2/2026. Umsagnarfrestur er til og með 1. október 2026.

Frumvarp til sveitarstjórnarlaga. Mál nr. 5/2026. Umsagnarfrestur er til og með 1. október 2026.

Varnir gegn snjóflóðum og skriðuföllum o.fl . Mál nr. 4/2026. Umsagnarfrestur er til og með 1. október 2026.

Stefna og framkvæmdaáætlun um samþættingu þjónustu í þágu farsældar barna til ársins 2030. Mál nr. 75/2026. Umsagnarfrestur er til og með 1. október 2026.

Frumvarp til laga um stórþörungarækt í sjó – Áform . Mál nr. S-172/2026. Umsagnarfrestur er til og með 25. september 2026.

Tillaga til þingsályktunar um stefnu og aðgerðaáætlun gegn fátækt barna . Mál nr. S-178/2026. Umsagnarfrestur er til og með 2. október 2026.

Framkvæmdastjóra falið að gera drög að umsögnum um Frumvarp til fjárlaga 2027, Breytingar á ýmsum lögum vegna fjárlaga 2027, Stefnu og framkvæmdaáætlun um samþættingu þjónustu í þágu farsældar barna til ársins 2030, og Frumvarp til laga um stórþörungarækt í sjó – Áform.

10. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 12.04.

Magnús Magnússon, Guðmundur Haukur Jakobsson, Jóhanna Ey Harðardóttir, Einar E. Einarsson, Davíð Birkir Tryggvason og Sveinbjörg Rut Pétursdóttir.

Kynningarfundur í dag

Wed, 30 Sep 2026 09:49:59 GMT

Kynningarfundur um lánamöguleika Svanna-lánatryggingasjóðs verður í hádeginu í dag, miðvikudaginn 30. september, kl.12.00 á Teams.

Hér að neðan má finna viðburð á Facebook þar sem nálgast má fundarhlekk.

Glæsilegt listaverk vígt á golfvellinum í Vatnahverfi

Wed, 23 Sep 2026 08:51:47 GMT

Veggjalist í Vatnahverfi er eitt fjölmargra verkefna sem hlutu styrk úr Uppbyggingarsjóði Norðurlands vestra.

Golfklúbburinn Ós í Húnabyggð vígði um helgina nýtt og glæsilegt listaverk á velli félagsins. Um er að ræða veggjalistaverk sem prýðir einn vegg vélageymslu klúbbsins og gefur öllu svæðinu nýjan og áhugaverðan blæ. Listakonan Inese Elferte málaði verkið í sumar og börn í Sumarfjöri Húnabyggðar skreyttu hurðirnar á gömlu fjárhúsunum, alls níu talsins.

Við sama tækifæri fór fram lokamót sumarsins, árlegt, sameiginlegt mót klúbbanna á Blönduósi og Skagaströnd þar sem spilað er á völlum beggja klúbbanna.

Nokkur fjöldi gesta sótti vígsluna auk golfspilaranna. Flutt voru ávörp og að þeim loknum bauð Golfklúbburinn Ós upp á veitingar.

Verkefnið Veggjalist í Vatnahverfi er eitt fjölmargra verkefna sem hlutu styrk úr Uppbyggingarsjóði Norðurlands vestra. Búið er að opna fyrir umsóknir í sjóðinn og viljum við hvetja öll sem luma á hugmyndum að verkefnum eða viðburðum til að kynna sér sjóðinn og sækja um.

Umsóknarfrestur er til þriðjudagsins 21. október kl. 14:00. Nánari upplýsingar má finna á vef SSNV, ssnv.is.

Bifvélavirki -Kaupfélag Skagfirðinga Sauðárkróki

Tue, 22 Sep 2026 14:58:45 GMT

Bifreiðaverkstæði KS óskar eftir að ráða bifvélavirkja í fullt starf.

Helstu verkefni og ábyrgð

Bilanagreining og mat á nauðsynlegum aðgerðum

Almennar viðgerðir á bifreiðum, lyfturum, dráttarvélum, vörubílum og öðrum tækjum

Reglubundnar viðhaldsskoðanir og eftirlit

Menntunar- og hæfniskröfur

Sveinspróf/meistarapróf í bifvélavirkjun

Góð almenn tölvukunnátta

Gilt bílpróf

Vönduð og öguð vinnubrögð

Jákvæðni og þjónustulund

Góð hæfni í mannlegum samskiptum

Fríðindi í starfi

Íþrótta- og heilsustyrkur

Sótt er um starfið hér .

Æskilegt að viðkomandi geti hafið störf sem fyrst. Hvetjum alla áhugasama til að sækja um, óháð kyni.

Allar nánari upplýsingar veitir Tryggvi Pálsson í síma 863-6101 eða í netfangi tryggvi.palsson@ks.is

Aðalbókari sveitarfélagsins Skagastrandar

Mon, 21 Sep 2026 11:49:23 GMT

Leitað er að áhugasömum og vandvirkum aðalbókara til starfa fyrir Sveitarfélagið Skagaströnd. Á skrifstofunni starfa þrír starfsmenn að sveitarstjóra meðtöldum og er um að ræða fjölbreytt og skemmtilegt starf.

Um er að ræða 100% stöðu og er æskilegt að viðkomandi geti hafið störf sem fyrst.

Helstu verkefni og ábyrgð

Starfsmaður hefur yfirumsjón með bókhaldi sveitarfélagsins og stofnana þess, sinnir reikningagerð, launavinnslu, afgreiðslu og þjónustu, auk annarra tilfallandi verkefna. Starfsmaður sinnir gerð ársreikninga og fjárhagsáætluna og veitir upplýsingar og ráðgjöf til stjórnenda og starfsfólks sveitarfélagsins.

Menntunar- og hæfniskröfur

Háskólamenntun sem nýtist í starfi
Haldgóð þekking og reynsla af bókhaldi er skilyrði
Góð almenn tölvukunnátta og færni í upplýsingatækni
Þekking og reynsla af bókhaldskerfinu Dynamics 365 Business Central er kostur
Framúrskarandi hæfni í mannlegum samskiptum og rík þjónustulund
Skipulagshæfni og nákvæmni í vinnubrögðum
Frumkvæði og metnaður til að ná árangri í starfi

Fríðindi í starfi

Góður og sveigjanlegur vinnustaður
36 stunda vinnuvika

Laun eru greidd samkvæmt kjarasamningi Sambands íslenskra sveitarfélaga og viðkomandi stéttarfélags.

Sótt er um hér .

Fundargerð 143. fundar stjórnar SSNV, 31. ágúst 2026

Sat, 19 Sep 2026 16:12:14 GMT

Mánudaginn 31. ágúst 2026, kom stjórn SSNV saman til fundar á Teams. Hófst fundurinn kl. 9:00.

Dagskrá:

Farsæld barna
Eimur
Forsendur fjárhagsáætlunar ársins 2027
Úthlutunar- og starfsreglur Uppbyggingarsjóðs Norðurlands vestra
Haustþing SSNV
Framlögð mál til kynningar

a)Fundargerðir

b)Umsagnir

7. Skýrsla framkvæmdastjóra

Afgreiðslur

Farsæld barna

Sara Björk Þorsteinsdóttir, verkefnastjóri Farsældar, kom til fundar og fór yfir verkefni farsældar barna.

Stjórn þakkar Söru fyrir greinargóða yfirferð. Stjórn SSNV telur brýnt að ríkið tryggi áframhaldandi fjármuni til rekstrar verkefnis um farsæld barna.

2. Eimur

Ottó Elíasson, framkvæmdastjóri Eims, og Sigurður Líndal Þórisson, sviðsstjóri sjálfbærrar viðskiptaþróunar hjá Eimi, komu til fundar og kynntu evrópuverkefnið DEPLOY-PED og tillögu um ákveðna aðkomu SSNV.

Stjórn þakkar Ottó og Sigurði fyrir greinargóða kynningu og felur framkvæmdastjóra SSNV að skoða málið nánar, þar á meðal samantekt á umfangi og eðli mögulegrar aðkomu samtakanna í minnisblaði, og leggja fyrir stjórn.

3. Forsendur fjárhagsáætlunar ársins 2027

Matthías Rúnarsson, bókari samtakanna, kom til fundar og fór yfir forsendur fjárhagsáætlunar ársins 2027.

Stjórn þakkar Matthíasi fyrir góða yfirferð og felur framkvæmdastjóra að stilla fjárhagsáætlun upp í samræmi við umræður á fundinum.

4. Úthlutunar- og starfsreglur Uppbyggingarsjóðs Norðurlands vestra

Berglind Björnsdóttir og Guðlaugur Skúlason komu til fundar og fóru yfir tillögur að breytingum á úthlutunarreglum Uppbyggingarsjóðs Norðurlands vestra.

Stjórn þakkar Berglindi og Guðlaugi fyrir góða yfirferð og samþykkir framlagðar tillögur að breytingum á úthlutunarreglum.

5. Haustþing SSNV

Framkvæmdastjóri fór yfir undirbúning og skipulag haustþings SSNV sem halda á 1. október í Húnaþingi vestra.

Stjórn samþykkir drög að dagskrá og felur framkvæmdastjóra að senda út fundarboð. Jafnframt óskar stjórn sérstaklega eftir viðveru þingmanna kjördæmisins og Innviðaráðherra á haustþinginu.

6. Framlögð mál til kynningar

a) Fundargerðir

Stjórn SSNE, 11. ágúst 2026. Fundargerðin.

Stjórn SSA, 11. ágúst 2026. Fundargerðin.

Stjórn Vestfjarðarstofu, 26. júní 2026. Fundargerðin.

Stjórn SSV, 10. júní 2026. Fundargerðin.

Stjórn SSH, 17. ágúst 2026. Fundargerðin.

Stjórn Markaðsstofu Norðurlands, 20. maí 2026. Fundargerðin.

Umhverfis- og innviðanefnd Sambandsins, 2. júní 2026. Fundargerðin .

b) Umsagnir

Drög að reglugerð um framkvæmd 20. gr. a–20. gr. i raforkulaga nr. 65/2003 . Mál nr. S-122/2026. Umsagnarfrestur er til og með 4. september 2026.

7. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 11.53.

Magnús Magnússon, Guðmundur Haukur Jakobsson, Jóhanna Ey Harðardóttir, Einar E. Einarsson, Davíð Birkir Tryggvason og Sveinbjörg Rut Pétursdóttir.

Ungmennaþing SSNV 2026 í samstarfi við Öruggara Norðurland vestra og Barnaheill

Fri, 18 Sep 2026 15:06:23 GMT

Kalla eftir opnu samtali og meiri kynfræðslu fyrir ungt fólk á Norðurlandi vestra

Nemendur sem tóku þátt í ungmennaþingi Barnaheilla á Norðurlandi vestra kalla eftir meiri kynfræðslu og opnara samtali um náin sambönd og ofbeldi meðal unglinga. Um 75 ungmenni úr 10. bekk frá öllum sex grunnskólum á Norðurlandi vestra, og Fjölbrautaskólanum á Norðurlandi vestra tóku þátt í vinnustofunni, þar sem þátttakendur voru beðnir um að miðla sinni reynslu og upplifun.

Ungmennaþingið var haldið að frumkvæði Sambands sveitarfélaga á Norðurlandi vestra og Öruggara Norðurlands vestra. Niðurstöður úr Íslensku æskulýðsrannsókninni sýna að ungmenni á Norðurlandi vestra standa að mörgu leyti verr að vígi en jafnaldrar þeirra annars staðar á landinu með tilliti til ofbeldis í nánum samböndum. Þessari þróun vill forráðafólk í sveitarfélögunum snúa við.

Nemendur úr Grunnskóla Húnaþings vestra á Hvammstanga, Húnaskóla á Blönduósi, Höfðaskóla á Skagaströnd, Árskóla á Sauðárkróki, Varmahlíðarskóla í Skagafirði, Grunnskólanum austan Vatna í Skagafirði, og svo Fjölbrautarskóla Norðurlands vestra á Sauðárkróki sóttu þingið.

„Það sem stendur upp úr var hversu margir mættu, við höfum aldrei haldið jafn stórt ungmennaþing og krakkarnir stóðu sig svo vel og voru frábærir þátttakendur. Einnig skipti mig persónulega miklu máli endurgjöfin frá ungmennunum sjálfum, mörg þeirra höfðu á orði hversu gott það væri að fá vettvang þar sem þau gætu hist og rætt jafn erfitt málefni og ofbeldi í nánum samböndum, í öruggu umhverfi með jafnöldrum sínum af öllu svæðinu,“ segir Sara Björk Þorsteinsdóttir, verkefnastjóri farsældarráðs hjá Samtökum sveitarfélaga á Norðurlandi vestra.

„Það segir okkur að þessi umræða á ekki að vera feimnismál, heldur eitthvað sem ungmenni fá að ræða saman og finna stuðning hvert hjá öðru. Ofbeldi þrífst í þögninni. Það er okkar ábyrgð sem samfélag að ræða þetta opinskátt svo að börnin okkar viti hvað eru eðlileg samskipti og hvað ekki. Krakkarnir kalla eftir meiri fræðslu og þá í formi aukins samtals þar sem þeim er mætt á jafningja grundvelli.“

Þátttakendum var skipt niður á ellefu borð með átta mismunandi umræðuefni sem sneri að ofbeldi í nánum samböndum unglinga. Kennarar og starfsfólk sem vinna að ungmennastarfi á svæðinu tóku að sér að stýra borðumræðum um viðfangsefnin í litlum hópum.

Hóparnir færðu sig svo reglulega á milli borða til að ræða málefnið út frá ýmsum hliðum og læra að þekkja muninn á heilbrigðum og óheilbrigðum samskiptum, þekkja birtingamyndir ofbeldis, hvert bæði þolendur og gerendur geta leitað eftir aðstoð, hvaða úrræði eru í boði, við hverja er best að tala og eins um mikilvægi fræðslu og forvarna eins og Barnaheill standa að.

Unga fólkið var sér og sínum skólum til mikillar fyrirmyndar og tók virkan þátt í samtalinu. Þau kölluðu eftir meiri fræðslu og töldu að stjórnvöld ættu að gera meira í því að auka umræðu og efla forvarnir í þessum málaflokki.

„Ungmennin sem mættu  á þingið í gær voru hreint út sagt frábær. Mörg þeirra töluðu um hversu mikið þau hefðu lært af því að eiga þetta samtal og hversu skemmtilegt þeim fannst að taka þátt í þinginu,“ sagði Kolbrún Hrund Sigurgeirsdóttir verkefnastýra ofbeldisforvarna og kynheilbrigðismála hjá Barnaheillum.  „Öll segjast þau vilja meiri fræðslu, og það rímar við það sem við höfum heyrt annars staðar á landinu. Þetta segir okkur bara eitt; að við þurfum að sinna forvörnum mun betur og auka verulega við kynningu á þeim úrræðum sem ungt fólk getur leitað í. “

Ungmennaþinginu lauk svo með veislu þar sem þátttakendum var boðið upp á pizzur eftir góðar umræður. Tónlistarmaðurinn Ágúst Þór Brynjarsson mætti á svæðið við góðar undirtektir hjá krökkunum. Allir fengu svo hleðslubanka og margnota taupoka að kveðjugjöf frá Barnaheillum.

Það er mikill lærdómur falinn í þátttöku á svona ungmennaþingi og það skapar dýrmætt tækifæri fyrir ungt fólk til að tjá skoðanir sínar og væntingar. Barnaheill munu nú taka saman upplýsingar og niðurstöður af þinginu, og Farsældarráðið, Öruggara Norðurland vestra og ForNor munu nýta þá vinnu til að byggja upp betra forvarnarstarf og móta viðbrögð við ofbeldi í lífi ungmenna á Norðurlandi vestra.

Ungmennaþingið var samstarfsverkefni Barnaheilla, SSNV, Farsældarráðs Norðurlands vestra, Öruggara Norðurland vestra og Forvarnaráætlunar Norðurlands vestra. Þingið var haldið að frumkvæði SSNV og Öruggara NV, í samvinnu við Fjölbrautarskóla Norðurlands vestra og með styrk frá Kaupfélagi Skagfirðinga, FISK Seafood, Steinull, Borealis Data Center, Byggðastofnunar, N1 á Sauðárkróki og Kjörbúðarinnar á Blönduósi.

Pósturinn á Blönduósi - bílstjóri

Fri, 18 Sep 2026 11:16:08 GMT

Pósturinn á Blönduósi leitar að kraftmiklum og ábyrgðarfullum einstaklingi í starf bílstjóra. Viðkomandi sér um afhendingu pakka og dreifingu bréfa á Blönduósi og Skagaströnd ásamt öðrum tilfallandi verkefnum.

Unnið er útfrá Blönduósi og vinnutími er alla virka daga kl. 8:00-14:22.

Menntunar- og hæfniskröfur

Bílpróf er skilyrði
Íslenskukunnátta er skilyrði
Frumkvæði og lausnamiðuð hugsun
Rík þjónustulund og góð samskiptafærni
Sterk ábyrgðartilfinning
Almenn tölvukunnátta

Sótt er um hér .

Öllum umsóknum er svarað og þær meðhöndlaðar sem trúnaðarmál. Umsóknarfrestur er til 25. september og þarf viðkomandi að geta hafið störf sem fyrst.

Nánari upplýsingar um starfið veitir Erla Ísafold Sigurðardóttir rekstrarstjóri, í tölvupósti - erlasi@postur.is.

Hjá Póstinum starfar lausnamiðað starfsfólk sem tekur fagnandi á móti síbreytilegum áskorunum þar sem liðsheild, þjálfun og góður starfsandi er í forgrunni. Pósturinn leggur sitt lóð á vogarskálar til að stuðla að sjálfbærni og hefur uppfyllt öll markmið Grænna skrefa. Pósturinn er jafnlaunavottað fyrirtæki.

Viltu leiða eldhúsið okkar á Sauðárkróki?

Wed, 16 Sep 2026 14:59:06 GMT

Heilbrigðisstofnun Norðurla nds (HSN) á Sauðárkróki óskar eftir að ráða stjórnanda í mötuneytið. Um er að ræða 100% starfshlutfall með sveigjanlegum vinnutíma. Æskilegt er að viðkomandi getið hafið störf sem fyrst eða skv. samkomulagi.

Við Heilbrigðisstofnun Norðurlands á Sauðárkrók starfar samhentur hópur starfsfólks sem leggur sitt að mörkum til að þjónusta samfélagið á sem bestan hátt. Áhersla er lögð á vellíðan á vinnustað, teymisvinnu og lærdómssamfélag.

Hér er að finna frekari upplýsingar um HSN á Sauðárkróki HSN á Sauðárkróki: Fagmennska, samvinna og virðing í fyrirrúmi

Í Skagafirði eru öll skólastig, frá leikskóla og upp í háskóla. Skagafjörður er útivistar paradís og þar er úrval gönguleiða, gott skíðasvæði og frábær golfvöllur. Hestamennska á sér fastan sess í héraðinu og í boði eru ótal reiðleiðir. Íþróttalífið er í miklum blóma og má þar nefna körfubolta, fótbolta, frjálsar, júdó, sund, golf, skíði, blak og margt fleira. https://www.skagafjordur.is/

Helstu verkefni og ábyrgð

Matseld og framreiðsla samkvæmt gæðakröfum HSN
Stjórnun daglegs rekstrar og eldhúss og mannaforráð
Gerð vaktaplana
Gerð matseðla, næringarsamsetningu og innkaup
Gæðaeftirlit með framleiðslu, matvælaöryggi og hreinlæti
Stuðla að öryggi, gæðum og hagkvæmni í rekstri
Virk þátttaka í þróun og umbótum á starfsemi eldhússins
Þátttaka í endurskoðun og þróun verkferla með áherslu á skilvirkni, gæði og þjónustu
Leiða og styðja við innleiðingu nýrra vinnubragða og breytinga eftir því sem starfsemin þróast
Önnur verkefni skv. beiðni næsta stjórnanda

Menntunar- og hæfniskröfur

Matreiðslumaður/matartæknir eða önnur sambærileg menntun sem nýtist í starfi
Reynsla af störfum í mötuneyti, stóreldhúsi eða sambærilegu umhverfi er kostur
Góð þekking á Timian pöntunarkerfi er kostur
Reynsla af umbótastarfi, þróun verkferla eða þátttöku í breytingaverkefnum kostur
Frábær samskiptahæfni, jákvæðni og sveigjanleiki
Faglegur metnaður og lausnamiðuð hugsun
Frumkvæði, skipulagshæfni og sjálfstæði í vinnubrögðum
Góð íslensku- og enskukunnátta
Gott orðspor, ökuleyfi og hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Tekið er á móti rafrænum umsóknum á starfatorg.is með því að smella á hlekkinn hér að neðan. Með umsókn skal fylgja ferilskrá og kynningarbréf á íslensku þar sem færð eru rök fyrir hæfni viðkomandi til að gegna starfinu. Fólk af öllum kynjum er hvatt til að sækja um starfið.

Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru Fagmennska - Samvinna - Virðing.

Starfshlutfall er 100%

Sótt er um hér .

Nánari upplýsingar veitir

Sigurbjörg Kristr Snjólfsdóttir

Tölvupóstur: sigurbjorg.kristrun.snjolfsdottir@hsn.is

Sími: 432 4200

Birkir Örn Stefánsson

Tölvupóstur: birkir.orn.stefansson@hsn.is

Sími: 432 4044

Starfsfólk í aðhlynningu og býtibúri Sæborg - HSN Skagaströnd

Wed, 16 Sep 2026 14:54:54 GMT

Heilbrigðisstofnun Norðurlands (HSN) á Skagaströnd, Sæborg óskar eftir jákvæðum, áreiðanlegum og þjónustulunduðum einstaklingi til starfa í aðhlynningu og í býtibúr. Um er að ræða vaktavinnu á heimili þar sem rík áhersla er lögð á hlýja, faglega og einstaklingsmiðaða þjónustu við íbúa.

Ráðningarhlutfall er 40-100%.

Æskilegt er að viðkomandi geti hafið störf sem fyrst eða samkvæmt samkomulagi.

VIð leitum að einstaklingi sem hefur áhuga á að vinna með fólki, hefur áhuga á fjölbreyttum verkefnum, ríka samskiptahæfni og vinnur vel bæði sjálfstætt og í teymi.

Hér má sjá upplýsingar um HSN í hnotskurn fyrir allar starfsstöðvar

Helstu verkefni og ábyrgð

Almenn aðhlynningarstörf og stuðningur við íbúa í samstarfi við fagaðila
Verkefni í býtibúri tengd undirbúningi og frágangi máltíða
Þátttaka í teymisvinnu
Frágangur, þrif og önnur tilfallandi verkefni sem tengjast daglegum rekstri deildarinnar
Þvottur og skyld störf, móttaka og frágangur á þvotti
Önnur tilfallandi verkefni

Hæfniskröfur

Frábær samskiptahæfni, jákvæðni og þjónustulund
Reynsla úr sambærilegu starfi er kostur en ekki skilyrði
Frumkvæði, sveigjanleiki í starfi og sjálfstæð vinnubrögð
Góð íslensku- eða enskukunnátta
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélagið Samstaða hafa gert.

Með umsókn skal fylgja náms- og starfsferilskrá ásamt kynningarbréfi á íslensku. Ekki er unnt að ráða fólk yngra en 18 ára.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.

Starfshlutfall er 40-100%

Sótt er um hér .

Umsóknarfrestur er til og með 21.09.2026

Nánari upplýsingar veitir

Eydís Inga Sigurjónsdóttir

deildarstjóri

Tölvupóstur: eydis.inga.sigurjonsdottir@hsn.is

Sími: 453 4170

Helga Margrét Jóhannesdóttir

yfirhjúkrunarfræðingur svæðis

info@startuplandid.s
www.startuplandid.is

Sími: 432 4100

Öflugur hópur frumkvöðla valinn í Startup Landið 2026

Tue, 15 Sep 2026 13:31:51 GMT

14 fjölbreytt nýsköpunarverkefni af öllu landinu hafa verið valin til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni.

Startup Landið er viðskiptahraðall sem veitir frumkvöðlum og smáfyrirtækjum utan höfuðborgarsvæðisins tæki, fræðslu og sérfræðiaðstoð til að færa hugmyndir sínar á næsta stig. Á næstu mánuðum munu þátttakendur sækja stífar vinnustofur, fá leiðsögn frá reynslumiklum mentorum og vinna að mótun viðskiptamódela, fjármögnun og markaðssetningu.

Vinnustofur hraðalsins fara fram á völdum stöðum á landsbyggðinni í október og nóvember næstkomandi.

Fjölbreytt hugvit um allt land

Þátttakendur ársins endurspegla mikla fjölbreytni í íslenskri nýsköpun, allt frá matvælaframleiðslu, sjálfbærni verkefnum og verkefni tengt heilsueflingu yfir í tækni-, ferða- og þjónustulausnir.

Þau verkefni sem taka þátt í Startup Landinu 2026 eru:

Ullarkögglar (Suðurland - SASS): Höfðar til hringrásarhugarfars með framleiðslu á lífrænum áburði úr íslenskri ull sem annars færi forgörðum. (Alice Sowa)
Korngrís Bjór (Suðurland - SASS): Nýsköpun í bruggun þar sem stefnt er að framleiðslu á bjór eingöngu úr íslensku byggi. (Petrína Jónsdóttir)
Hólmur Heilsa og Steinunn Saunagus (Suðurnes - SSS): Uppbygging á heilsu- og sauna-upplifun sem eflir vellíðan og ferðaþjónustu á svæðinu. (Unnur Svava Sverrisdóttir)
Kraftý Café (Suðurnes – SSS): Nýstárleg kaffihúsa- og upplifunarhönnun sem eflir samfélag og menningarlíf. (Alexandra Ósk Laxdal og Inga Hrönn Kristjánsdóttir)
Byrjum / Fjarheilbrigðistorg (Vestfirðir - VF): Miðlægur stafrænn vettvangur sem safnar saman fjarheilbrigðis- og velferðarþjónustu sérfræðinga til að tryggja íbúum landsbyggðarinnar jafnt aðgengi. (Þóra Kristín Bergsdóttir)
Valkyrju Ævintýri (Vestfirðir - VF): Uppbygging á heilsársferðaþjónustu og upplifun á Vestfjörðum. (Jake Lampe)
Snigill - smár snigill - stórt prótein (Vesturland - SSV): Sniglarækt sem opnar nýjar, sjálfbærar leiðir í matvælaframleiðslu og próteinræktun á Íslandi. (Sigríður Halldóra Gunnarsdóttir)
Sif's Hair Atelier (Vesturland - SSV): Sérhæfðar, náttúrulegar og lúxus hárlausnir sem efla sjálfstraust kvenna sem glíma við hármissi. (Laura Martin Merino)
Okkar norður ehf. (Norðurland vestra - SSNV): Samstarfs- og markaðslíkan fyrir fyrirtæki og stofnanir sem nýtir stafræna miðlun til að efla sýnileika svæðisins. (Sigurjón Arthur Friðjónsson)
BlómAría (Norðurland vestra - SSNV): Nýsköpunarverkefni á sviði blómaræktar og hönnunar í heimabyggð. (Anna Sif Ingimarsdóttir)
Dálæti (Austurland - Austurbrú): Hönnun og framleiðsla á séríslenskum skartgripum og vörum sem vekja nostalgíu og kátínu. (Guðdís Jóhannadóttir)
Fjarðarhjól ehf. (Austurland - Austurbrú): Hjóla- og afþreyingarferðaþjónusta sem nýtir náttúru og landslag Austfjarða. (Árni Magnús Magnusson)
Syðra Holt ehf. (Norðurland eystra - SSNE): Lífrænt kaffihús, vinnustofa og framleiðslueldhús fyrir afurðir af býlinu í Svarfaðardal. (Alejandra Gabriela Soto Hernández)
AllergyID (Norðurland eystra - SSNE): Tæknilausn og app sem auðveldar fólki með óþol og ofnæmi að finna viðeigandi matvæli og þjónustu. (Bjarni Þór Ævarsson)

Efling landsbyggðarinnar

„Það er mikill kraftur í frumkvöðlastarfi á landsbyggðinni að þessu sinni eru tvö öflug teymi frá Norðurlandi vestra og teymin als 14 sem hafa verið valin í Startup Landið. Þau sýna vel hversu fjölbreyttar hugmyndir og tækifæri eru til staðar um allt land. Við viljum hjálpa þeim að taka næstu skref, prófa hugmyndirnar á markaði og byggja traustan grunn að rekstri. Þar skiptir fagleg leiðsögn og tengsl við reynda frumkvöðla og sérfræðinga miklu máli, en einnig stuðningurinn sem teymin fá hvert frá öðru. Það verður spennandi að fylgja þeim eftir og sjá hugmyndirnar þróast, því öflug frumkvöðlastarfsemi getur skapað bæði ný störf og aukin tækifæri í heimabyggð,“

segir Guðlaugur Skúlason, Verkefnastjóri hjá SSNV.

Startup Landið hefur það að markmiði að efla tengslanet frumkvöðla og veita þeim aðgang að sérfræðiþekkingu og tækjum til að byggja upp sjálfbæran rekstur. Með því að styðja við fjölbreyttar hugmyndir um allt land skapast ný störf, aukin verðmætasköpun og meiri byggðafesta.

Uppbyggingarsjóður Norðurlands vestra opnar 16. september

Tue, 15 Sep 2026 11:22:03 GMT

Opnað verður fyrir umsóknir í Uppbyggingarsjóð Norðurlands vestra 16. september . SSNV hvetur einstaklinga, fyrirtæki, félagasamtök og stofnanir með hugmyndir að verkefnum til að kynna sér tækifærin sem sjóðurinn býður upp á. Sjóðurinn styður við atvinnuþróunar- og nýsköpunarverkefni, menningar- og samfélagsverkefni og veitir auk þess stofn og rekstrarstyrki til stofnana á sviði menningarmála á Norðurlandi vestra og gegnir þannig mikilvægu hlutverki í að koma góðum hugmyndum í framkvæmd. Í síðustu úthlutun, vegna verkefna ársins 2026, var rúmum 76 milljónum króna úthlutað til uppbyggingar í landshlutanum.

Góð umsókn krefst undirbúnings og því er mikilvægt að hefjast handa tímanlega . Umsækjendur eru hvattir til að gefa sér svigrúm til að móta verkefnið, skýra markmið þess og vinna raunhæfa verk- og kostnaðaráætlun.

Starfsfólk SSNV er tilbúið að aðstoða við umsóknarskrif og veita ráðgjöf um undirbúning og framsetningu verkefna. Áhugasamir eru hvattir til að hafa samband sem fyrst og nýta sér aðstoðina.

Nánari upplýsingar má nálgast á heimasíðu SSNV eða með því að hafa samband í síma 419 4550 eða á netföngin berglind@ssnv.is og/eða gudlaugur@ssnv.is

Ertu með hugmynd? Nú er rétti tíminn til að taka næsta skref!

Ungmennaþing Norðurlands vestra 2026

Mon, 14 Sep 2026 15:41:35 GMT

Ungmennaþing um ofbeldi í nánum samböndum ungs fólks

Samstarf Barnaheilla, SSNV og Öruggara Norðurlands vestra

Ungmennaþing verður haldið fimmtudaginn 17. september kl. 09:30-13:00 í Fjölbrautaskólanum á Norðurlandi vestra. Öllum nemendum í 10. bekk er boðið að taka þátt í þinginu, frá öllum sex grunnskólum á Norðurlandi vestra.

Um er að ræða samstarfsverkefni Barnaheilla, SSNV, Farsældarráðs Norðurlands vestra, Öruggara Norðurland vestra og Forvarnaráætlunar Norðurlands vestra. Ungmennaþingið er byggt á samskonar vinnustofum og Barnaheill hélt víða um land á vormánuðum, en þó sérsniðið að aðstæðum á svæðinu. Þingið er haldið að frumkvæði SSNV og Öruggara NV, í samvinnu við Fjölbrautarskóla Norðurlands vestra og með styrk frá Kaupfélagi Skagfirðinga, FISK seafood, Steinull, Borealis datacenter, Byggðarstofnunar, N1 á Sauðárkróki og Kjörbúðarinnar á Blönduósi.

Þema þingsins tekur mið af ungmennaþingum Barnaheilla frá í vor, þar sem ofbeldi í nánum samböndum unglinga var í forgrunni. Með beinni þátttöku unga fólksins á svæðinu er hægt að fá innsýn í upplifun og viðhorf þeirra, og hverju þau vilja koma á framfæri við samfélagið sitt varðandi ofbeldi í nánum samböndum.

Markmiðið er meðal annars að kanna hvort ungmennin þekki einkenni óheilbrigðra sambanda og ofbeldis, og viti hvert þau geta leitað eftir aðstoð. Einnig verður leitast við að heyra hvaða mögulegar lausnir þau sjái sjálf til að minnka slíkt ofbeldi.

Það er mikill lærdómur falinn í þátttöku í ungmennaþingi og dýrmætt tækifæri fyrir ungt fólk til að tjá skoðanir sínar og væntingar. Barnaheill munu taka saman upplýsingar og niðurstöður að ungmennaþinginu loknu, og munu Farsældarráðið, Öruggara Norðurland vestra og ForNor nýta þá vinnu til að byggja upp betra forvarnarstarf og móta viðbrögð við ofbeldi í lífi ungmenna á Norðurlandi vestra.

Málefnið er afar mikilvægt, enda sýna fyrirliggjandi gögn að kynferðisofbeldi gegn ungu fólki og meðal ungmenna er alvarlegt samfélagslegt vandamál. Ljóst er að þörf er á aukinni umræðu og markvissri fræðslu, meðal annars um mörk, samþykki, virðingu og heilbrigð samskipti. Í þeirri vinnu sem fram undan er skiptir miklu máli að sjónarmið og reynsla ungmenna fái að heyrast. Rödd þeirra er því lykilþáttur í því að móta fræðslu og forvarnir sem raunverulega ná til ungs fólks og mæta þörfum þess.

Ofbeldi þrífst í þögninni.

Til upplýsingar er hér skýrsla með niðurstöðum frá sambærilegum ungmennaþingum sem haldin voru í öðrum landshlutum fyrri hluta árs: https://barnaheill.is/wp-content /uploads/2026/04/Nidurstodur-ungmennathinga-2026.pdf

Youth Forum on Violence in Close Relationships Among Young People

In cooperation of Save the Children, SSNV and Öruggara Norðurland vestra.

A Youth Forum will be held on Thursday, 17 September from 09:30-13:00 at FNV, the Comprehensive College of Northwest Iceland. All 10th-grade students from six junior high schools in the northwestern region are invited to participate in the workshop.

The forum is organized by Save the Children Iceland, SSNV, the Welfare Council of Northwest Iceland, Safer Northwest Iceland, and the Prevention Program of Northwest Iceland. The Youth Forum is based on similar workshops that Save the Children have run previously in other parts of the country but tailored to the needs of young people in the area.

This is done at the initiative of the municipalities and Safer North West Iceland, in close cooperation with FNV, and with funding from Kaupfélag Skagfirðinga, FISK seafood, Steinull, Borealis datacenter, the Regional Development Institute, N1 in Sauðárkrókur, and Kjörbúðin in Blönduós.

The focus will be on violence in teenage relationships. By consulting directly with the young people in the region, they will be able to share their own experiences, thoughts and feelings, and what support they feel should be available within their local communities.

The goal of the forum is to help young people to recognize the signs of unhealthy relationships and violence, and where they can seek available help. They will also be asked to look for ways to reduce violence within their own environment.

Participating in a workshop like this will be a valuable opportunity for the youth in northwestern Iceland to express their own opinions and expectations. Afterwards, Save the Children will produce a report based on the findings of the forum, which the Welfare Council, Safer Northwest Iceland, and ForNor will then use to improve their prevention program and to further develop a response plan for the region.

This is an important issue to tackle, as recent data indicates that sexual violence amongst young people has turned into a serious societal problem. There is an obvious need for open discussion and targeted education on boundaries, consent, respect, and healthy relationships. It is also crucial that the perspectives and experiences of the young people in the region will be reflected in that process. Their voices will be the key element in shaping education and prevention that truly reaches young people and meets their needs.

For further information, here is a report by Save the Children, in Icelandic, based on the result of previous youth forums: https://barnaheill.is/wp-content/uploads/2026/04/Nidurstodur-ungmennathinga-2026.pdf

Skrifstofumaður

Fri, 11 Sep 2026 10:32:37 GMT

Umsóknarfrestur er til og með 14.09.2026

Laus er til umsóknar staða skrifstofumanns við embætti sýslumannsins á Norðurlandi vestra á sýsluskrifstofunni á Sauðárkróki.

Æskilegt er að umsækjendur geti hafið störf 1. október n.k. eða sem næst því, eftir nánara samkomulagi. Um er að ræða ótímabundna ráðningu með 6 mánaða reynslutíma.

Helstu verkefni og ábyrgð

Almenn skrifstofustörf og móttaka gagna
Gjaldkerastörf
Upplýsingagjöf í síma og tölvupósti við viðskiptavini og hagsmunaaðila
Afgreiðsla og afhending gagna, svo sem þinglýstra skjala, vegabréfa, ökuskírteina, stæðiskorta, vottorða o.fl.
Umsjón með frágangi skjalasafns starfsstöðvarinnar, eftirfylgni með skjalaskráningu og skilum til Þjóðskjalasafns
Önnur tilfallandi verkefni sem sinnt er hjá embættinu.

Hæfniskröfur

Stúdentspróf (3. þrep íslenska hæfnirammans) eða reynsla í sambærilegu starfi
Önnur menntun sem nýtist í starfi er kostur
Mjög gott vald á íslensku og ensku og færni til að tjá sig í ræðu og riti
Reynsla af þjónustustörfum eða skjalavörslu er kostur, svo og önnur reynsla sem nýtist í starfi
Gott vald á upplýsingatækni og hæfni til að tileinka sér nýjungar á því sviði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn um starfið skal skila rafrænt í gegnum ráðningarkerfi ríkisins og skulu fylgja:

Starfsferilskrá.
Upplýsingar um meðmælendur.
Stutt kynningarbréf þar sem gerð er grein fyrir ástæðu umsóknar og hæfni umsækjenda í starfið.
Afrit af prófskírteinum ef við á.

Öllum umsóknum verður svarað að ráðningu lokinni.

Einstaklingar óháð kyni eru hvött til að sækja um. Öllum umsóknum verður svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins. Þann 1. janúar 2027 tekur nýtt sameinað sýslumannsembætti til starfa. Starfsfólk núverandi embætta verður starfsfólk hjá hinu nýja embætti.

Starfshlutfall er 100%

Umsóknarfrestur er til og með 14.09.2026

Nánari upplýsingar veitir

Auður Steingrímsdóttir

skrifstofustjóri

Tölvupóstur: audur.steingrimsdottir@syslumenn.is

Sími: 4582554

Sótt er um starfið hér .

Hjúkrunarfræðingur - HSN Blönduós

Fri, 11 Sep 2026 10:28:17 GMT

Umsóknarfrestur er til og með 14.09.2026

Heilbrigðisstofnun Norðurlands (HSN) á Blönduósi óskar eftir að ráða metnaðarfullan og jákvæðan hjúkrunarfræðing til starfa. Starfið býður upp á fjölbreytt verkefni þar sem unnið er með breiðan hóp þjónustuþega, auk góðra tækifæra til starfsþróunar og símenntunar í hlýlegu, styðjandi og uppbyggilegu starfsumhverfi.

Ráðningartími og starfshlutfall er skv. samkomulagi. Æskilegt er að viðkomandi geti hafið störf sem fyrst.

Hjá Heilbrigðisstofnun Norðurlands á Blönduósi er samheldinn og öflugur hópur fagfólks sem leggur ríka áherslu á fagmennsku, jákvæð samskipti og gagnkvæma virðingu. Sérstök áhersla er lögð á vellíðan á vinnustað, árangursríka teymisvinnu og raunveruleg tækifæri til faglegra vaxta og þróunar í starfi.

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Hér má sjá upplýsingar um HSN í hnotskurn fyrir allar starfsstöðvar

Helstu verkefni og ábyrgð

Almenn hjúkrun og umönnun
Stuðningur, ráðgjöf og hjúkrunarmeðferð
þátttaka í teymisvinnu, umbótaverkefnum og að vinna að góðri liðsheild
Samstarf við aðra faghópa innan stofnunarinnar
Önnur tilfallandi verkefni

Hæfniskröfur

Fullgilt hjúkrunarpróf og íslenskt starfsleyfi
Íslenskukunnátta skilyrði
Reynsla er kostur en ekki skilyrði
Frumkvæði og sjálfstæði í vinnubrögðum
Skipulagshæfni og öguð vinnubrögð
Frábær samskiptahæfni, jákvæðni og sveigjanleiki
Reynsla og/eða áhugi á teymisstarfi
Faglegur metnaður og lausnamiðun
Gott orðspor og hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af prófskírteinum og starfsleyfi.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 30-100%

Umsóknarfrestur er til og með 14.09.2026

Nánari upplýsingar veitir

Viktoría Björk Erlendsdóttir

Sími: 432 4100

Helga Margrét Jóhannesdóttir

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Sími: 432 4100

Sótt er um starfið hér .

Starfsmaður í þvottahús - HSN Blönduósi

Fri, 11 Sep 2026 10:25:07 GMT

Umsóknarfrestur er til og með 14.09.2026

Heilbrigðisstofnun Norðurlands (HSN) Blönduósi óskar eftir starfsmanni í þvottahús. Um er að ræða 50% ótímabundið starf. Æskilegt er að viðkomandi geti hafið störf sem fyrst eða samkvæmt samkomulagi.

Helstu verkefni og ábyrgð

Móttaka, flokkun og meðhöndlun á óhreinum textíl
Þvottur, þurrkun, straujun og frágangur á hreinum textíl
Einfaldar viðgerðir á textíl
Flutningur á textíl og öðrum varningi milli nærliggjandi starfsstöðva HSN
Önnur tilfallandi verkefni

Hæfniskröfur

Reynsla af vinnu í þvottahúsi er kostur
Ökuréttindi eru skilyrði
Frábær samskiptahæfni og jákvæðni
Frumkvæði og sjálfstæði í vinnubrögðum
Sveigjanleiki, nákvæm og ábyrg vinnubrögð
Íslensku- eða enskukunnátta
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélagið Samstaða hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Ekki er unnt að ráða fólk yngra en 18 ára.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 50%

Umsóknarfrestur er til og með 14.09.2026

Nánari upplýsingar veitir

Helga Margrét Jóhannesdóttir

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Sími: 432 4100

Sótt er um starfið hér .

Sjúkraþjálfari - HSN Blönduós/ Skagaströnd

Fri, 11 Sep 2026 10:22:03 GMT

Umsóknarfrestur er til og með 14.09.2026

Heilbrigðisstofnun Norðurlands (HSN) á Blönduósi óskar eftir að ráða sjúkraþjálfara í 100% starfshlutfall á Blönduós og Skagaströnd. Ráðningartími er samkvæmt samkomulagi. Æskilegt er að viðkomandi geti hafið störf sem fyrst.

Um er að ræða fjölbreytt og áhugavert starf þar sem 60% eru á sjúkra- og hjúkrunardeild, 20% í heilsugæslu og 20% á hjúkrunarheimili Blönduós/Skagaströnd. Starfað er í þverfaglegu teymi þar sem lögð er áhersla á fagmennsku, samstarf og góða þjónustu við skjólstæðinga.

Hér má sjá upplýsingar um HSN í hnotskurn fyrir allar starfsstöðvar

Möguleiki á aðstoð við húsnæði fyrir þau sem ekki eru þegar búsett á Blönduósi.

Helstu verkefni og ábyrgð

Ábyrgð á þeirri sjúkraþjálfun sem veitt er og mat á árangri meðferðar
Skráning og skýrslugerð
Fræðsla til sjúklinga og aðstandenda
Heimavitjanir og ráðgjöf
Mat á þörf fyrir hjálpartæki og hjálpartækjabeiðnir
Þátttaka í þverfaglegu samstarfi/teymi
Þátttaka í fagþróun
Önnur tilfallandi verkefni

Hæfniskröfur

Íslenskt starfsleyfi sem sjúkraþjálfari
Bílpróf skilyrði
Góð íslenskukunnátta æskileg
Reynsla af sambærilegu starfi er kostur
Góð fagleg þekking
Frábær samskiptahæfni, jákvæðni og sveigjanleiki
Frumkvæði og sjálfstæð vinnubrögð
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 100%

Umsóknarfrestur er til og með 14.09.2026

Nánari upplýsingar veitir

Helga Margrét Jóhannesdóttir

Sími: 432 4100

Viktoría Björk Erlendsdóttir

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Sími: 432 4984

Sótt er um starfið hér .

Sjúkraliðar og sjúkraliðanemar - HSN Blönduós

Fri, 11 Sep 2026 10:18:00 GMT

Umsóknarfrestur er til og með 14.09.2026

Heilbrigðisstofnun Norðurlands (HSN) á Blönduósi óskar eftir metnaðarfullum, jákvæðum og þjónustulunduðum sjúkraliðum og sjúkraliðanemum á hjúkrunarsvið. Um er að ræða fjölbreytt og gefandi starf í lifandi starfsumhverfi þar sem áhersla er lögð á fagmennsku, öryggi, virðingu og góða þjónustu. Starfið býður upp á tækifæri til að öðlast dýrmæta reynslu, efla fagþekkingu og taka þátt í öflugu þverfaglegu samstarfi.

Hjá HSN Blönduósi er lögð áhersla á jákvætt starfsumhverfi þar sem samvinna, traust, vellíðan starfsfólks og góð liðsheild eru í fyrirrúmi.

Hér má sjá upplýsingar um HSN í hnotskurn fyrir allar starfsstöðvar

Helstu verkefni og ábyrgð

Almenn aðhlynningarstörf og stuðningur við íbúa í samstarfi við fagaðila
Eftirlit með líðan íbúa og miðlun mikilvægra upplýsinga til hjúkrunarteymis
Skráning og meðferð upplýsinga samkvæmt verklagsreglum og gæðaviðmiðum
Þátttaka í teymisvinnu
Stuðla að vellíðan, öryggi og virðingu skjólstæðinga
Þátttaka í faglegu þróunarstarfi og umbótaverkefnum eftir því sem við á
Frágangur, þrif og önnur tilfallandi verkefni sem tengjast daglegum rekstri deildarinnar
Önnur tilfallandi verkefni

Hæfniskröfur

Íslenskt sjúkraliðaleyfi/ staðfesting á námi fyrir nema
Áhugi á að starfa með fólki
Reynsla af umönnun er kostur
Rík þjónustulund, jákvætt viðmót og mjög góð samskiptahæfni
Áreiðanleiki og sveigjanleiki
Góð íslenskukunnátta
Frumkvæði og sjálfstæði í vinnubrögðum
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Með umsókn skal fylgja náms- og starfsferilskrá, kynningarbréf á íslensku ásamt afriti af starfsleyfi sjúkraliða ef við á. Fyrir nema skal fylgja með staðfesting á námi. Ekki er unnt að ráða fólk yngra en 18 ára.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 40-100%

Umsóknarfrestur er til og með 14.09.2026

Nánari upplýsingar veitir

Viktoría Björk Erlendsdóttir

Sími: 432 4984

Helga Margrét Jóhannesdóttir

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Sími: 432 4100

Sótt er um starfið hér .

Deildarstjóri á hjúkrunardeild - HSN Blönduósi

Fri, 11 Sep 2026 10:09:18 GMT

Umsóknarfrestur er til og með 14.09.2026

Heilbrigðisstofnun Norðurlands (HSN) á Blönduósi auglýsir lausa stöðu deildarstjóra hjúkrunardeildar. Starfshlutfall er 100% og veitist starfið frá 1. október 2026 eða eftir samkomulagi. Deildarstjóri ber faglega, stjórnunarlega og rekstrarlega ábyrgð á hjúkrun á hjúkrunarsviði og gegnir lykilhlutverki í að tryggja öfluga þjónustu, fagmennsku og vellíðan skjólstæðinga og starfsfólks. Starfið felur meðal annars í sér leiðtoga- og mannauðshlutverk, þróun þjónustu og virka þátttöku í gæðastarfi og umbótum. Næsti yfirmaður deildarstjóra er yfirhjúkrunarfræðingur svæðis á Blönduósi.

Á hjúkrunardeild eru samreknar þrjár deildir. Deild A sem er blönduð sjúkra- og hjúkrunardeild, deild B sem er hjúkrunardeild og svo dvalardeild. Rýmin eru samtals 34.

HSN leggur áherslu á jákvætt og styðjandi starfsumhverfi þar sem fagþekking, samvinna og metnaður til þróunar þjónustunnar eru í fyrirrúmi.

Möguleiki er á aðstoð við útvegun húsnæðis.

Hér má sjá upplýsingar um HSN í hnotskurn fyrir allar starfsstöðvar

Helstu verkefni og ábyrgð

Fagleg ábyrgð á hjúkrunarþjónustu sem veitt er á hjúkrunarsviði
Dagleg stjórnun og rekstur hjúkrunardeildar
Almenn mannauðsmál s.s. leiðsögn, stuðningur og fagleg uppbygging starfsfólks
Tryggja að rekstur og starfsmannamál séu í samræmi við fjárhagsáætlun
Skipulagning vakta og mannafla
Þátttaka í klínísku starfi
Efling jákvæðra vinnustaðamenningar og samstarfs
Ábyrgð á gæðum þjónustu og innleiðingu verklags og umbóta
Þátttaka í þróunarverkefnum og stefnumótun deildar
Virk teymisvinna og samstarf þvert á fagstéttir og stofnun

Hæfniskröfur

Íslenskt hjúkrunarleyfi og a.m.k. 5 ára starfsreynsla við hjúkrun
Viðbótarmenntun á sviði heilbrigðisvísinda eða stjórnunar er kostur
Reynsla af stjórnun eða sambærilegu starfi er kostur
Sterk leiðtogahæfni
Frábær samskiptahæfni og jákvætt viðmót
Frumkvæði, góð skipulagshæfni og lausnamiðuð nálgun
Drífandi og faglegur metnaður
Þekking á RAI-mati er kostur
Góð íslensku- og enskukunnátta
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 100%

Umsóknarfrestur er til og með 14.09.2026

Nánari upplýsingar veitir

Helga Margrét Jóhannesdóttir

Sími: 432 4133

Viktoría Björk Erlendsdóttir

Sími: 432 4984

Sótt er um starfið hér .

Starfsfólk í aðhlynningu og býtibúri Sæborg - HSN Skagaströnd

Fri, 11 Sep 2026 09:55:37 GMT

Umsóknarfrestur er til og með 21.09.2026

VIð leitum að einstaklingi sem hefur áhuga á að vinna með fólki, hefur áhuga á fjölbreyttum verkefnum, ríka samskiptahæfni og vinnur vel bæði sjálfstætt og í teymi.

Hér má sjá upplýsingar um HSN í hnotskurn fyrir allar starfsstöðvar

Helstu verkefni og ábyrgð

Almenn aðhlynningarstörf og stuðningur við íbúa í samstarfi við fagaðila
Verkefni í býtibúri tengd undirbúningi og frágangi máltíða
Þátttaka í teymisvinnu
Frágangur, þrif og önnur tilfallandi verkefni sem tengjast daglegum rekstri deildarinnar
Þvottur og skyld störf, móttaka og frágangur á þvotti
Önnur tilfallandi verkefni

Hæfniskröfur

Frábær samskiptahæfni, jákvæðni og þjónustulund
Reynsla úr sambærilegu starfi er kostur en ekki skilyrði
Frumkvæði, sveigjanleiki í starfi og sjálfstæð vinnubrögð
Góð íslensku- eða enskukunnátta
Hreint sakavottorð og gott orðspor

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélagið Samstaða hafa gert.

Með umsókn skal fylgja náms- og starfsferilskrá ásamt kynningarbréfi á íslensku. Ekki er unnt að ráða fólk yngra en 18 ára.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.

Starfshlutfall er 40-100%

Umsóknarfrestur er til og með 21.09.2026

Nánari upplýsingar veitir

Eydís Inga Sigurjónsdóttir

deildarstjóri

Tölvupóstur: eydis.inga.sigurjonsdottir@hsn.is

Sími: 453 4170

Helga Margrét Jóhannesdóttir

yfirhjúkrunarfræðingur svæðis

Kynning á dönsku: þriðjudaginn 8. september kl. 10:00

Sími: 432 4100

Sjá nánar hér .

Tækifæri fyrir ungt fólk, þátttaka í Erasmus+ verkefni

Fri, 11 Sep 2026 08:52:41 GMT

Ungt fólk á aldrinum 16-25 ára er hvatt til að sækja um þátttöku í norrænu Erasmus+ verkefni

Ungmenni á aldrinum 16–25 ára býðst nú tækifæri til að taka þátt í alþjóðlega Erasmus+ verkefninu The Nordic Youth Project , sem unnið er í samstarfi Húnaklúbbsins á Hvammstanga, aðila í Skotlandi og Finnlandi.

Markmið verkefnisins er að virkja ungt fólk í byggða- og samfélagsþróun og skapa vettvang fyrir fræðslu, nýsköpun og frumkvöðlastarf. Þátttakendur frá löndunum þremur munu vinna saman, skiptast á reynslu og ræða meðal annars virka samfélagsþátttöku og hvernig ungt fólk getur haft áhrif á ákvarðanatöku í sínum samfélögum.

Í verkefninu verða þrjú ungmennaskipti. Fyrsti fyrsti fundurinn verður á Íslandi í lok október 2026, næst verður hist í Skotlandi í júlí 2027 og verkefninu lýkur með heimsókn til Finnlands í byrjun árs 2028. Erasmus+ styrkur verkefnisins stendur straum af ferðakostnaði og gistingu þátttakenda.

Ungt fólk sem hefur áhuga á ferðalögum, samfélagsmálum, nýsköpun eða því að kynnast jafnöldrum frá öðrum löndum er sérstaklega hvatt til að sækja um. Verkefnið gefur þátttakendum tækifæri til að öðlast nýja reynslu, víkka sjóndeildarhringinn og taka virkan þátt í samtali um framtíð sinna samfélaga.

Ekki þarf að vera sérfræðingur í samfélagsmálum eða frumkvöðlastarfi til að taka þátt. Mikilvægast er að hafa áhuga, vilja taka þátt og vera tilbúin(n) að deila hugmyndum og reynslu með öðrum ungmennum.

Umsóknarfrestur er til 15. september og áhugasöm eru hvött til að láta þetta tækifæri ekki fram hjá sér fara.

Nánari upplýsingar og umsóknir eru hjá Jessicu Aquino hjá Húnaklúbbnum í netfanginu hunaklub@gmail.com .

Kynningarfundir um lánamöguleika Svanna

Fri, 11 Sep 2026 08:43:03 GMT

Fram undan eru tveir kynningarfundir um lánamöguleika Svanna – lánatryggingasjóðs kvenna , og eru konur með viðskiptahugmyndir eða fyrirtæki hvattar til að kynna sér þau tækifæri sem sjóðurinn býður upp á.

Fimmtudaginn 10. september verður kynningarfundur hjá Landsbankanum við Reykjastræti í Reykjavík. Nánari upplýsingar um dagskrá og skráningu má finna á Facebook-viðburðinum .

Mánudaginn 14. september verður síðan kynningarfundur um sjóðinn hjá Drift á Akureyri. Nánari upplýsingar má finna á Facebook-viðburðinum .

SSNV hvetur konur á Norðurlandi vestra sem eru að þróa viðskiptahugmyndir, stofna fyrirtæki eða vinna að vexti fyrirtækja sinna til að kynna sér möguleika Svanna og nýta tækifærið til að fræðast um þá fjármögnun sem sjóðurinn býður upp á.

Kynning á nýrri skýrslu um meðhöndlun lífúrgangs á Íslandi

Fri, 04 Sep 2026 08:55:03 GMT

Mánudaginn 31. ágúst, fór fram kynningarfundur á nýrri skýrslu um meðhöndlun lífúrgangs á Íslandi. Skýrslan var unnin fyrir Samband íslenskra sveitarfélaga og umhverfis-, orku- og loftslagsráðuneytið af Stefáni Gíslasyni hjá Umhverfisráðgjöf Íslands. Þátttaka á fundinum var afar góð og augljóst að viðfangsefnið er sveitarfélögunum hugleikið.

Meðal þess sem fram kom á fundinum er að áætlað magn matarúrgangs sem fellur til á landinu á ári eru tæp 44.000 tonn en aðeins rúmum 20.000 tonnum er nú sérsafnað og fara í vinnslu. Vísbendingar eru um að gera mætti betur í sérsöfnun lífúrgangs frá lögaðilum og bæta úr söfnun og meðhöndlun á garðaúrgangi.

Skýrslan varpar ljósi á það að nauðsynleg uppbygging innviða er misjöfn eftir landshlutum en líklegt sé að svæðisbundin uppbygging innviða sé fýsilegust.

Á heimasíðu Sambandsins má nálgast skýrsluna til að rýna frekar í niðurstöðurnar.

Rúmar 35 milljónir í hleðsluinnviði á Norðurland vestra

Fri, 04 Sep 2026 08:46:58 GMT

Tvö verkefni á svæðinu hljóta styrk úr átakinu „Lokum gatinu"

Tvö verkefni á Norðurlandi vestra hljóta styrk í nýrri úthlutun Loftslags- og orkusjóðs til uppbyggingar hleðsluinnviða fyrir rafbíla. Um er að ræða hraðhleðslustöðvar á Hofsósi og á Hvammstanga, samtals að fjárhæð tæpar 35,8 milljónir króna. Verkefnin eru hluti af landsátakinu „Lokum gatinu" sem hefur það markmið að tryggja lágmarksaðgang að hleðsluinnviðum um allt land.

Alls hlutu 17 verkefni víðs vegar um landið styrk í þessari úthlutun, samtals að fjárhæð rúmar 150,9 milljónir króna, en um sjóðinn sóttu ellefu lögaðilar með 41 umsókn upp á samtals 498 milljónir króna. Umsýsla sjóðsins er í höndum Umhverfis- og orkustofnunar.

Hofsós fær tvær nýjar hraðhleðslustöðvar

Orka náttúrunnar hlýtur 20 milljóna króna styrk til að setja upp tvær öflugar hraðhleðslustöðvar með fjórum samtímatenglum á Hofsósi, þar sem engir hraðhleðsluinnviðir eru fyrir hendi í dag. Stöðvarnar munu styðja hleðslu 800 volta ökutækja og verða opnar allan sólarhringinn. Staðsetningin er jafnframt hönnuð þannig að bílar með aftanívagna eigi auðvelt með að komast að.

Hvammstangi fær öfluga hraðhleðslustöð

Orkusalan hlýtur tæplega 15,8 milljóna króna styrk til að setja upp 300–400 kW hraðhleðslustöð við Kaupfélag Vestur-Húnvetninga á Hvammstanga, sem verður aðgengileg almenningi allan sólarhringinn. Hvammstangi er stærsti byggðakjarni Húnaþings vestra og gegnir mikilvægu hlutverki sem þjónustumiðstöð fyrir íbúa, atvinnulíf og ferðamenn á Norðurlandi vestra, ekki síst í ljósi þeirrar öflugu ferðaþjónustu sem byggst hefur upp á svæðinu á undanförnum árum, meðal annars í kringum selaskoðun og náttúruupplifun. Markmiðið með verkefninu er að gera Hvammstanga að sjálfsögðum viðkomustað fyrir rafknúin ökutæki á leið um Norðurland vestra, Vestfirði og hringveginn.

Mikilvæg innviðauppbygging fyrir landshlutann

Þessi tvö verkefni skipta verulegu máli fyrir uppbyggingu innviða á Norðurlandi vestra. Aðgangur að áreiðanlegum hraðhleðslustöðvum er í dag lykilforsenda þess að landshlutinn haldist í tengslum við þá öru þróun sem á sér stað í orkuskiptum samgangna á Íslandi — bæði fyrir íbúa svæðisins og þann fjölda ferðamanna sem fer um Norðurland vestra á leið milli höfuðborgarsvæðisins, Vestfjarða og Norðurlands. Án fullnægjandi hleðsluinnviða er hætta á að landshlutinn dragist aftur úr í orkuskiptum, með tilheyrandi áhrifum á ferðaþjónustu, atvinnulíf og búsetuskilyrði.

Með styrkjunum til Hofsóss og Hvammstanga þéttist hleðslunetið á svæðinu til muna og dregur úr þeirri óvissu sem hingað til hefur fylgt lengri ferðalögum á rafbílum um Norðurland vestra. Verkefnin falla jafnframt vel að því markmiði stjórnvalda að hvergi á þjóðvegakerfi landsins verði lengra en 100 km milli hraðhleðslustöðva og að í hverjum þéttbýlisstað sé tryggður aðgangur að slíkri þjónustu.

Um átakið: „Lokum gatinu" er átak Loftslags- og orkusjóðs frá apríl 2026 sem miðar að því að tryggja lágmarksaðgang að hleðsluinnviðum um allt land. Auglýst var eftir verkefnum annars vegar í þéttbýlisstöðum án fullnægjandi hraðhleðsluinnviða og hins vegar á þeim stöðum á þjóðvegakerfinu þar sem lengst er á milli hraðhleðslustöðva. Heimild: Loftslags- og orkusjóður, „Lokum gatinu: Styrkir til uppbyggingar hleðsluinnviða – Úthlutun í september 2026" (UOS-2026:20).

Rafrænar kynningar um styrkjamöguleika NORA

Thu, 03 Sep 2026 09:09:46 GMT

Í tengslum við komandi umsóknarlotu stendur NORA, Norræna Atlantssamstarfið, fyrir tveimur rafrænum kynningum um verkefnastyrki þriðjudaginn 8. september 2026 . Önnur kynningin fer fram á dönsku og hin á ensku. Kynningarnar eru ætlaðar áhugasömum og mögulegum umsækjendum um styrki.

NORA getur styrkt verkefni um allt að 500.000 danskar krónur á ári (þrisvar sinnum). Ef þú hefur góða verkefnahugmynd og mögulegan samstarfsaðila í öðru NORA landi þá gætu kynningarnar verið vettvangur til að heyra um fjármögnunarmöguleika fyrir samstarfsverkefni í Norður-Atlantshafi.

Gott tækifæri gefst til að spyrja spurninga um styrkina og umsóknarferlið.

Ekki er þörf á skráningu fyrirfram á kynningarnar, bara mæta. Öll velkomin.

Hér eru slóðir á kynningarfundina, ásamt tímasetningu:

Kynning á ensku: þriðjudaginn 8. september kl. 11:00

Næsti umsóknarfrestur í NORA er mánudaginn 5. október 2026. Á heimasíðu NORA, www.nora.fo eru ítarlegar upplýsingar um umsóknarferlið og kynningarfundina.

Nánari upplýsingar veitir tengiliður NORA, Hanna Dóra Björnsdóttir hjá Byggðastofnun, netfang: hannadora@byggdastofnun.is

47 UMSÓKNIR BÁRUST Í STARTUP LANDIÐ

Thu, 03 Sep 2026 09:07:47 GMT

Alls bárust 47 umsóknir í Startup Landið , viðskiptahraðal fyrir frumkvöðla og nýsköpunarverkefni á landsbyggðinni en umsóknarfrestur var til miðnættis þriðjudaginn 1. september.

Umsóknir bárust víðs vegar að af landinu og endurspeglar fjöldinn þann kraft sem býr í nýsköpun og frumkvöðlastarfi á landsbyggðinni.

Startup Landið hefst 24. september og stendur yfir í sjö vikur. Á þeim tíma fá þátttakendur aðgang að leiðbeinendum, markvissri fræðslu og öflugu tengslaneti sem styður við þróun verkefnanna og hjálpar teymunum að taka næstu skref.

Hraðlinum lýkur með lokaviðburði á Selfossi 5. nóvember þar sem þátttakendur kynna verkefni sín og þann árangur sem náðst hefur á meðan á hraðlinum stendur.

Valnefnd Startup Landsins fer nú yfir umsóknirnar og velur þau verkefni sem boðin verður þátttaka í hraðlinum. Valin teymi verða kynnt í næstu viku.

Fjöldi og landfræðileg dreifing umsóknanna sýnir að áhugi á nýsköpun og frumkvöðlastarfi er sannarlega ekki bundinn við einn landshluta og ljóst er að eftirspurn er eftir stuðningi og vettvangi fyrir frumkvöðla um allt land. Umsóknir bárust frá ólíkum svæðum landsins og gefa góða mynd af þeim fjölbreyttu hugmyndum og verkefnum sem verið er að þróa á landsbyggðinni.

Dreifingu umsókna eftir landshlutum má sjá hér fyrir neðan.

Styrkir til staðbundinna fjölmiðla utan höfuðborgarsvæðisins

Thu, 03 Sep 2026 09:04:42 GMT

Menningar-, nýsköpunar- og háskólaráðuneyti auglýsir eftir umsóknum um styrki til staðbundinna fjölmiðla utan höfuðborgarsvæðisins og er umsóknarfrestur til miðnættis þriðjudaginn 1. október 2026.

Markmið með styrkveitingum til einkarekinna staðbundinna fjölmiðla utan höfuðborgarsvæðisins er að efla starfsemi þeirra enda gegni þeir mikilvægu hlutverki við að tryggja aðgengi almennings að upplýsingum um menningar- og samfélagsmál og styðji með þeim hætti við lýðræðisþátttöku og menningarstarf skv. 3 gr. reglana nr. 833/2026.

Til úthlutunar árið 2026 eru 15 m.kr.: 12,5 m.kr. frá menningar-, nýsköpunar- og háskólaráðuneyti og 2,5 m.kr. frá innviðaráðuneyti vegna aðgerðar C.07 í byggðaáætlun, Efling fjölmiðlunar í héraði. Umsækjendum er bent á að kynna sér ákvæði reglna nr. 833/2026 um styrkveitingar til staðbundinna fjölmiðla .

Til að sækja um þarf að fylla út umsóknareyðublað sem nálgast má hér og í hlekk neðst í fréttinni. Umsóknina þarf að prenta út til undirritunar, skanna og senda, ásamt umbeðnum fylgiskjölum á netfang menningar-, nýsköpunar- og háskólaráðuneytis, mnh@mnh.is, fyrir miðnætti 1. október 2026. Ef spurningar vakna um hvernig eigi að fylla umsóknina út er hægt að senda fyrirspurn á framangreint netfang. Nánar hér á frétt stjórnarráðsins.

Til glöggvunar má nefna að höfuðborgarsvæðið nær yfir sveitarfélögin Reykjavíkurborg, Kópavogsbæ, Hafnarfjarðarkaupstað, Garðabæ, Seltjarnarnesbæ og Mosfellsbæ.

Umsóknareyðublað fyrir staðbundna fjölmiðla.

Sara:

Opið fyrir umsóknir vegna þróunarverkefna búgreina

Opið er fyrir umsóknir vegna þróunarverkefna búgreina, garðyrkju, sauðfjárræktar, nautgriparæktar og hrossaræktar.

Í nautgriparækt eru styrkhæf þau verkefni sem talið er að styrki íslenska nautgriparækt og fela í sér rannsóknir og þróunarverkefni.
Í sauðfjárrækt eru styrkhæf þau verkefni sem talið er að styrki íslenska sauðfjárrækt og falla undir kennslu, rannsóknir, leiðbeiningar og/eða þróun í sauðfjárrækt.
Í hrossarækt eru styrkhæf þau verkefni sem talið er að styrki íslenska hrossarækt og fela í sér að viðhalda verðmæti eiginleika í íslenska hrossastofninum og velferðar hestsins.
Í garðyrkju eru styrkhæf þau verkefni sem talið er að styrki íslenska garðyrkju og falla undir ráðgjafaverkefni, kynningaverkefni, rannsókna- eða tilraunaverkefni, vöruþróunarverkefni, verkefni sem miða að því að draga úr losun gróðurhúsalofttegunda og endurmenntunarverkefni.

Athygli er vakin á að umsóknarfrestur um þróunarverkefni búgreina er til 15. október 2026 . Auglýst er eftir umsóknum tvisvar á ári. Sótt er um á Afurð .

Nánar hér .

Opnað fyrir umsóknir um styrki til að styðja við uppbyggingu vinnustaðaklasa á landsbyggðinni

Thu, 03 Sep 2026 08:58:26 GMT

Opnað hefur verið fyrir umsóknir um styrki til að styðja við uppbyggingu vinnustaðaklasa á landsbyggðinni.

Veittir verða styrkir fyrir allt að 50 milljónir kr. Byggðastofnun heldur utan um umsýslu vegna styrkjanna og er umsóknarfrestur er til kl. 12 á hádegi mánudaginn 28. september nk.

Innviðaráðherra veitir styrkina sem veittir eru á grundvelli byggðaáætlunar fyrir árin 2022-2036, nánar tiltekið aðgerð B.7 um óstaðbundin störf. Markmiðið er að efla búsetufrelsi með fjölgun atvinnutækifæra og auknum fjölbreytileika starfa á landsbyggðinni. Aðgerðin felur í sér að styrkja uppbyggingu vinnustaðaklasa og að fjölga óstaðbundnum störfum á landsbyggðinni.

Þetta er í annað skipti sem auglýst er eftir umsóknum um styrki til vinnustaðaklasa, en í mars sl. veitti innviðaráðherra styrki til 26 klasa , samtals að upphæð tæplega 50 milljónir kr.

Nánar um styrkina

Styrkhæfir eru aðilar sem reka vinnustaðaklasa utan höfuðborgarsvæðisins. Í forgangi verða minni staðir þar sem atvinnulíf er einhæft, svæði sem hafa orðið fyrir verulegum áföllum í atvinnulíf eða svæði á fámennum vinnusóknarsvæðum.

Hægt er að veita styrki til að mæta launakostnaði við að koma af stað nýrri starfsemi, fjölga plássum gegn langtímaskuldbindingu um nýtingu plássa eða greiða sameiginlegan rekstrarkostnað við starfsemina.

Vinnustaðaklasi er skilgreint sem skipulagt og samnýtt vinnurými þar sem fjölbreytt vinnuaðstaða stendur til boða fyrir fleiri en einn vinnustað eða starfsstöðvar vinnustaða.

Fjallað er um valnefnd og mat umsókna í reglum um úthlutun innviðaráðherra á framlögum sem veitt eru á grundvelli stefnumótandi byggðaáætlunar fyrir árin 2022-2036. Fjallað er nánar um verkefnið óstaðbundin störf í aðgerðaáætlun byggðaáætlunar (aðgerð B.7).

Reglur um úthlutun innviðaráðherra á framlögum sem veitt eru á grundvelli stefnumótandi byggðaáætlun fyrir árin 2022-2036

Vantar fjármagn inn í fyrirtækið þitt?

Thu, 27 Aug 2026 09:13:18 GMT

Opið er fyrir umsóknir í Svanna-lánatryggingasjóð kvenna

Nú er opið fyrir umsóknir í Svanna-lánatryggingasjóð kvenna, en sjóðurinn veitir lán með lánatryggingum til fyrirtækja í eigu kvenna. Sjóðurinn er í eigu tveggja ráðuneyta og Reykjavíkurborgar og er liður í viðleitni stjórnvalda til að efla atvinnulíf og hvetja til nýsköpunar á Íslandi.

Eingöngu fyrirtæki í eigu konu/kvenna geta fengið lán og er hámarkslán 15 milljónir.

Upplýsingar og umsóknareyðublað má finna á heimasíðu sjóðsins, www.svanni.is

Umsóknarfrestur er til 15. október 2026

Ný tækifæri fyrir lista- og menningarstofnanir í pólsk/íslensku samstarfi

Thu, 27 Aug 2026 09:11:24 GMT

Opnað fyrir styrki til pólsk-íslenskra samstarfsverkefna

Á heimasíðu Rannís má finna upplýsingar um tvo styrkjamöguleika sem bjóðast íslenskum menningarstofnunum vegna menningarverkefna í Póllandi, annars vegar á sviði menningararfs og hins vegar menningar og lista. Umsóknarfrestur um styrk vegna menningar og lista er 10. nóvember, fyrir styrk vegna umsóknar tengdri menningararfi, 31. desember.

Allar nánari upplýsingar má finna á síðu Rannís.

Beint frá býli dagurinn verður haldinn sunnudaginn 23. ágúst

Thu, 20 Aug 2026 08:48:58 GMT

Beint frá býli dagurinn verður haldinn núna á sunnudaginn, 23. ágúst, fjórða árið í röð, en viðburðurinn hefur fest sig í sessi sem fjölskylduvæn matarhátíð í íslenskri sveit.

Þann 23. ágúst verður sannkölluð fjölskylduhátíð í Lýtingsstaðahreppi í tilefni af hinum árlega Beint frá býli degi.

Þann dag munu heimavinnsluaðilar og smáframleiðendur úr landshlutanum mæta í Sölvanes til að kynna og selja vörur sínar. Bændurnir í Sölvanesi munu taka vel á móti gestum með heitum pottrétti og að sjálfsögðu verður heitt á könnunni. Á bænum er lífrænn sauðfjárbúskapur í stórkostlegu umhverfi og vinna þau hjónin dýrindis matvæli úr afurðum sínum sem þau selja beint frá býli.

Þann sama dag verður handverksmarkaður í Gömlu Hlöðunni á Stórhóli og Rúnalist Gallerí verður sem fyrr fullt af allskyns gersemum og góðgæti, myndabingói og leikjum fyrir börnin. Geitaspjall og andagláp verður einnig í boði.

Á Starrastöðum verður sannkölluð kaffihúsastemning, rósir og matarhandverk til sölu. Auk þess verður Mælifellskirkja með afmælishátíð.

Hlökkum til að sjá ykkur sem flest og eiga skemmtilegan dag saman!

- - - - -

Samtök sveitarfélaga á Noðrulandi vestra styrkir viðburðinn.

Markmiðið er að vekja athygli á hugmyndafræði beint frá býli og smáframleiðslu matvæla, efla tengsl milli framleiðenda og neytenda og hvetja fleiri til að hasla sér völl á því sviði. Tilgangurinn er kynna íbúum starfsemi heimavinnsluaðila á lögbýlum og smáframleiðslu matvæla í héraði og byggja upp tengsl milli þeirra.

Á hveru ári taka sjö lögbýli að sér að vera gestgjafar, eitt í hverjum landshluta. Á staðinn safnast saman aðrir smáframleiðendur úr landshlutanum til að kynna og selja sínar vörur. Ýmis afþreying er í boði til viðbótar við það sem býlin sjálf hafa uppá að bjóða og viðurðirnir því afar fjölskylduvænir. Nánari upplýsingar um hvern viðburð má finna á vef Beint frá býli.

Afar góð mæting hefur verið hingað til, almennt mikil ánægja og sala framleiðenda góð. Með því hafa neytendur stutt við íslenska matarmenningu, bændur og samfélög landsins.

Að deginum standa Samtök smáframleiðenda matvæla (SSFM) og Beint frá býli (BFB). BFB varð aðildarfélag SSFM árið 2022 og eru þau með sameiginlegan framkvæmdastjóra sem er jafnframt verkefnastjóri dagsins. Í félögunum eru á þriðja hundrað félagsmenn, rúmur helmingur á lögbýlum og um fimmtungur á höfuðborgarsvæðinu og svipaður fjöldi í þéttbýli utan þess.

Beint frá býli dagurinn var fyrst haldinn árið 2023 í tilefni af 15 ára afmæli BFB. Viðtökurnar voru framar vonum og var því ákveðið að gera hann að árlegum viðburði. Dæmi eru um að aðsóknin hafi verið slíka að malarvegir hafi verið merktir "hight traffic" á Google Maps.

Gestgjafarnir hafa öll árin lagt sig fram við að gera daginn sem fjölbreyttastan og áhugaverðastan. Auk markaðanna, þar sem bæði hefur verið seld matvæli og handverk, hefur fók geta notið samveru í sveitinni og kynntist starfinu að baki. Gestir hafa verið ánægðir með daginn og sala framleiðenda góð.

Viðburðirnir hafa verið styrktir ýmist af landshlutasamtökunum, sveitarfélögum og uppbyggingarsjóðum og hefðu viðburðirnir ekki orðið að veruleika án þeirra.

Nánar á vef Beint frá býli (þar eru hlekkir á FB viðburðina fyrir hvern landshluta með nánari upplýsingum).

Einnig á vef Samtaka smáframleiðenda matvæla og á FB síðu BFB .

Umsóknarfrestur vegna Skúnaskralls hefur verið framlengdur

Wed, 19 Aug 2026 10:09:45 GMT

Búið er að framlengja umsóknarfrest vegna Skúnaskralls – barnamenningarhátíðar Norðurlands vestra, en tekið verður við umsóknum til og með 24. ágúst.

Eins og vonandi öllum er kunnugt mun barnamenningarhátíðin Skúnaskrall fara fram dagana 21. október til 4. nóvember 2026 undir yfirskriftinni Öll saman. Hátíðin er haldin á vegum SSNV í góðu samstarfi við sveitarfélögin á Norðurlandi vestra og er markmið hennar að börn og ungmenni á svæðinu fái að njóta fjölbreyttrar og vandaðrar menningardagskrár í sínu nærumhverfi.

Undirbúningur hátíðarinnar stendur yfir og hefur verkefnið fengið veglega styrki, bæði sem eitt áhersluverkefna SSNV og frá Barnamenningarsjóði, en þessi góði stuðningur eykur líkur á fjölbreyttri og metnaðarfullri dagskrá víðs vegar um landshlutann. Nýverið bættust svo þær góðu fréttir við, að hátíðin mun fá styrk frá Samfélagssjóði Landsvirkjunar upp á 300.000 kr.

Listafólk, menningarstofnanir, félagasamtök, skólar og aðrir sem hafa áhuga á að standa fyrir viðburðum fyrir börn og ungmenni eða með börnum og ungmennum eru hvött til að senda inn umsókn.

Öll dagskrá Skúnaskralls verður þátttakendum að kostnaðarlausu og lögð er áhersla á virka þátttöku barna og ungmenna.

Umsóknarfrestur hefur verið framlengdur og er nú til og með 24. ágúst, hér er umsóknarformið . Öllum umsóknum verður svarað.

Erum við að leita að þér?

Tue, 18 Aug 2026 10:21:43 GMT

SSNV leitar að öflugum, framsýnum og markaðsþenkjandi verkefnisstjóra til að styðja við framþróun í atvinnu-, fjárfestinga- og markaðsmálum landshlutasamtakanna.

Um er að ræða fjölbreytt starf sem tengist atvinnustarfsemi landshlutans, fjárfestingum og markaðssetningu á þeim fjölbreyttu tækifærum sem Norðurland vestra býður upp á.

Verkefnastjóri fjárfestinga og atvinnuþróunar leiðir fjárfestingaverkefni landshlutans og sækir fram þar sem tækifæri gefast til að kynna fjárfestingatækifæri á Norðurlandi vestra og efla atvinnulíf landshlutans. Þá ber hann ábyrgð á markaðsmálum samtakanna.

Helstu verkefni og ábyrgð

Kortleggja, þróa og vinna markvisst að framgangi fjárfestingatækifæra á Norðurlandi vestra og kynna þau fyrir innlendum og erlendum fjárfestum.

Leiða og fylgja eftir fjárfestingaverkefnum í samstarfi við sveitarfélög, fyrirtæki, fjárfesta og aðra hagaðila.

Veita frumkvöðlum og fyrirtækjum atvinnuráðgjöf, einkum varðandi stofnun fyrirtækja, rekstur, viðskiptaáætlanir, fjármögnun og þróun viðskiptahugmynda.

Stuðla að uppbyggingu og eflingu atvinnulífs á Norðurlandi vestra, m.a. með því að greina tækifæri til nýrrar atvinnustarfsemi og styðja við þróun þeirra.

Annast markaðsmál SSNV og taka þátt í að þróa og innleiða markaðs- og samskiptastarf samtakanna.

Kynna Norðurland vestra sem ákjósanlegan stað fyrir fjárfestingar, atvinnurekstur og uppbyggingu, í samstarfi við sveitarfélög og aðra hagaðila.

Þátttaka í öðrum verkefnum SSNV á sviði atvinnu- og byggðaþróunar eftir þörfum.

Menntunar- og hæfniskröfur

Háskólapróf sem nýtist í starfi.

Reynsla af þeim málaflokkum er undir starfið heyra.

Þekking og reynsla af markaðssetningu er kostur.

Haldbær þekking og reynsla af opinberri stjórnsýslu og starfsemi sveitarfélaga er kostur.

Framúrskarandi samskiptafærni og tölvukunnátta.

Sjálfstæð vinnubrögð, frumkvæði og jákvæðni.

Framsýni og metnaður.

Góð rit- og talfærni á íslensku og ensku og hæfni í framsetningu upplýsinga á aðgengilegan hátt.

SSNV eru landshlutasamtök sveitarfélaga á Norðurlandi vestra. Hjá SSNV starfar metnaðarfullt teymi sem vinnur fyrir samfélagið, fyrirtæki og fólk á svæðinu. Starfsstöðvar SSNV eru á Hvammstanga, Blönduósi, Skagaströnd og á Sauðárkróki.

Við leitum að einstakling sem er tilbúinn til að vinna með okkur að eflingu svæðisins og taka þátt í spennandi vegferð og uppbyggingu.

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsókn skal fylgja starfsferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

SSNV leggur áherslu á jafnrétti og hvetur öll áhugasöm til að sækja um starfið. Starfshlutfall er 100%.

Nánari upplýsingar veitir: Sveinbjörg Rut Pétursdóttir framkvæmdastjóri SSNV (sveinbjorg@ssnv.is)

Sótt er um starfið á netfangið ssnv@ssnv.is eða á alfred.is.

Umsóknarfrestur er til og með 31. ágúst.

Fundargerð 142. fundar stjórnar SSNV, 13. ágúst 2026

Mon, 17 Aug 2026 10:24:38 GMT

Hér má nálgast fundargerð á pdf.
Fimmtudaginn 13. ágúst 2026, kom stjórn SSNV saman til fundar á Hvammstanga. Hófst fundurinn kl. 13:00.

Mætt voru: Magnús Magnússon, Guðmundur Haukur Jakobsson, Jóhanna Ey Harðardóttir, Halldór Jón Sigurðsson, Davíð Birkir Tryggvason og Sveinbjörg R. Pétursdóttir framkvæmdastjóri sem ritaði fundargerð.

Dagskrá:

Starfsmannamál
Uppbyggingarsjóður Norðurlands vestra
Heilbrigðiseftirlit Norðurlands vestra
Haustþing SSNV
Niðurstöður vinnustofunnar um græna iðngarða
6 mánaða uppgjör
Framlögð mál til kynningar

a) Fundargerðir

b) Umsagnir

Skýrsla framkvæmdastjóra

Afgreiðslur

Starfsmannamál

Starfsfólk SSNV kom til fundar og fór yfir helstu verkefni og ábyrgðarsvið hvers starfsmanns, ásamt stöðu verkefna og verkefnaálagi. Markmið kynningarinnar var að veita stjórn heildstæða yfirsýn yfir starfsemi samtakanna og skapa grundvöll fyrir umræðu um framtíðarskipulag.

Stjórn þakkar starfsfólki fyrir greinargóða yfirferð. Stjórn ræddi í framhaldinu verkefni og framtíðarskipulag samtakanna með hliðsjón af þeirri yfirsýn sem fram kom. Stjórn samþykkir að fela framkvæmdastjóra að auglýsa eftir stöðu atvinnuráðgjafa með áherslu á fjárfestingar.

2. Uppbyggingarsjóður Norðurlands vestra

Guðlaugur Skúlason og Berglind Björnsdóttir komu til fundar og fóru yfir komandi umsóknarferli Uppbyggingarsjóðs Norðurlands vestra.

Stjórn þakkar Guðlaugi og Berglindi fyrir góða yfirferð.

3. Heilbrigðiseftirlit Norðurlands vestra

Framkvæmdastjóri fór yfir stöðu mála varðandi fyrirhugaða yfirfærslu verkefna Heilbrigðiseftirlits Norðurlands vestra, þar á meðal fyrirhugaða fundi og önnur atriði sem tengjast framgangi málsins. Málið var lagt fyrir stjórn til kynningar og umræðu.

Stjórn ræddi stöðu málsins og þær breytingar sem fyrirhuguð yfirfærsla kann að hafa í för með sér. Stjórn mun áfram fylgjast með framvindu málsins og þeim áhrifum sem breytingarnar kunna að hafa á sveitarfélögin á Norðurlandi vestra.

4. Haustþing SSNV

Framkvæmdastjóri fór yfir undirbúning haustþings SSNV sem halda á 1. október í Húnaþingi vestra.

Framkvæmdastjóra falið að hefja undirbúning þingsins í samræmi við samþykktir samtakanna.

5. Niðurstöður vinnustofunnar um græna iðngarða

Niðurstöður vinnustofu um græna iðngarða, sem framkvæmdastjóri sat, lagðar fram til kynningar og umræðu.

Stjórn telur mikilvægt að áfram verði unnið að því að kortleggja styrkleika, auðlindir, innviði og fjárfestingatækifæri á Norðurlandi vestra og að hagsmunir og tækifæri landshlutans verði sýnileg í þeirri vinnu sem framundan er á landsvísu. Stjórn felur framkvæmdastjóra að fylgja málinu eftir fyrir hönd SSNV.

6. 6 mánaða uppgjör

Matthías Rúnarsson, bókari samtakanna, kom til fundar og fór yfir 6 mánaða uppgjör samtakanna. Rekstur er almennt skv. áætlun.

Stjórn þakkar Matthíasi fyrir greinargóða yfirferð.

7. Framlögð mál til kynningar

a) Fundargerðir

Stjórn SSNE, 30. júní 2026. Fundargerðin.

Stjórn SSA, 4. júní 2026. Fundargerðin.

b) Umsagnir

Sviðslistastefna 2026-2030 . Mál nr. S-88/2026. Umsagnarfrestur er til og með 5. ágúst 2026.

Hvítbók um byggðamál . Mál nr. S-104/2026. Umsagnarfrestur er til og með 18. ágúst 2026.

Forsamráð um efnistök grænbókar um fjarskipti og netöryggi . Mál nr. S-105/2026. Umsagnarfrestur er til og með 21. ágúst 2026.

Áform um skipulagsbreytingar lögreglunnar . Mál nr. S-138/2026. Umsagnarfrestur er til og með 18. ágúst 2026.

Drög að þingsályktun um stefnu stjórnvalda um uppbyggingu flutningskerfis raforku . Mál nr. S-123/2026. Umsagnarfrestur er til og með 19. ágúst 2026.

Breytingar á reglugerðum vegna einföldunar eftirlits. Mál nr. S-113/2026. Umsagnarfrestur er til og með 17. ágúst 2026.

Umsögn SSNV um Sviðslistastefnu 2026-2030 samþykkt af stjórn og send inn í Samráðsgátt stjórnvalda. Afgreiðsla málsins er færð til bókar.

Stjórn felur framkvæmdastjóra að vinna drög að umsögnum um; Hvítbók um byggðamál, Forsamráð um efnistök grænbókar um fjarskipti og netöryggi, Áform um skipulagsbreytingar lögreglunnar, Drög að þingsályktun um stefnu stjórnvalda um uppbyggingu flutningskerfis raforku og Breytingar á reglugerðum vegna einföldunar eftirlits.

8. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 16.58.

Magnús Magnússon, Guðmundur Haukur Jakobsson, Jóhanna Ey Harðardóttir, Halldór Jón Sigurðsson, Davíð Birkir Tryggvason og Sveinbjörg Rut Pétursdóttir.

Fundargerð 141. fundar stjórnar SSNV, 6. júlí 2026

Sun, 16 Aug 2026 15:04:00 GMT

Hér má nálgast fundargerð á pdf.
Mánudaginn 6. júlí 2026, kom stjórn SSNV saman til fundar á Hvammstanga. Hófst fundurinn kl. 9:00.

Dagskrá:

Kjör varaformanns
Samþykktir og þingsköp SSNV
Starfsreglur stjórnar SSNV
Skipulag funda stjórnar SSNV
Fulltrúi í Stafrænt ráð sveitarfélaga
Fulltrúi í stjórn Eims
Fulltrúi í stjórn Markaðsstofu Norðurlands
Fulltrúi SSNV í fulltrúaráð Brákar hses.
Haustþing SSNV
Erindi vegna rannsókna á Landsmóti Hestamanna
Áhersluverkefni Sóknaráætlunar Norðurlands vestra
Vegna samkomulags við ríkið varðandi börn með fjölþættan vanda
Starfsmannamál
Framlögð mál til kynningar
Fundargerðir
Umsagnir
Skýrsla framkvæmdastjóra

Afgreiðslur

Kjör varaformanns

Skv. grein 4.1 í samþykktum samtakanna skiptir stjórn með sér verkum.

Stjórn samþykkir að skipa Jóhönnu Ey Harðardóttur sem varaformann.

2. Samþykktir og þingsköp SSNV

Framkvæmdastjóri fór yfir samþykktir og þingsköp SSNV með stjórnarmönnum.

3. Starfsreglur stjórnar SSNV

Lögð fram drög að starfsreglum stjórnar.

Stjórn samþykkir uppfærðar starfsreglur stjórnar.

4. Skipulag funda stjórnar SSNV

Framkvæmdastjóri leggur fram drög að skipulagi funda stjórnar og fasta liði funda.

Stjórn samþykkir framlagt fundarskipulag. Stjórnarfundir verða að jafnaði fyrsta þriðjudag hvers mánaðar kl. 9:00.

5. Fulltrúi í Stafrænt ráð sveitarfélaga

Stjórn skipar fulltrúa í Stafrænt ráð sveitarfélaga.

Stjórn samþykkir að skipa Jóhönnu Ey Harðardóttir í Stafrænt ráð sveitarfélaga til tveggja ára.

6. Fulltrúi í stjórn Eims

Stjórn skipar einn aðalmann í stjórn Eims og einn til vara.

Stjórn samþykkir að skipa Guðmund Hauk Jakobsson sem aðalmann í stjórn Eims til tveggja ára og Sveinbjörgu Rut Pétursdóttur sem varamann til tveggja ára.

7. Fulltrúi í stjórn Markaðsstofu Norðurlands

Skv. samningi um rekstur áfangastaðastofu tilnefnir stjórn SSNV einn aðalmann í stjórn Markaðsstofu Norðurlands og einn til vara.

Stjórn samþykkir að skipa Magnús Magnússon sem aðalmann í stjórn Markaðsstofu Norðurlands til tveggja ára og Davíð Birki Tryggvason til vara til tveggja ára.

8. Fulltrúi SSNV í fulltrúaráð Brákar hses.

Stjórn skipar fulltrúa SSNV í fulltrúaráð Brákar hses.

Stjórn samþykkir að skipa Einar E. Einarsson sem fulltrúa SSNV í fulltrúaráð Brákar hses. til tveggja ára.

9. Haustþing SSNV

Samkvæmt starfsáætlun SSNV fyrir árið 2026 er Haustþing SSNV áætlað miðvikudaginn 7. október. Þar sem fjármálaráðstefna sveitarfélaga fer fram í sömu viku er lagt til að finna þinginu nýja dagsetningu.

Stjórn samþykkir að Haustþing SSNV fari fram fimmtudaginn 1. október í Húnaþingi vestra og hefjist kl. 14:00.

10. Erindi vegna rannsókna á Landsmóti hestamanna

Lögð fram styrkbeiðni vegna rannsókna á efnahagslegum, samfélagslegum og umhverfislegum áhrifum af Landsmóti hestamanna.

Stjórn samþykkir styrkbeiðnina og felur framkvæmdastjóra að boða deildarstjóra ferðamáladeildar Háskóla Íslands á Hólum til fundar til að ræða möguleg fleiri rannsóknarverkefni í landshlutanum.

11. Áhersluverkefni Sóknaráætlunar Norðurlands vestra

Áhersluverkefni Sóknaráætlunar eru verkefni sem hafa beina skírskotun til sóknaráætlunar landshlutans. Áhersluverkefnin skulu samþykkt af stjórn SSNV og þurfa að hljóta staðfestingu stýrihóps Stjórnarráðsins um byggðamál. Lögð fram tillaga fyrir stjórn að nýju áhersluverkefni.

Stjórn samþykkir tillögu að nýju áhersluverkefni sem nefnist “Skemmtiferðaskip á Norðurlandi vestra - samstarf, skipulag og markaðssókn”, með fyrirvara um samþykki stýrihóps Stjórnarráðs um byggðamál. Stjórn samþykkir að ráðstafa eftirstöðvum áhersluverkefnisins „Mótun, innleiðing og eftirfylgni samskiptastefnu fyrir svæðið“, að fjárhæð 1.500.000 kr., til verkefnisins á árinu 2026. Fjármögnun vegna ársins 2027 er vísað til fjárhagsáætlunar komandi árs.

12. Vegna samkomulags við ríkið varðandi börn með fjölþættan vanda

Samband íslenskra sveitarfélaga hefur gagnrýnt nýja reglugerð stjórnvalda um börn með fjölþættar stuðningsþarfir og telur að hún samræmist ekki samkomulagi ríkis og sveitarfélaga frá mars 2025 um ábyrgðarskiptingu og fjármögnun þjónustu við þennan viðkvæma hóp barna. Að mati Sambandsins felur reglugerðin í sér að ríkið þrengi einhliða þann hóp barna sem fellur undir samkomulagið og færi þannig kostnað og ábyrgð aftur yfir á sveitarfélög. Málið er lagt fyrir stjórn til kynningar og umræðu.

Stjórn SSNV lýsir yfir þungum áhyggjum af nýrri reglugerð mennta- og barnamálaráðuneytisins um þjónustu við börn með fjölþættar stuðningsþarfir. Að mati stjórnar gengur reglugerðin gegn samkomulagi ríkis og sveitarfélaga frá 19. mars 2025 um ábyrgðarskiptingu og fjármögnun þjónustu við þennan viðkvæma hóp barna.

Stjórn SSNV tekur undir sjónarmið Sambands íslenskra sveitarfélaga um að með reglugerðinni hafi ríkið einhliða þrengt skilgreiningu á þeim hópi barna sem samkomulagið tekur til og færi þar með kostnað og ábyrgð að nýju yfir á sveitarfélög. Slík breyting er ekki í samræmi við markmið samkomulagsins og skapar verulega óvissu um framkvæmd þjónustunnar.

Stjórn SSNV skorar á mennta- og barnamálaráðuneytið að endurskoða reglugerðina í samráði við sveitarfélög og standa við þær skuldbindingar sem ríkið tók á sig með samkomulagi aðila frá mars 2025.

Framkvæmdastjóra falið að senda bókunina á mennta- og barnamálaráðherra, þingmenn Norðvesturkjördæmis og framkvæmdastjóra Sambands íslenskra sveitarfélaga.

13. Starfsmannamál

Farið var yfir málefni er varða starfsmannahald og önnur atriði sem tengjast starfsfólki SSNV. Sveinbjörg Rut Pétursdóttir vék af fundi undir þessum lið.

Stjórn samþykkir að fela formanni að ganga til samninga við Sveinbjörgu Rut Pétursdóttur um starf framkvæmdastjóra SSNV.

14. Framlögð mál til kynningar

a) Fundargerðir

Stjórn SASS, 5. júní 2026. Fundargerðin .

Stjórn stýrihóps stjórnarráðsins um byggðamál, 8. júní 2026. Fundargerðin .

Stjórn Sambands íslenskra sveitarfélaga, 28. maí 2026. Fundargerðin .

Stjórn Sambands íslenskra sveitarfélaga, 9. júní 2026. Fundargerðin .

Stjórn SSS, 10. júní 2026. Fundargerðin .

b) Umsagnir

Drög að reglugerð um heilsugæslu . Mál nr. S-110/2026. Umsagnarfrestur er til og með 24. júlí 2026.

Sviðslistastefna 2026-2030 . Mál nr. S-88/2026. Umsagnarfrestur er til og með 5. ágúst 2026.

Reglugerð um Loftslags- og orkusjóð . Mál nr. S-106/2026. Umsagnarfrestur er til og með 5. ágúst 2026.

Hvítbók um byggðamál . Mál nr. S-104/2026. Umsagnarfrestur er til og með 18. ágúst 2026.

Forsamráð um efnistök grænbókar um fjarskipti og netöryggi . Mál nr. S-105/2026. Umsagnarfrestur er til og með 21. ágúst 2026.

15. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 12.02.

Magnús Magnússon, Guðmundur Haukur Jakobsson, Jóhanna Ey Harðardóttir, Einar E. Einarsson, Davíð Birkir Tryggvason og Sveinbjörg Rut Pétursdóttir.

Fundargerð 140. fundar stjórnar SSNV, 3. júní 2026

Sat, 15 Aug 2026 09:51:21 GMT

Hér má nálgast fundargerð á pdf .

Miðvikudaginn 3. júní 2026, kom stjórn SSNV saman til fundar á Hvammstanga. Hófst fundurinn kl. 9:00.

Mætt voru: Einar E. Einarsson, Magnús Magnússon, Guðmundur Haukur Jakobsson, Álfhildur Leifsdóttir og Sveinbjörg R. Pétursdóttir framkvæmdastjóri sem ritaði fundargerð. Halldór Gunnar Ólafsson tók þátt á Teams.

Formaður setti fund og óskaði eftir að taka á dagskrá sem 10. dagskrárlið bókun vegna erindis um fyrirhugaðar breytingar á lögregluembættum. Samþykkt samhljóða

Dagskrá:

Heilbrigðiseftirlit Norðurlands vestra
Ársfjórðungsuppgjör
Kjörnefnd SSNV
Auka ársþing SSNV
Starfsmannamál
Skemmtiferðaskip
Ársreikningur Markaðsstofu Norðurlands
Fundargerðir framkvæmdahóps Farsældarráðs
Skýrsla um starf Flugklasans
Bókun stjórnar vegna breytinga á lögregluembættum
Framlögð mál til kynningar
Fundargerðir
Umsagnir
Skýrsla framkvæmdastjóra

Afgreiðslur

Heilbrigðiseftirlit Norðurlands vestra

Framkvæmdastjóri Heilbrigðiseftirlits Norðurlands vestra kemur til fundar og ræðir framtíð og stöðu heilbrigðiseftirlitsins í ljósi fyrirhugaðra breytinga og tilfærslu á verkefnum til ríkisins.

Stjórn þakkar Sigríði fyrir greinargóða yfirferð. Ljóst er að mikil óvissa ríkir um verkefni Heilbrigðiseftirlits Norðurlands vestra, hvaða verkefni verða færð til ríkis og hvaða verkefni verða eftir hjá sveitarfélögunum við þá breytingu sem fyrirhuguð er á starfsemi þeirra skv. fyrirliggjandi frumvarpi um einföldun regluverks og aukin skilvirkni eftirlits með hollustuháttum og mengunarvörnum (einföldun eftirlits), mál nr. 582/2026. Ljóst er að fyrirhuguð breyting mun hafa mikil áhrif á rekstur og starfsmannahald heilbrigðiseftirlitsins. Framkvæmdastjóra falið að senda fyrirspurn á Umhverfis-, orku- og loftslagsráðuneytið og óska svara við ýmsum spurningum sem snúa að stöðu heilbrigðiseftirlitsins og stöðu sveitarfélaganna verði breytingin að veruleika.

2. Ársfjórðungsuppgjör

Matthías Rúnarsson, bókari SSNV, fór yfir ársfjórðungsuppgjör samtakanna. Rekstur er almennt skv. áætlun.

3. Kjörnefnd SSNV

Skv. grein 4.3 í samþykktum SSNV skal stjórn kjósa kjörnefnd eigi síðar en 1. júlí fyrir aukaársþing eftir sveitarstjórnarkosningar.

Stjórn samþykkir samhljóða að eftirfarandi fulltrúar séu kosnir í kjörnefnd:

Guðmundur Haukur Jakobsson, Húnabyggð, formaður

Ragnheiður Erla Stefánsdóttir, Skagaströnd

Jódís Helga Káradóttir, Skagafirði

Eyþór Fannar Sveinsson, Skagafirði

Heiðrún Nína Axelsdóttir, Húnaþingi vestra

4. Auka ársþing SSNV

Framkvæmdastjóri fer yfir undirbúning aukaársþings sem haldið verður rafrænt 29. júní nk. kl. 16:00.

Framkvæmdastjóra falið að senda út fundarboð og dagskrá þegar sveitarfélög hafa skipað þingfulltrúa. Stjórn vill vekja athygli á að þingið er opið öllum kjörnum fulltrúum í landshlutanum til áheyrnar.

5. Starfsmannamál

Lögð fram uppsögn Magnúsar Barðdal Reynissonar úr starfi verkefnastjóra á sviði fjárfestinga.

Stjórn þakkar Magnúsi vel unnin störf í þágu samtakanna og óskar honum velfarnaðar í komandi verkefnum.

6. Skemmtiferðaskip

Halldór Óli Kjartansson, starfsmaður Markaðsstofu Norðurlands, kemur til fundar og kynnir verkefni sem snýr að komu skemmtiferðaskipa.

Stjórn tekur jákvætt í erindið og þakkar Halldóri fyrir greinargóða yfirferð á verkefninu og felur framkvæmdastjóra að vinna málið áfram.

7. Ársreikningur Markaðsstofu Norðurlands

Lagður fram til kynningar í samræmi við samning um rekstur Áfangastaðastofu.

8. Fundargerðir framkvæmdahóps Farsældarráðs

Fundargerðir framkvæmdahóps Farsældarráðs lagðar fram til kynningar.

9. Skýrsla um starf Flugklasans

Skýrsla um starf Flugklasans lögð fram til kynningar.

10. Bókun stjórnar vegna breytinga á lögregluembættum

Lagt fram erindi frá Sigurði Hólmari Kristjánssyni, settum lögreglustjóra á Norðurlandi vestra, þar sem hann lýsir áhyggjum sínum vegna fyrirhugaðra breytinga dómsmálaráðherra/Alþingis á lögregluembættum.

Stjórn leggur fram eftirfarandi bókun:

Stjórn SSNV lýsir yfir áhyggjum af þeim áhrifum sem mögulegar breytingar á skipulagi lögregluembætta kunna að hafa á þjónustu, störf og stjórnsýslu í landshlutanum.

Stjórn SSNV leggur áherslu á að löggæsla á Norðurlandi vestra gegnir lykilhlutverki í öryggi íbúa, farsæld barna og ungmenna og samstarfi við sveitarfélög, skóla, heilbrigðisþjónustu og aðra þjónustuaðila. Mikilvægt er að allar breytingar á skipulagi taki mið af sérstöðu dreifbýlis, miklum vegalengdum og þeim aðstæðum sem einkenna Norðurland vestra.

Stjórn SSNV telur mikilvægt að starfsemi lögreglunnar á Norðurlandi vestra verði ekki skert og að tryggður verði áframhaldandi rekstur lögreglustöðva á Sauðárkróki, Blönduósi og Hvammstanga. Þá er nauðsynlegt að standa vörð um þau sérhæfðu störf, þá þekkingu og það faglega starf sem byggt hefur verið upp innan embættisins á undanförnum árum.

Jafnframt leggur stjórn SSNV áherslu á að allar skipulagsbreytingar innan ríkisstofnana verði metnar með hliðsjón af byggðasjónarmiðum og áhrifum þeirra á atvinnu, þjónustu og samfélagsþróun í landshlutanum. Stjórnin telur mikilvægt að ákvarðanir um framtíðarskipan lögregluþjónustu á landsbyggðinni verði teknar í virku samráði við sveitarfélög og aðra hagsmunaaðila á svæðinu.

Stjórn SSNV leggur áherslu á að hagsmunir íbúa og sveitarfélaga á Norðurlandi vestra verði hafðir að leiðarljósi við alla stefnumótun og ákvarðanatöku um skipulag lögregluþjónustu í landshlutanum.

Framkvæmdastjóra falið að senda bókunina til dómsmálaráðherra og þingmanna kjördæmisins.

11. Framlögð mál til kynningar

a) Fundargerðir

Stjórn SSNE, 7. maí 2026. Fundargerðin.

Stjórn stýrihóps stjórnarráðsins um byggðamál, 4. maí 2026. Fundargerðin .

Stjórn Sambands íslenskra sveitarfélaga, 8. maí 2026. Fundargerðin .

Stjórn Markaðsstofu Norðurlands, 20. maí 2026. Fundargerðin.

Stjórn SSS, 13. Maí 2026. Fundargerðin . Stjórn SSA, 24. apríl 2026. Fundargerðin .

b) Umsagnir

Drög að frumvarpi um breytingar á lögum um Byggðastofnun . Mál nr. S-79/2026. Umsagnarfrestur er til og með 30. júní 2026.

Frumvarp til laga um breytingu á hafnalögum (Gjaldaákvæði hafnalaga) . Mál nr. 93/2026. Umsagnarfrestur er til og með 19. júní 2026.

12. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 12.37.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.

Vel sóttur riðufundur í Húnaveri

Wed, 01 Jul 2026 15:26:11 GMT

Riðufundur sem sauðfjárbóndinn Karólína Elísabetardóttir hélt í Húnaveri fyrir hönd alþjóðlegs rannsóknarhóps 30. júní var afar vel sóttur, bæði af gestum á staðnum og í streymi. Einnig verður hægt að nálgast upptöku á næstunni; upptaka Húnaver

Á fundinum kynntu fremstu vísindamenn Evrópu á sviði riðurannsókna nýjustu niðurstöður rannsókna á riðu á Íslandi sem hafa verið yfirstandandi síðan 2021 og ræddu hvaða þýðingu þær geta haft fyrir framtíð íslenskrar sauðfjárræktar.

Dr. Christine Fast frá Þýskalandi, verkefnastjóri, fjallaði um muninn á smitandi (e. infectious) og afbrigðilegri (e. atypical) riðu, hvernig sjúkdómarnir smitast og mikilvægi smitvarna á sauðburði. Hún lagði áherslu á að mesta smithættan væri talin stafa af líkamsvökvum, þar á meðal hildum og legvatni. Því væri mikilvægt að fjarlægja hildir sem fyrst og koma í veg fyrir að þær fari niður í haughús. En lykilatriði væri að rækta upp sauðfé með erfðaefni sem býr yfir mótstöðu gegn riðu. Stökkbreytingar valda mismunandi næmi fyrir riðusmiti og á Íslandi eru til sex ólíkir stökkbreytingar auk villigerðar ARQ: V136 (VRQ), T137, N138, C151, H154 (AHQ) og R171 (ARR).

Dr. Stefanía Þorgeirsdóttir frá Tilraunastöð Háskóla Íslands í meinafræði að Keldum fór yfir umfangsmiklar rannsóknir ítalskra vísindamanna á T137-geninu, sem finnst einnig í sardínsku sauðfé. Það er algengt í stofninum þar, ólíkt Íslandi þar sem það er enn mjög sjaldgæft, og T137-kindur hafa einnig verið notaðar í markvissar smittilraunir. Þar kom fram að aldrei hefur greinst riða í sauðfé sem ber T137-genið, hvorki á Íslandi né á Ítalíu. Hún greindi jafnframt frá því að rannsóknir sýni að riða greinist fyrr í eitlum en í heila, þar sem smitið berst fyrst um meltingarveginn, og rannsókn á eitlasýnum því mikilvæg aðferð til að meta næmi arfgerða. 80 eitlasýni úr T137-kindum í ítalskri riðuhjörð voru rannsakaðar á Keldum í fyrra og allir reyndust riðuneikvæðir.

Dr. Vincent Béringue frá Frakklandi kynnti niðurstöður svokallaða PMCA-næmisprófa í tilraunaglasi þar sem bornar voru saman mismunandi arfgerðir og næmi þeirra gagnvart 28 mismunandi íslenskum smitefnum ásamt smitefnum frá Evrópu. Sérstaka athygli vöktu niðurstöður fyrir T137 og C151, sem sýndu eins mikla mótstöðu og alþjóðlega viðurkenndi verndandi breytileikinn R171 (ARR). H154 (AHQ) sem var mesta vonarstjarnan á Íslandi áður fyrr áður en alþjóðlega rannsóknarteymið hóf störf á Íslandi 2021, kom hins vegar ekki eins vel út, en er samt betra en næmu breytileikarnir ARQ og V136 (VRQ). Próf við sum smitefni þarf að endurtaka einu sinni enn til að staðfesta niðurstöðurnar. Endanlegar niðurstöður eru væntanlegar innan fárra mánaða.

Dr. Jörn Gethmann, faraldsfræðingur frá Þýskalandi, fjallaði um niðurstöður úr rannsókn á 68 íslenskum sauðfjárbúum varðandi faraldsfræði riðu. Þar kom meðal annars fram að smithætta eykst eftir því sem lömb dvelja lengur inni á sauðburði. Hann lagði einnig áherslu á mikilvægi þess að eyða hildum og koma í veg fyrir að þær fari í haughús. Hann kom einnig með aðrar leiðbeiningar til að koma í veg fyrir smit, eins og fataskipti milli bæja, farga dýrahræjum á annan máta en að grafa þau heima við, o.fl. Hins vegar var tölfræðilega ekki hægt að sjá að afréttir og sameiginlegar réttir væru sérstakir áhættuþættir. En hann lagði áherslu á að íslenska varnarhólfakerfið sé ómissandi smitvörn sem hefur áhrif á marga áhættuþætti og hann mælti eindregið með því að halda núverandi varnarhólfum.

Dr. Christine og Dr. Stefánía sögðu einnig frá niðurstöðum rannsóknar þar sem smitmælingar fóru fram í fjárhúsum og næsta umhverfi þeirra á mismunandi riðubæjum, bæði fyrir og eftir sótthreinsun. Munurinn var talsverður og í ljós kom að jafnvel ítarleg sótthreinsun getur ekki alltaf fjarlægt allt smitið - sérstaklega ef riðuveiku gripirnir voru með sérstaklega næma breytileikann V136 (VRQ). Hins vegar var mælanlega smitið talsvert minna eða ekkert þegar riðuveiku kindurnar voru með ARQ/ARQ.

Að lokum tók Þórður Pálsson frá Matvælastofnun þátt í fundinum og svaraði spurningum fundargesta varðandi víðtækar reglubreytingar um flutningar/sölu líflamba.

Fundurinn sýndi glögglega hversu hratt riðurannsóknum hefur fleygt fram á síðustu árum. Vísindamennirnir vinna mikilvægt starf í þágu íslensks landbúnaðar og hafa rannsóknir þeirra þegar haft gríðarlega mikil áhrif á breyttar áherslur í baráttunni gegn riðu. Frá hausti 2023 hafa þrjú bú þar sem riða greindist fengið heimild til að halda eftir gripum sem bera riðugen með mótstöðu, sem markar umtalsverða breytingu frá fyrri framkvæmd þar sem öllum bústofni var að öllu jafnan fargað.

Norðurland vestra hleypur af stað – Molduxi Trail snýr aftur í Skagafirði

Wed, 01 Jul 2026 15:09:35 GMT

Áhugi á hlaupum og útivistarviðburðum hefur aukist jafnt og þétt á Íslandi á undanförnum árum og Norðurland vestra er engin undantekning. Í sumar verða haldnir þrír hlaupaviðburðir í landshlutanum sem eiga það sameiginlegt að byggja á frumkvæði heimafólks, efla hreyfingu og útivist og kynna þá fjölbreyttu náttúru sem svæðið hefur upp á að bjóða.

Skráning í hlaup:
- Skagastrandarhlaupið : 19. júlí 2026
- Vatnsnes trail run : 24. júlí 2026
- Molduxi trail : 7. ágúst 2026

Að þessu sinni er kastljósinu beint að Molduxi Trail , sem verður haldið í annað sinn föstudaginn 7. ágúst .

Molduxi trail

Í ár er það hlaupahópurinn 550 Rammvilltar sem sér um skipulagningu og framkvæmd hlaupsins. Hópurinn kom einnig að fyrsta hlaupinu í fyrra og ákvað í kjölfarið að taka verkefnið að sér í ár. Níu einstaklingar mynda framkvæmdateymi hlaupsins, en njóta aðstoðar fjölmargra sjálfboðaliða og samstarfsaðila.

Hugmynd sem varð að veruleika

Hugmyndin að Molduxa Trail varð til þegar SSNV auglýsti eftir aðilum sem vildu standa að nýjum hlaupaviðburðum á Norðurlandi vestra. Hlaupahópurinn 550 Rammvilltar hafði um árabil staðið fyrir smærri hlaupaviðburðum á Sauðárkróki, en lengi rætt um að nýta hið einstaka útivistarsvæði fyrir ofan bæinn til stærra utanvegahlaups. Þar með ákváðu þær að setja sig í samband við SSNV. Þær telja að þetta frumkvæði SSNV að auglýsa eftir hlaupaviðburðum og stuðningurinn þar á bakvið hafi greinilega borið árangur, þar sem nú eru komin tvö flott utanvegahlaup á Norðurlandi vestra fyrir þeirra tilstilli.

Fyrsta Molduxi Trail hlaupið var haldið í fyrra sem tilraunaverkefni og þrátt fyrir þoku og súld mættu um eitt hundrað þátttakendur. Viðtökurnar voru afar góðar og reynslan varð til þess að ákveðið var að halda hlaupið aftur í ár, með það að markmiði að gera góðan viðburð enn betri.

Líkt og Vatnsnes Trail Run hlaut Molduxi Trail styrk úr Sóknaráætlun Norðurlands vestra til að koma verkefninu af stað. Aðstandendur hlaupsins segja þann stuðning hafa skipt sköpum og vonast til að hlaupið geti á næstu árum staðið undir sér með öflugum stuðningi fyrirtækja og samfélagsins.

Tvær stórbrotnar hlaupaleiðir

Í Molduxa Trail eru tvær krefjandi utanvegaleiðir í boði.

12 km leiðin liggur upp að rótum Molduxa og þaðan niður hinar sögufrægu Kimbastaðagötur. Leiðin hentar bæði reyndum hlaupurum og þeim sem eru að stíga sín fyrstu skref í utanvegahlaupum.

20 km leiðin er ætluð reyndari hlaupurum. Hún liggur hringinn í kringum Molduxa, upp á topp fjallsins og þaðan niður Kimbastaðagötur áður en hlaupið endar aftur í Litla-Skógi.

Báðar leiðir hefjast og enda í Litla-Skógi við Hótel Miklagarð. Á leiðinni njóta hlauparar stórbrotins útsýnis yfir Skagafjörð, eyjarnar á firðinum, Héraðsvötn og fjölbreytta náttúru svæðisins. Að hlaupi loknu bíða þátttakenda léttar veitingar og góð stemning á marksvæðinu.

Viðburður sem eflir útivist og samfélagið

Aðstandendur segja Molduxa Trail hafa haft jákvæð áhrif strax eftir fyrsta árið. Fjölmargir hafi byrjað að æfa sérstaklega fyrir hlaupið og uppgötvað hlaupaleiðirnar í fyrsta sinn. Leiðirnar eru nú nýttar mun meira en áður og hafa gert eitt fallegasta útivistarsvæði Skagafjarðar aðgengilegra fyrir bæði heimafólk og gesti.

Hlaupið er jafnframt tímasett á föstudegi, samhliða Króksmótinu. Það gefur fjölskyldum, gestum og áhorfendum tækifæri til að njóta annarrar afþreyingar á svæðinu á sama tíma og fótboltamótið er.

Öflugur stuðningur heimafólks

550 Rammvilltar segja stuðning fyrirtækja og sjálfboðaliða hafa farið fram úr vonum. Langflestir sem leitað hefur verið til varðandi stuðning hafa tekið vel í verkefnið og verið tilbúnir að leggja sitt af mörkum. Sá stuðningur sé ómetanlegur og forsenda þess að hægt sé að halda viðburð sem þennan.

Meðal styrktar- og samstarfsaðila í ár eru Mjólka, KS, RóCBD, HYBRD, Sauðá, FISK Seafood, Sveitasetrið Hofsstöðum, Hreysti, Hlaupár og Fætur Toga.

Enn er að bætast í hópinn og þær taka öllum fagnandi sem vilja vera með!

Skráning hafin

Molduxi Trail fer fram föstudaginn 7. ágúst . Ræst verður í 20 km leiðina kl. 17:00 og 12 km leiðina kl. 18:00 frá Litla-Skógi við Hótel Miklagarð.

Allir þátttakendur fá frítt í sund að hlaupi loknu og í markinu verður boðið upp á hamborgara, kefír og aðrar veitingar. Veitt verða verðlaun fyrir efstu sæti í báðum vegalengdum og að hlaupi loknu verður eftirpartý fyrir þátttakendur.

Hlaupahópurinn 550 Rammvilltar hvetur alla sem hafa áhuga á utanvegahlaupum til að skrá sig til leiks og upplifa eina fallegustu hlaupaleið Norðurlands vestra.

Norðurland vestra hleypur af stað: Skagastrandarhlaupið (Á Fram at work)

Tue, 30 Jun 2026 14:14:07 GMT

Áhugi á hlaupum og útivistarviðburðum hefur aukist jafnt og þétt á Íslandi á undanförnum árum og Norðurland vestra er engin undantekning. Í sumar verða haldnir þrír hlaupaviðburðir í landshlutanum sem eiga það sameiginlegt að byggja á frumkvæði heimafólks, efla hreyfingu og útivist og kynna þá fjölbreyttu náttúru sem svæðið hefur upp á að bjóða.

Skráning í hlaupin á Norðurlandi vestra:

- Skagastrandarhlaupið : 19. júlí 2026
- Vatnsnes trail run : 24. júlí 2026
- Molduxi trail : 7. ágúst 2026

Hlaupaviðburðir af þessu tagi skapa ekki aðeins tækifæri til hreyfingar og heilsueflingar heldur styrkja einnig samfélögin, auka sýnileika svæðisins og laða að gesti víðs vegar að. Með þessari fréttaröð vill SSNV varpa ljósi á það öfluga starf sem unnið er í landshlutanum við að þróa nýja viðburði og upplifanir fyrir íbúa og gesti.

Að þessu sinni er kastljósinu beint að nýjasta viðburðinum, Áfram at Work – Skagastrandarhlaupinu , sem verður haldið í fyrsta sinn sunnudaginn 19. júlí . Hlaupið sameinar götuhlaup, utanvegahlaup og fjölskylduhlaup í einstakri umgjörð þar sem náttúra, samfélag og hreyfing fara hönd í hönd. Markmiðið er að skapa nýjan árlegan viðburð sem styrkir lýðheilsu, eykur sýnileika Skagastrandar og laðar bæði heimafólk og gesti til þátttöku. SSNV bað tengilið hlaupsins um upplýsingar.

Á Fram at Work - Skagastrandarhlaupið

Hugmyndin að hlaupinu

Að baki hlaupinu standa eigendur Atwork á Íslandi sem nýverið opnuðu Atwork-setur á Skagaströnd. Þar er boðið upp á vinnuaðstöðu og gistingu fyrir listafólk, rithöfunda, tónlistarfólk og aðra sem vilja skapa í friðsælu umhverfi.

Hugmyndin að hlaupinu kviknaði í samtölum við heimafólk og endurspeglar þann mikla áhuga sem er á hlaupum hjá forsvarsfólki verkefnisins. Markmiðið er að skapa nýjan árlegan viðburð sem eflir hlaupamenningu, heilsu og útivist á svæðinu.

Samfélagið sameinast um hlaupið

Frá upphafi hefur verið lögð áhersla á samstarf við heimafólk. Ungmennafélagið Fram tekur virkan þátt í undirbúningi og framkvæmd hlaupsins og mun hagnaður renna til eflingar á starfi félagsins.

Einnig koma sveitarfélagið Skagaströnd, Kvenfélagið Elding og Björgunarsveitin Strönd að verkefninu. Sjálfboðaliðar sjá meðal annars um brautarvörslu, drykkjarstöðvar, marksvæði og aðra framkvæmd, á meðan björgunarsveitin annast öryggisgæslu á leiðunum. Þau leita eftir liðsauka sjálfboðaliða með brautarvörslu nánar hér ef einhver hefur tök á.

Náttúra, hreyfing og samfélag

Skipuleggjendur telja viðburðinn skipta miklu máli fyrir samfélagið á Skagaströnd. Hann hvetur fólk til hreyfingar, styrkir samheldni íbúa og kynnir jafnframt náttúru svæðisins fyrir gestum hvaðanæva af landinu.

Spákonufellið er eitt helsta kennileiti Skagastrandar og utanvegahlaupið býður upp á einstaka leið um fjallið og nágrenni þess. Að hlaupi loknu býðst þátttakendum meðal annars kökuhlaðborð, frítt í sund og gufu, auk þess sem gestir eru hvattir til að njóta þeirrar afþreyingar sem Skagaströnd hefur upp á að bjóða.

Fjórar vegalengdir, eitthvað fyrir alla

Boðið verður upp á fjórar vegalengdir sem höfða til ólíkra hópa hlaupara:

AtWork Mega Trail – 18 km utanvegahlaup um Spákonufell.
10 km götuhlaup.
5 km götuhlaup.
Útbæjarhlaupið , tæplega 1 km skemmtihlaup fyrir börn og fjölskyldur.

Götuhlaupin eru FRÍ-vottuð og henta jafnt byrjendum sem lengra komnum hlaupurum, en AtWork Mega Trail er ætlað þeim sem vilja takast á við meira krefjandi utanvegahlaup í stórbrotinni náttúru. Utanvegahlaupið er um18 km með um 400 m hækkun, 18 ára (2008) aldurstakmark er í það. Öll börn og fullorðin eru hvött til að hlaupa Útbæjarhlaupið sem er 1km. Útbæjarhlaupið verður ekki ræst fyrr en eftir að keppendur eru komnir í mark úr götuhlaupunum og AtWork Megatrail svo að fullorðnir keppendur geti hlaupið með börnunum eftir á.

Viðburður sem styrkir samfélagið

Skipuleggjendur telja að viðburður sem þessi hafi jákvæð áhrif á heimabyggðina. Hann hvetur fólk á öllum aldri til hreyfingar, byggir áfram á því öfluga frjálsíþróttastarfi sem er á svæðinu og getur orðið innblástur fyrir fleiri til að taka upp heilbrigðan lífsstíl.

Utanvegahlaupið gefur þátttakendum jafnframt einstakt tækifæri til að upplifa stórbrotna náttúru Skagastrandar og Spákonufell, auk þess sem viðburðurinn styrkir samheldni samfélagsins með öflugu framlagi sjálfboðaliða og samstarfsaðila.

Sjálfboðaliðar, öll litlu og stóru verkin

Öflun sjálfboðaliða sem starfa við brautarvörslu, í markinu, á drykkjarstöð og í kaffi- og kökuhlaðborðinu eftir hlaup getur verið stórt verkefni sér í lagi yfir sumartímann. Sjálfboðaliðar koma nær eingöngu frá ungmennafélaginu Fram, kvenfélaginu Eldingu og björgunarsveitinni Strönd á Skagaströnd.

Skipuleggjendur munu síðan vera í samstarfi við sveitarfélagið Skagaströnd varðandi áhöld til merkinga á leiðinni.

Að mörgu að hyggja

Mikil vinna liggur að baki undirbúningi hlaups sem þessa. Hlaupaleiðirnar þurfa að vera mældar og vottaðar samkvæmt reglum Frjálsíþróttasambands Íslands (FRÍ) til að tryggja réttar vegalengdir og gildan árangur.

Auk þess þarf að huga að tímatöku, skráningu, brautarmerkingum og öryggi þátttakenda. Tímataka.is sér um tímatöku og skráningu en Björgunarsveitin Strönd annast öryggisgæslu á lykilstöðum á leiðunum, þar á meðal við yfirferð yfir þjóðveg.

Kynningarmál

Hlaupið er kynnt gegnum skráningarsíðuna www.netskraning.is , á Hlaup.is www.hlaup.is og Hlaupadagskrá.is . Þetta eru helstu staðirnir sem hlauparar leita á en einnig viljum við ná til almennings með kynningum sem þessari og svo mun Feykir fjalla um hlaupið á sinni vefsíðu. Facebook síða hlaupins verður einnig sett upp.

Umgjörðin um hlaupið

Íþróttahúsið og sundlaugin munu skapa stóran sess í umgjörð hlaupsins sem og höfnin en rás- og endamark verður þar. Atwork á Skagaströnd verður miðpunktur skipulagsins og munu númer verða afhent þar á laugardeginum og aðstoð veitt við nýskráningu.

Hvenær og hvar fer hlaupið fram / hvar skráir fólk sig?

Hlaupið verður haldið 19. júlí, og fer skráning fram hjá Netskráningu.is, auk skráningar er að finna allar nauðsynlegar upplýsingar um hlaupið https://netskraning.is/skagastrandarhlaupid/

Hugmyndin er að hlaupið verði árlegt og byggi jafnt og þétt upp fjölda þeirra sem sækir Skagaströnd heim til að hlaupa.

Styrkir til aðlögunar að lífrænum framleiðsluháttum

Mon, 29 Jun 2026 11:39:52 GMT

Atvinnuvegaráðuneytið auglýsir til umsóknar styrki til lífrænnar aðlögunar í landbúnaði á árinu 2026.

Umsóknarfrestur á Afurð er til miðnættis

4. ágúst nk.

Framleiðendur sem hafa byrjað lífræna aðlögun í samræmi við gildandi reglugerð um lífræna framleiðslu landbúnaðarafurða og merkingar geta sótt um. Lífræna aðlögunin skal jafnframt vera undir eftirliti faggildu löggildingarstofunnar Túns.

Á Afurð má einnig finna upplýsingar um nauðsynleg fylgiskjöl með umsókn.

Nánari upplýsingar um styrkina, skilyrði og umsóknarferlið má finna á vef Stjórnarráðsins

Styrkir til uppbyggingar hleðsluinnviða við fjölbýlishús

Fri, 26 Jun 2026 11:33:43 GMT

Loftslags- og orkusjóður hefur auglýst eftir umsóknum um styrki til uppbyggingar hleðsluinnviða við fjölbýlishús. Styrkjunum er ætlað að styðja við uppbyggingu hleðsluinnviða á sameiginlegum bílastæðum fjöleignarhúsa og auðvelda húsfélögum sem standa frammi fyrir sérstaklega kostnaðarsamri uppbyggingu á slíkum innviðum að ráðast í framkvæmdir.

Styrkirnir eru liður í sértækum aðgerðum ríkisstjórnarinnar vegna hækkandi heimsmarkaðsverðs olíu og aukinnar óvissu á alþjóðlegum orkumörkuðum vegna stríðsátaka við Persaflóa sem kynntar voru á fréttamannafundi 10. apríl síðastliðinn.

Aðgerðirnar miða annars vegar að því að verja heimili fyrir áhrifum verðhækkana og hins vegar að því langtíma verkefni að gera sem flestum kleift að slíta sig frá dælunni og nota hreina íslenska orku í stað innflutts jarðefnaeldsneytis. Vegna hins síðarnefnda hefur Loftslags- og orkusjóður þegar auglýst eftir umsóknum um styrki til uppbyggingar hraðhleðslustöðva fyrir rafbíla um allt land með það að markmiði að loka gatinu í hraðhleðsluneti á vegum landsins.

Þá verða styrkir vegna hleðsluinnviða við gististaði auglýstir innan skamms. Samhliða vinna stjórnvöld að breytingum sem eiga að tryggja einfaldara og samræmdara greiðslufyrirkomulag við hleðslu rafbíla.

Opnað var fyrir umsóknir 22. maí og er umsóknarfrestur vegna styrkjanna til 1. október kl. 15:00. Frekari upplýsingar má finna á vef Loftslags- og orkusjóðs, sem fer með umsjón með auglýsingu og umsýslu styrkjanna.

Styrkhæf eru húsfélög fjöleignarhúsa sem eru með 8 íbúðir eða fleiri og þar sem byggingarleyfi var gefið út áður en breyting á byggingarreglugerð nr. 112/2012 tók gildi 20. júní 2018. Fjölbýlishús sem hafa þegar komið upp hleðslustöðvum á sameiginlegum bílastæðum eru ekki styrkhæf.

Styrkir eru m.a. veittir fyrir lagnaleiðir frá rafmagnstöflu að hleðsluinnviðum við sameignarstæði og fyrir stækkun, færslu eða nýja heimtaug fjölbýlishússins. Styrkupphæð getur numið allt að 5 milljónum króna á hvert verkefni, en þó aldrei meira en 50% af heildarkostnaði.

Stuðningur við uppbyggingu hleðsluinnviða við fjölbýlishús – handbók

Norðurland vestra hleypur af stað: Vatnsnes trail run

Wed, 24 Jun 2026 09:56:21 GMT

Á Íslandi hefur áhugi á utanvegahlaupum og hlaupaviðburðum farið vaxandi á undanförnum árum og hefur Norðurland vestra stokkið á vagninn þar sem haldnir verða þrír hlaupaviðburðir í sumar í landshlutanum.

Tvö þeirra komu ný inn í fyrra og eiga það sameiginlegt að byggja á frumkvæði heimafólks og eru styrkt af sóknaráætlun; Vatnsnes trail run og Molduxi trail.

Öll hlaupin eru til þess gerð að efla hreyfingu og útivist sem og að draga fram einstaka náttúru landshlutans og samheldin samfélög.

Fyrst verður fjallað um Vatnsnes Trail Run í Húnaþingi vestra, en einnig verður fjallað um Molduxa Trail og nýtt hlaup á Skagaströnd, Á Fram at Work – Skagastrandarhlaupið.

Skráning í hlaup:
- Skagastrandarhlaupið : 19. júlí 2026
- Vatnsnes trail run : 24. júlí 2026
- Molduxi trail : 7. ágúst 2026

Hlaupaviðburðir af þessu tagi skapa ekki aðeins tækifæri til hreyfingar og heilsueflingar heldur styrkja einnig samfélögin, auka sýnileika svæðisins og laða að gesti víðs vegar að. Með þessari fréttaröð vill SSNV varpa ljósi á það öfluga starf sem unnið er í landshlutanum við að þróa nýja viðburði og upplifanir fyrir íbúa og gesti.

Vatnsnes Trail Run

- utanvegahlaup í Húnaþingi vestra sem haldið verður í annað sinn þann 24. júlí nk.

Hlaupið var fyrst haldið fyrir ári síðan og tókst með glæsibrag og tóku hátt á annað hundrað keppendur þátt í einstakri veðurblíðu.

Hlaupahópurinn Fjallbrattar sér um skipulagningu og utanumhald hlaupsins. Í hópnum eru þær Ingveldur Ása Konráðsdóttir, Gerður Rósa Sigurðardóttir, Fanney Dögg Indriðadóttir, Margrét Guðrún Ásbjarnardóttir og Þorbjörg Inga Ásbjarnardóttir.

Hugmyndin að hlaupinu kviknaði þegar Samtök sveitarfélaga á Norðurlandi Vestra (SSNV) auglýstu eftir aðilum til að skipuleggja hlaupaviðburð á svæðinu og var styrkur veittur úr Sóknaráætlun landshlutans fyrstu tvö árin.

Hlaupahópurinn Fjallbrattar höfðu tekið þátt í nokkrum skipulögðum utanvegahlaupum á Íslandi og sáu þarna frábært tækifæri til að heimfæra nýtt utanvegahlaup í sínu sveitarfélagi.

Þær útfærðu tvær skemmtilegar hlaupaleiðir 10 km og +20 km sem báðar byrja á Hvammstanga og liggja upp í fallega náttúru Vatnsnesfjallsins þar fyrir ofan. Einnig er í boði fjölskylduhlaup 1,5 km innan Hvammstanga og með þessum þremur hlaupaleiðum ættu flest allir að finna vegalengd og leið við sitt hæfi til að taka þátt!

Vel gekk að skipuleggja og halda hlaupið í fyrra og fengu þær marga styrktaraðila bæði innan svæðið og utan til liðs við sig. Auk Sóknaráætlunar Norðurlands vestra má þar nefna Húnaþing vestra, Kaupfélag Vestur Húnvetninga, KIDKA, Hótel Laugarbakka, Sjávarborg, North West, Hleðsla, Ró CBD, Hlaðan Hvammstanga, HYBRD, Eylíf, Mörk, 66°North, R8IANt og Dave and Jones Iceland.

Í ár bætist svo í hóp styrktaraðila og eru Fjallbrattar þakklátar þeim fjölmörgu fyrirtækjum og aðilum sem styðja við og styrkja hlaupið þannig að hægt sé að halda það. Þessi stuðningur gerir það einnig að verkum að hægt er að gera umgjörð hlaupsins og framkvæmd ennþá betri og markvissari og auka sýnileika fyrirtækja, þjónustu og þess sem svæðið hefur upp á að bjóða. Einnig eru margir sjálfboðaliðar sem vinna frábært starf til að aðstoða við framkvæmd hlaupsins og eru Fjallbrattar þakklátar þeim fyrir sitt framlag. Þær segja að það hafi verið mjög gaman og lærdómsríkt að halda hlaupið í fyrra og þær vinni nú að því að gera gott hlaup enn betra í ár!

Húnaþing vestra er eitt af mörgum Heilsueflandi samfélögum á landinu. Að halda utanvegahlaup styður við og býr til fleiri möguleika og tækifæri til hreyfingar og útiveru sem hefur jákvæð áhrif á bætta heilsu og líðan fólks. Segja þær að gaman sé að sjá hvað Vatnsnes Trail Run 10 km leiðin hafi verið farin mikið síðan þær merktu leiðina fyrir ári síðan og íbúar og aðrir hafi greinilega nýtt sér að ganga eða hlaupa leiðina þegar þeir vissu af henni og gátu fylgt leiðarmerkingum.

Hlaupahópurinn Fjallbrattar stefnir á og vonast eftir að Vatnsnes Trail Run verði fastur liður í viðburðadagatali Norðurlands vestra og styrki þar með heilsueflingu, ferðaþjónustu og fyrirtæki í sveitarfélaginu.

Fjallbrattar vonast eftir að sem flestir nýti tækifærið og skrái sig og taki þátt í Vatnsnes Trail Run. Nú sé bara að velja leið við hæfi, finna hlaupaskóna og mæta svo í brautina á Hvammstanga þann 24.júlí!

Frítt er fyrir alla í Fjölskylduhlaupið, öll börn fá þar keppnisnúmer og glaðning að hlaupi loknu og allir þátttakendur í öllum leiðum fá frítt í sund í Íþróttamiðstöð Húnaþings vestra. Einnig verða veglegir vinningar og útdráttarverðlaun í 10 og +20 km leiðunum og miði er jú alltaf möguleiki :)

Karólína Elísabetardóttir sæmd fálkaorðunni

Thu, 18 Jun 2026 08:17:52 GMT

Karólína Elísabetardóttir, sem er bóndi í Hvammshlíð í Húnabyggð, var sæmd í dag hinni íslensku fálkaorðu fyrir frumkvöðlastarf í baráttunni gegn riðu.

Alls voru 14 einstaklingar sæmdir fálkaorðunni í dag.

Þetta er verðskulduð viðurkenning sem henni er veitt fyrir mikilvægt framlag til rannsókna, uppbyggingu þekkingar og þróunar í þágu íslenskrar sauðfjárræktar. Starf Karólínu hefur haft gríðarleg áhrif í baráttunni gegn riðu hér á landi og hefur mikil áhrif á sauðfjárrækt á Íslandi til framtíðar.

Á Norðurlandi vestra er rík ástæða til að fagna þessum heiðri og óskar SSNV Karólínu innilega til hamingju með þessa verðskulduðu viðurkenningu

Viðburðir fyrir barnamenningarhátíðina Skúnaskrall - Öll saman

Fri, 12 Jun 2026 12:47:33 GMT

Eins og vonandi öllum er kunnugt fékk barnamenningarhátíðin Skúnaskrall - Öll saman sex milljónir í styrk frá Barnamenningarsjóði á dögunum og að auki er hún eitt áhersluverkefna SSNV fyrir þetta ár.

Nú er komið að því að bjóða viðburðahöldurum að standa fyrir viðburði/viðburðum á hátíðinni og sækja um styrk ef þarf.

Hér má nálgast slóð að umsóknarformi sem við viljum hvetja sem flest ykkar til að kynna ykkur og miðla einnig til annars listafólks: Skúnaskrall – Öll saman Barnamenningarhátíð á Norðurlandi vestra 2026 – Fill in form

Umsóknarfrestur er til 10. ágúst og verður öllum umsóknum svarað.

Þá eru hér einnig upplýsingar um matsblað sem úthlutunarnefndin mun nota við val á viðburðum og gott er að kynna sér vandlega: Matsblað Skúnaskralls .

Verklags- og úthlutunarreglur sem tilheyra hátíðinni eru hér að neðan.

Gerum hátíðina okkar sem veglegasta og leggjum metnað í þá viðburði sem bjóðast munu börnum og ungmennum landshlutans.

Umhverfis- og loftslags vinnudagur SSNV og SSNE

Wed, 10 Jun 2026 10:17:36 GMT

Starfsfólk SSNV og SSNE sem sinnir umhverfis- og loftslagsmálum hélt sameiginlegan vinnudag 2. júní sl. Í tilefni dagsins voru heimsótt fyrirtæki og sveitarfélög á Norðurlandi vestra til að kynna sér verkefni tengd sjálfbærni, umhverfismálum og orkuskiptum.

Dagurinn hófst hjá Kaupfélagi Skagfirðinga þar sem Ólöf Lovísa tók á móti okkur og kynnti stefnu og markmið fyrirtækisins í umhverfis- og sjálfbærnimálum, auk þeirra verkefna sem unnið er að.

Þaðan var haldið í Steinull sem hefur hlotið viðurkenningu sem framúrskarandi fyrirtæki í 15 ár í röð. Þar tóku á móti okkur Eyþór Fannar Sveinsson og Rafn Ingi Rafnsson. Þeir fræddu okkur um framleiðsluna og hversu langt þeir eru komnir í endurnýtingu/-vinnslu sem og í að raforkuvæða fyrirtækið. Einnig vakti athygli okkar árangur sem hefur náðst í moltugerð og má sjá mikinn metnað sem starfsmenn Steinull hafa sýnt verkefninu.

Næst var komið við á Skagaströnd þar sem kynntar voru umbætur á hafnarsvæðinu og verkefni tengd orkuskiptum. Vilhelm Björn Harðarson hitti okkur á höfninni og leiddi um svæðið. Það styttist óðum í að höfnin verði tilbúin til að taka á móti skipum sem nýta raforku sem orkugjafa og geta þá lagst þar í höfn og fengið hleðslu.

Í Stekkjavík tók Elvar Bjarki á móti okkur og fræddi um starfsemina þar, en urðun sorps frá stórum hluta Norðurlands fer fram á svæðinu. Hann fræddi okkur um þau sóknarfæri sem felast í aukinni flokkun sorps, sem og um hvernig hægt væri að nýta betur metangasið sem er auka „afurð“ á urðunarstaðnum.

Á Blönduósi tók Bergþór Gunnarsson í Þjónustumiðstöð Húnabyggðar á móti okkur og sýndi moltugerðarvél og plastpökkunarvél sem sveitarfélagið nýtir til að draga úr kostnaði og skapa aukin verðmæti fyrir sveitarfélagið úr úrgangi. Eins manns rusl er annars gull.

Að lokum heimsótti hópurinn Textílmiðstöð Íslands þar sem Elsa Arnardóttir tók á móti honum. Hún sýndi TextílLab-ið og ræddi við okkur um tækifæri og áskoranir sem felast í endurvinnslu textíls. Einnig var rætt um sóknarmöguleika sem Norðurland vestra/Húnabyggð til að styrkja stöðu sína á þessu sviði meðal annars, í ljósi þess að bæði ullarþvottastöðin og Textílmiðstöð Íslands eru staðsett á svæðinu.

Heimsóknirnar veittu góða innsýn í fjölbreytt verkefni á sviði sjálfbærni, úrgangsmála og orkuskipta á Norðurlandi vestra. Dagurinn undirstrikaði mikilvægi samstarfs, miðlunar þekkingar og nýsköpunar í umhverfis- og loftlagsmálum.

Opnað fyrir umsóknir í Startup Landið 2026: Einstakt tækifæri fyrir íbúa Norðurlands vestra

Mon, 08 Jun 2026 14:07:11 GMT

Formlega hefur verið opnað fyrir umsóknir í nýsköpunarhraðalinn Startup Landið 2026 . Hraðallinn er sérsniðinn að frumkvöðlum á landsbyggðinni og er kjörinn vettvangur fyrir íbúa á Norðurlandi vestra sem ganga með flotta viðskiptahugmynd í maganum og vilja láta til sín taka. Umsóknarfrestur er til og með 1. september næstkomandi .

Tengja saman náttúru, nýtingu og nýsköpun

Startup Landið er nýsköpunarhraðall sem leitar að hugmyndum sem styrkja samfélög, skapa störf og skila raunverulegum verðmætum um land allt. Sérstaða hraðalsins felst í því að brúa bilið á milli náttúru, nýtingar og nýsköpunar áherslur sem ríma fullkomlega við auðlindir og tækifæri á Suðurlandi.

Að skipulagningu standa samtök landshluta hringinn í kringum landið, þar á meðal Samtök Sveitarfélaga á Norðurlandi vestra. Markmiðið er að skapa öflugan vettvang fyrir frumkvöðla og áhugafólk um nýsköpun á landsbyggðinni.

Markviss fræðsla og stuðningsumhverfi

Hraðallinn sjálfur hefst þann 24. september og stendur til 5. nóvember 2026 . Þau teymi sem valin verða til þátttöku fá dýrmæta fræðslu, faglega ráðgjöf og aðgang að sterku stuðningsumhverfi sem hjálpar þeim að þróa viðskiptahugmyndir sínar áfram og koma þeim á markað.

Teymi frá Norðurlandi vestra hafa gert það gott þegar hraðlar hafa verið haldnir bæði innan héraðst og utan. Margir komnir með fyrirtæki í rekstur eða hafa náð að þróa hugmynd sína á næsta stig.

SSNV hvetur alla, jafnt einstaklinga og/eða teymi, sem hafa hugmynd eða eru komin af stað með hugmynd að sækja um og þannig nýta sér þetta flotta tækifæri til að koma hugmyndum sínum á flug og senda inn umsókn á vefsíðunni startuplandid.is fyrir lokafrestinn þann 1. september.

Hægt að sækja um á www.startuplandid.is

Bókun stjórnar SSNV vegna fyrirhugaðra breytinga á lögregluembættum

Fri, 05 Jun 2026 14:25:03 GMT

Á 140. fundi stjórnar SSNV sem haldinn var 3. júní sl. var lagt fram erindi frá Sigurði Hólmari Kristjánssyni, settum lögreglustjóra á Norðurlandi vestra, þar sem hann lýsir áhyggjum sínum vegna fyrirhugaðra breytinga dómsmálaráðherra/Alþingis á lögregluembættum.

Stjórn lagði fram eftirfarandi bókun:

Stjórn SSNV lýsir yfir áhyggjum af þeim áhrifum sem mögulegar breytingar á skipulagi lögregluembætta kunna að hafa á þjónustu, störf og stjórnsýslu í landshlutanum.

ReSource gerir samning um umhverfisvöktun fyrir Stekkjarvík

Tue, 02 Jun 2026 09:59:45 GMT

ReSource hefur gert samning við Norðurá bs. um umhverfisvöktun urðunarstaðarins í Stekkjarvík.

Norðurá bs. rekur urðunarstaðinn, sem er staðsettur í landi Sölvabakka á Blönduósi. Byggðasamlagið er í eigu þriggja sveitarfélaga á Norðurlandi vestra, en þjónustusvæði urðunarstaðarins nær yfir mestallt Norðurland.

Samningurinn felur í sér að ReSource annist umhverfisvöktun sem Stekkjarvík ber að standa skil á samkvæmt starfsleyfi. Þar á meðal eru sýnatökur í vatni, sjó og mælingar á urðunargasi.

Niðurstöður vöktunarinnar eru birtar á vef Stekkjarvíkur auk þess sem gögnin eru vistuð og aðgengileg í vefviðmótinu eLandfill .

Skúnaskrall - Öll saman - Barnamenningarhátíð á Norðurlandi vestra hlaut veglegan styrk úr Barnamenningarsjóði

Mon, 01 Jun 2026 14:42:32 GMT

Barnamenningarsjóður hélt úthlutunarhátíð sína í Höfuðstöðinni sunnudaginn 31. maí, þar sem saman var kominn fjöldi gesta og eftirvæntingafullir styrkþegar. Einn þeirra var fulltrúi SSNV, en sótt var um styrk til sjóðsins til að endurvekja Barnamenningarhátíðina Skúnaskrall, sem í fyrsta og eina sinn var haldin vorið 2022.

Í upphafi árs hófst samtal við sveitarfélögin í landshlutanum sem öll tóku vel í að taka þátt í þessu verkefni og bjóða upp á metnaðarfulla menningardagskrá fyrir börn og ungmenni á Norðurlandi vestra á haustdögum. Ákveðið var að barnamenningarhátíð með viðburðum um allan landshlutann yrði haldin dagana 21. október til 4. nóvember 2026 – og að hátíðin héldi heitinu Skúnaskrall sem varð til árið 2021.

Skemmst er frá því að segja að Skúnaskrall hlaut mjög veglegur styrk og var því fagnað með öðrum styrkhöfum.

Von bráðar munu umsóknaform verða birt fyrir þau sem vilja bjóða upp á viðburði og/eða smiðjur fyrir ungmennin okkar. Fylgist því vel með miðlum SSNV eða hafið beint samband við Berglindi Björnsdóttur, verkefnisstjóra Skúnaskralls – Öll saman með því að senda póst á berglind@ssnv.is

Fundargerð 139. fundar stjórnar SSNV, 5. maí 2026

Tue, 12 May 2026 16:21:21 GMT

Þriðjudaginn 5. maí 2026, kom stjórn SSNV saman til fundar á Teams. Hófst fundurinn kl. 9:00.

Mætt voru: Einar E. Einarsson, Magnús Magnússon, Guðmundur Haukur Jakobsson, Álfhildur Leifsdóttir, Halldór Gunnar Ólafsson og Sveinbjörg R. Pétursdóttir framkvæmdastjóri sem ritaði fundargerð.

Dagskrá:

Áhersluverkefni - staða verkefna
Erindi frá Markaðsstofu Norðurlands
Drög að samstarfssamningi um Eim
Brák
Erindi frá Heilbrigðiseftirliti Norðurlands vestra
Framlögð mál til kynningar

a) Fundargerðir

b) Umsagnir

7. Skýrsla framkvæmdastjóra

Afgreiðslur

Áhersluverkefni - staða verkefna

Framkvæmdastjóri fór yfir stöðu og framvindu á áhersluverkefnum Sóknaráætlunar Norðurlands vestra.

2. Erindi frá Markaðsstofu Norðurlands

Lagt fram erindi frá Markaðsstofu Norðurlands um skemmtiferðaskip.

Stjórn þakkar Markaðsstofunni fyrir erindið og felur framkvæmdastjóra að óska eftir fundi með framkvæmdastjóra Markaðsstofunnar.

3. Drög að samstarfssamningi um Eim

Lögð fram drög að endurnýjun á samstarfssamningi við Eim.

Framkvæmdastjóra falið að vinna málið áfram.

4. Brák

Formaður SSNV og fulltrúi í fulltrúaráði Brákar gerði grein fyrir stöðu félagsins og hugsanlegri sameiningu við Leigufélagið Bríet.

5. Erindi frá Heilbrigðiseftirliti Norðurlands vestra

Erindi frá framkvæmdastjóra Heilbrigðiseftirlits Norðurlands vestra lagt fram til kynningar.

Stjórn þakkar fyrir erindið og felur framkvæmdastjóra að óska eftir fundi með framkvæmdastjóra Heilbrigðiseftirlits Norðurlands vestra.

6. Framlögð mál til kynningar

a) Fundargerðir

Stjórn SSH, 16. mars 2026. Fundargerðin.

Stjórn SSH, 20. apríl 2026. Fundargerðin.

Stjórn SSNE, 24. mars 2026. Fundargerðin.

Stjórn SASS, 10. apríl 2026. Fundargerðin.

Stjórn stýrihóps stjórnarráðsins um byggðamál, 13. apríl 2026. Fundargerðin .

Stjórn Sambands íslenskra sveitarfélaga, 17. apríl 2026. Fundargerðin .

Stafrænt ráð sveitarfélaga, 18. febrúar 2026. Fundargerðin.

b) Umsagnir

Fjármálaáætlun fyrir árin 2027 – 2031 . Mál nr. 577/2026. Umsagnarfrestur er til og með 4. maí 2026.

Drög að frumvarpi um breytingar á lögum um Byggðastofnun . Mál nr. S-79/2026. Umsagnarfrestur er til og með 30. júní 2026.

Framkvæmdastjóra falið að vinna drög að umsögn um Fjármálaáætlun fyrir árin 2027-2031.

7. Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 11.35.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.

Viðburðadagatal Feykis - ekki gleyma að senda inn upplýsingar um viðburðinn þinn

Tue, 12 May 2026 10:44:57 GMT

Þrátt fyrir að hitastigið úti gefi okkur fáar vísbendingar þessa dagana þá segir dagatalið að það styttist í sumarið með öllum sínu fjölbreyttu viðburðum sem í boði eru hér í landshlutanum okkar. EN - alltof oft gerist það að viðburðir fara framhjá íbúum - einfaldlega vegna þess að þeir sáu t.d. ekki veggspjaldið, bæklinginn eða viðburðasíðu nágrannasveitarfélagsins.

Eitt af áhersluverkefnum SSNV á síðasta ári var að auka sýnileika viðburða á Norðurlandi vestra og bæta aðgengi íbúa landshlutans að upplýsingum um viðburði á svæðinu í gegnum einn vef. Markmiðið var að auka þátttöku í þeim viðburðum sem bjóðast og auka sýnileika þess sem í boði er í landshlutanum. Miðað var við að með auknum sýnileika viðburða aukist möguleikar íbúa landshlutans á að njóta þess fjölbreytta menningarframboðs sem býðst og viðburðahaldarar nytu einnig góðs af og gætu þá styrkt starfsemi sína enn frekar.

Í tengslum við þetta verkefni varð til viðburðadagatal Feykis , en það er síða sem sinnir einmitt því hlutverki - að auka sýnileika viðburða í landshlutanum. Á síðunni, sem finna má á upphafssíðu Feykis, er auðvelt aðgengi að skýrum upplýsingum um viðburði tengdum menningu, afþreyingu og mannlífi, en henni er ætlað að vera sameiginlegur upplýsingabanki fyrir allt sem er að gerast á Norðurlandi vestra – stórt sem smátt. Þar geta íbúar og gestir landshlutans leitað á einn stað eftir viðburðum, í stað þess til dæmis að þurfa að hafa aðgang að viðburðasíðum hvers sveitarfélags í fjórðungnum.

Nú þegar sumarið er framundan og dagskráin þétt um allan landshlutann er sérstaklega mikilvægt að viðburðahaldarar muni að senda inn upplýsingar um sína viðburði. Það eykur sýnileika, styrkir samfélagið í heild og gerir fleirum kleift að taka þátt í því sem í boði er.

Til að tryggja að upplýsingar berist sem víðast viljum við hvetja öll þau sem standa fyrir viðburðum á Norðurlandi vestra til að nýta viðburðasíðu Feykis.

Góð samvinna og hæfileikarík ungmenni í Söngkeppni Samfés

Tue, 12 May 2026 10:17:06 GMT

Söngkeppni Samfés var haldin í Laugardalshöll síðastliðinn laugardag, þann 9. maí. Meðal atriða sem komust áfram í keppnina var framlag félagsmiðstöðvarinnar Skjólsins á Blönduósi og félagsmiðstöðvarinnar Órion á Hvammstanga.

Atriði Skjólsins, Í fjarlægð, var unnið í góðu samstarfi við unglinga frá félagsmiðstöðinni Undirheimum á Skagaströnd og nutu þau stuðnings kennara við Tónlistarskóla Austur-Húnavatnssýslu við undirbúninginn. Verkefnið er fallegt dæmi um það hvernig gott samstarf getur skapað vettvang fyrir hæfileika, sköpun og samheldni. Hljómsveitina skipuðu þau Sigrún Erla Snorradóttir söngkona, Aníta Ýr Gunnarsdóttir á hljómborð, Ísak Andri Jónsson á bassa, Jón Benedikt Tischleder Jensson á trommur og Sigurjón Ýmir Alexson á gítar. Þau eru öll nemendur við Tónlistarskóla A.-Hún.

Ísak, Sigrún, Aníta, Jón Benedikt og Sigurjón

Norðurland vestra átti einnig annan fulltrúa í keppninni, en félagsmiðstöðin Órion á Hvammstanga sendi Emilíu Írisi Benediktsdóttur til leiks. Söng hún lagið I have nothing sem Whitney Houston gerði frægt á sínum tíma. Félagsmiðstöðin Friður á Sauðárkróki átti ekki keppanda í lokakeppni Samfés að þessu sinni.

Það var ánægjulegt að sjá ungmenni af Norðurlandi vestra taka þátt í jafn stórum viðburði og Söngkeppni Samfés. Þátttakan sýndi vel hversu öflugt og hæfileikaríkt ungt fólk er í landshlutanum og, það sem við hjá SSNV lítum sérstaklega jákvæðum augum, ekki síður hversu mikill styrkur felst í góðu samstarfi þvert á skóla, sveitarfélög og félagsmiðstöðvar.

Emilía Íris

SSNV óskar öllum keppendum af Norðurlandi vestra innilega til hamingju með þátttökuna og frábæran árangur á sviðinu í Laugardalshöll.

Nálgast má upptökur af viðburðinum á síðu RUV: Söngkeppni Samfés - Spilari RÚV - atriðin eru tímasett í upptökunni og því auðvelt að finna framlag félagsmiðstöðvanna Skjólsins og Órion.

Fiðringur 2026

Thu, 07 May 2026 11:03:08 GMT

Fiðringur á Norðurlandi fór fram í fimmta sinn í Menningarhúsinu Hofi á Akureyri þann 6. maí sl. Í ár tóku níu grunnskólar af Norðurlandi þátt í viðburðinum, þar á meðal tveir skólar af Norðurlandi vestra; Grunnskóli Húnaþings vestra og Varmahlíðarskóli.

Fiðringur er skapandi sviðslistarviðburður þar sem nemendur í 8.–10. bekk grunnskóla fá tækifæri til að tjá sig í gegnum list- og sviðsframkomu. Nemendur vinna að atriðum í skólunum sínum í samstarfi við leiðbeinendur, en mikil áhersla er lögð á sjálfstæði, sköpun og lýðræðislega vinnu. Unglingarnir móta atriðin sjálfir, allt frá hugmyndavinnu og sviðshreyfingum til búninga, leikmyndar, ljósa og hljóðs.

Atriðin í ár voru einlæg og almennt voru mjög margir þátttakendur í hverju þeirra. Umfjöllunarefnin voru áhugaverð, tengdust hugðarefnum unglinga og áskorunum og greinilegt var að mikil vinna lá að baki hverju þeirra. Nemendur fullnýttu þá möguleika sem Hof býður uppá í atriðum sínum; stórt svið, ljós, hljóð og stórt tjald sem myndum var varpað á, auk þess að nota fjölbreytta leikmuni, en heimsókn í Hof hluti af undirbúningsvinnunni – einmitt til að sýna þátttakendum allt sem hægt er að gera og hleypa ímyndunaraflinu á flug.

Grunnskóli Húnaþings vestra hlaut að þessu sinni sérstök verðlaun fyrir skapandi notkun íslenskunnar í sínu atriði. Skólinn vann Fiðring á Norðurlandi á síðasta ári, þegar hann tók þátt í fyrsta sinn. Varmahlíðarskóli tók nú þátt í fyrsta sinn og er ánægjulegt að sjá þátttöku skóla af Norðurlandi vestra í verkefninu eflast.

Á myndinni má sjá Grunnskóla Húnaþings vestra taka við verðlaunum fyrir skapandi notkun íslenskunnar

Menningarfélag Akureyrar stendur að baki Fiðringi á Norðurlandi. Verkefnið hefur hlotið stuðning úr Sóknaráætlun Norðurlands eystra og Sóknaráætlun Norðurlands vestra, en SSNV styrkti verkefnið í fyrsta sinn í ár. Verkefnið fellur vel að áherslum sóknaráætlunar um öflugt menningarlíf, þátttöku ungs fólks og lifandi samfélög.

Það er von SSNV að enn fleiri skólar á Norðurlandi vestra bætist í hóp þátttakenda á komandi skólaári og að nemendur í landshlutanum fái áfram tækifæri til að láta ljós sitt skína á sviði Fiðrings.

RÚV sýndi Fiðring í beinu streymi og hér er hægt að nálgast upptöku frá þessum skemmtilega viðburði. Á Facebook-síðu SSNV er myndamappa með nokkrum myndum frá þessu skemmtilega kvöldi.

Generation Nordic 2026 - Spennandi tækifæri fyrir fólk á aldrinum 18-30 ára!

Wed, 06 May 2026 11:24:49 GMT

Dagana 12.–15. september 2026 mun ungt fólk víðs vegar að af Norðurlöndum koma saman í Færeyjum og taka þátt í spennandi dagskrá sem felst í að skoða sameiginlegar áskoranir og tækifæri í tengslum við sjálfbæra þróun, nýsköpun og framtíð samfélaga. Dagskráin inniheldur hvetjandi erindi, gagnvirkar vinnustofur og fjölmörg tækifæri til að mynda ný tengsl við annað ungt fólk sem vill stuðla að betri framtíð fyrir norræn samfélög. Þátttakendur fá einnig að upplifa einstaka náttúru, menningu og gestrisni Færeyja.

Generation Nordic leiðir saman virkt og samfélagslega þenkjandi ungt fólk til að deila hugmyndum, ræða sameiginlegar áskoranir og skoða nýjar leiðir til að móta framtíð Norðurlandanna. Saman leggjum við áherslu á velferð, sjálfbæra þróun og samstarf þvert á landamæri.

Þátttaka í Generation Nordic 2026 er frábært tækifæri til að efla hæfni þína, stækka tengslanetið og taka þátt í mikilvægum svæðisbundnum málefnum.

Fjöldi þátttakenda er takmarkaður og umsóknarfrestur er til 1. júní. Ef þú hefur áhuga, sendu inn rafræna umsókn .

Nánari upplýsingar um verkefnið má finna á heimasíðu Generation Nordic 2026

Helstu upplýsingar í mjög stuttu máli:

Hvenær: 12.–15. september 2026
Hvar: Færeyjar
Fyrir hverja: Ungt fólk á aldrinum 18–30 ára sem býr á Norðurlöndum
Kostnaður: Ókeypis – ferðakostnaður, gisting og máltíðir greiddar fyrir alla þátttakendur sem verða valdir
Umsóknarfrestur: til 1. júní 2026

Ef einhverjar spurningar vakna má hafa beint samband við Hildi Hilbertsdóttur Durhuus,

hildur@nora.fo eða hringja í síma +298 538145.

Einnig er hægt að fá upplýsingar um verkefnið hjá Hönnu Dóru Björnsdóttur hjá Byggðastofnun.

Rafrænn kynningarfundur fyrir framboð til sveitarstjórna á Norðurlandi vestra

Wed, 29 Apr 2026 10:23:57 GMT

Samtök sveitarfélaga á Norðurlandi vestra, í samstarfi við Markaðsstofu Norðurlands og Eim, boða til rafræns fundar miðvikudaginn 6. maí kl. 10:00. Fundurinn fer fram á Teams og er sérstaklega ætlaður fulltrúum framboða til sveitarstjórna á Norðurlandi vestra.

Markmið fundarins er að veita skýra og hagnýta yfirsýn yfir hlutverk, verkefni og áherslur þessara þriggja aðila og hvernig starfsemi þeirra styður við atvinnuþróun, byggðamál og eflingu samstarfs sveitarfélaga á svæðinu.

Oddvitar framboða eru sérstaklega hvattir til að taka þátt, en fundurinn er einnig opinn öðrum frambjóðendum sem og öllum áhugasömum íbúum sem vilja dýpka skilning sinn á starfsemi SSNV, Markaðsstofu Norðurlands og Eims og því hvernig þessi starfsemi nýtist svæðinu.

TEAMS hlekkur á fund.

Norðanpaunk hlýtur viðurkenningu sem framúrskarandi verkefni SSNV

Tue, 28 Apr 2026 10:44:28 GMT

Norðanpaunk hefur hlotið viðurkenninguna Framúrskarandi verkefni SSNV fyrir árið 2025 fyrir framlag sitt til menningar og tónlistarlífs á landsbyggðinni.

Hátíðin er árlegt ættarmót paunkara á Íslandi þar sem lögð er áhersla á að skapa vettvang fyrir hljómsveitir sem eru óhefðbundnar, tilraunakenndar eða eiga erfitt með að finna sér stað á hefðbundnum tónleikavettvangi.

Norðanpaunk leggur sérstaka áherslu á að styðja við ungar og upprennandi íslenskar hljómsveitir og veita þeim tækifæri til að koma fram og þróa sitt listform. Með þátttöku valinna erlendra gesta skapast jafnframt dýrmæt tengsl og aukinn sýnileiki á alþjóðavettvangi. Auðvelt er að fullyrða að hátíðin hafi á undanförnum árum fest sig í sessi sem einstakur og öflugur menningarviðburður í landshlutanum, en yfir verslunarmannahelgina breytist Laugarbakki í samfélag þar sem listafólk og aðrir þátttakendur hátíðarinnar sameinast í að deila og njóta jaðartónlistar.

Aðstandendur Norðanpaunks þau Þórr, Michael, Sóla, Ingólfur og Ægir Freyr.

Hátíðin hefur hlotið athygli utan landshlutans og var t.a.m. í ár einn fjögurra viðburða sem fengu tilnefningu til verðlauna fyrir besta tónlistarviðburðinn hjá The Reykjavik Grapevine. Þrátt fyrir að hneppa ekki hnossið var tilnefningin mikil viðurkenning fyrir skipuleggjendur hátíðarinnar og má reikna með að hún hafi aukið sýnileika Norðanpaunks til muna.

Norðanpaunk er skýrt dæmi um hvernig hægt er að efla skapandi greinar og menningarlegt fjölbreytileika með frumkvæði, eldmóði og sterku grasrótarstarfi.

SSNV óskar aðstandendum Norðanpaunks til hamingju með viðurkenninguna.

Norðansprotinn 2026; Þurrlýsi hlýtur titilinn!

Tue, 28 Apr 2026 10:32:15 GMT

Verkefnið Þurrlýsi bar sigur úr býtum í nýsköpunarkeppninni; Norðansprotinn 2026. Lokaviðburður Norðansprotans 2026 fór fram 22. apríl í Messanum í Drift á Akureyri.

Alls voru sjö verkefni valin til þátttöku í úrslitunum og kynntu frumkvöðlar hugmyndir sínar fyrir dómnefnd og gestum. Að loknum kynningum og mati dómnefndar var það verkefnið Þurrlýsi sem þótti skara fram úr og hlaut titilinn Norðansprotinn 2026.

Sem sigurvegari hlaut verkefnið 1 milljón króna styrk frá Landvættum slhf., fjárfestingasjóði í rekstri Axum verðbréfa.

Hreinn Þór Hauksson, framkvæmdastjóri Axum verðbréfa og fulltrúi í dómnefnd, tilkynnti niðurstöðuna. Í umsögn dómnefndar kom fram að verkefnin hefðu verið fjölbreytt og metnaðarfull en að sigurverkefnið bæri með sér sérstaklega mikla möguleika til framtíðar. Með réttri aðstoð og áframhaldandi þróun gæti það orðið grunnur að verðmætri starfsemi, aukinni þekkingarsköpun og nýjum atvinnutækifærum. Þá var einnig bent á að að baki verkefninu stæði öflugur frumkvöðull með sterkan bakgrunn.

Páll Þór Ingvarsson sigurvegari Norðansprotans ásamt öðrum þátttakendum keppninnar

Þurrlýsi snýr að þróun nýrrar framleiðsluaðferðar fyrir lýsi með það að markmiði að auka neyslu þess, sérstaklega meðal yngri kynslóða. Með svokölluðu þurrduftslýsi eru olíur lýsisins hjúpaðar í vatnsleysanlegum ögnum sem síðan eru þurrkaðar. Aðferðin gerir kleift að fela bragð lýsisins á sama tíma og notagildi þess eykst verulega.

Norðansprotinn er nýsköpunarkeppni sem hefur það að markmiði að draga fram og styðja við efnilegar hugmyndir á frumstigi á Norðurlandi. Alls bárust 41 umsókn í keppnina í ár og endurspegluðu verkefnin fjölbreytileika og kraft í nýsköpun á svæðinu.

Lokaviðburðurinn var opinn almenningi og vakti töluverðan áhuga. Keppnin er hluti af víðtæku samstarfi um eflingu nýsköpunar á Norðurlandi og veitir frumkvöðlum mikilvægan vettvang til að kynna hugmyndir sínar og þróa þær áfram.

Norðansprotinn er samstarfsverkefni SSNE, SSNV, Háskólans á Akureyri, Háskólans á Hólum, Drift EA og Hraðsins, með stuðningi frá Landvættum fjárfestingasjóði.

Niðurstöður Fyrirtækjakönnunar landshlutanna 2025 liggja nú fyrir

Mon, 27 Apr 2026 10:49:48 GMT

Ný fyrirtækjakönnun landshlutanna 2025 er komin út. Könnunin var framkvæmd á tímabilinu apríl til október 2025 og tóku 2.165 fyrirtæki af öllu landinu þátt. Könnunin var síðast gerð árið 2022 og að þessu sinni var svörun frá fyrirtækjum á Norðurlandi vestra meiri en áður.

Niðurstöður könnunarinnar sýna að íslensk fyrirtæki horfa fram á hægari vöxt en áður, með aukinni varfærni í ráðningum og fjárfestingum. Á sama tíma sjá fyrirtæki áfram tækifæri í auknu samstarfi, nýjum markaðssvæðum og nýtingu nýrrar tækni.

Meðal þeirra þátta sem fram koma eru að fyrirtæki meta nettengingar og farsímasamband sem þá þætti sem styðja best við rekstur, á meðan vegakerfið og sumir opinberir þættir fá lakari einkunn. Fyrirtæki sjá aukið samstarf og ný markaðssvæði sem helstu tækifæri til vaxtar.

Markaðssetning, vöruþróun og stækkun eru einnig nefnd sem mikilvæg sóknarfæri, en meðal stærstu hindrana sem nefndar eru er skortur á fjármagni, tíma og starfsfólki. Opinberir þættir á borð við regluverk, skatta og stjórnsýslu eru einnig taldir hafa veruleg áhrif.

Samantekt á niðurstöðum má finna hér .

Sunnudagur á safni

Thu, 23 Apr 2026 11:02:45 GMT

Sunnudaginn 26. apríl opna söfn, setur og sýningar í Skagafirði dyr sínar og bjóða gesti og gangandi velkomna.

Ýmislegt fróðlegt verður í boði og hvoru tveggja hægt að gleðja andann og fá magafylli.

Á auglýsingunni sem fylgir má sjá upplýsingar um staðina sem hafa opið á sunnudaginn, aðgangseyri, opnunartíma og hvað er í boði.

Kíkið endilega því sunnudagur á safni hljómar svo sannarlega vel.

Vel sóttur íbúafundur um línustæði, eignarrétt og endurgjald

Wed, 22 Apr 2026 14:34:56 GMT

Vel var mætt á opinn íbúafund á Hótel Laugarbakka í gær þar sem Samtök sveitarfélaga á Norðurlandi vestra (SSNV) stóðu fyrir fundi um línustæði, eignarrétt og endurgjald.

Sveinbjörg Pétursdóttir, framkvæmdastjóri SSNV, setti fundinn og bauð Torfa Jóhannesson á svið. Torfi kynnti skýrslu sem unnin var fyrir SSNV og Samtök sveitarfélaga á Vesturlandi (SSV) um málefnið.

Í kynningu sinni fjallaði Torfi um reynslu nágrannaríkja Íslands – Svíþjóð, Noreg og Danmörk – af samráði við landeigendur vegna skipulags og uppbyggingar línustæða. Einnig fór hann yfir hvernig verðmati og greiðslum til landeigenda fyrir afnot lands undir línustæði er háttað í þessum löndum.

Fram kom í erindi hans að 21. öldin muni að miklu leyti einkennast af aukinni raforkuþörf og því sé mikilvægt að efla samtal, styrkja samráð og skýra verklag um uppbyggingu innviða til framtíðar. Jafnframt sé nauðsynlegt að endurgjald fyrir land sé sanngjarnt og endurspegli raunverulegt virði þess.

Að lokinni kynningu stýrði Gísli Einarsson pallborðsumræðum. Auk Torfa tóku þátt Friðrik Már Sigurðsson, Ragna Árnadóttir, Guðmundur Haukur Jakobsson og Magnús Magnússon. Þar skiptust þátttakendur á sjónarmiðum og svöruðu spurningum fundargesta. Umræður voru málefnalegar og gagnlegar.

Þátttakendur í pallborði

Mikill áhugi á Norðansprotanum – 40 umsóknir bárust frá öllu Norðurlandi

Thu, 16 Apr 2026 13:24:56 GMT

Alls bárust 40 umsóknir í nýsköpunarkeppnina Norðansprotann, víðsvegar að af Norðurlandi. Keppnin er nú haldin í þriðja sinn og vonir standa til að hún festi sig í sessi sem árlegur viðburður. Næsta skref hjá þátttakendum er að vinna einblöðung sem matsnefnd fer yfir, en að því loknu verða 5–8 verkefni valin áfram til að kynna hugmyndir sínar á lokaviðburði keppninnar.

Lokaviðburðurinn fer fram miðvikudaginn 22. apríl kl. 17:00 í Messanum í Drift á Akureyri og er opinn öllum áhugasömum. Þar stíga úrslitaverkefnin á svið, kynna hugmyndir sínar fyrir dómnefnd og gestum og keppa um titilinn Norðansprotinn.

Norðansprotinn er nýsköpunarkeppni sem hefur það að markmiði að varpa ljósi á efnilegar hugmyndir á frumstigi og styðja við þróun nýsköpunar á Norðurlandi. Keppnin skapar vettvang fyrir frumkvöðla til að þróa hugmyndir sínar áfram, fá gagnlega endurgjöf og tengjast öflugu nýsköpunarsamfélagi landshlutanna.

„Það er virkilega ánægjulegt að sjá þann mikla kraft og metnað sem endurspeglast í umsóknum til Norðansprotans. Slíkur áhugi undirstrikar skýrt hversu öflug og lifandi nýsköpun á Norðurlandi er,“ segir Guðlaugur Skúlason, verkefnastjóri hjá SSNV.

Norðansprotinn er samstarfsverkefni SSNV, SSNE, Háskólans á Hólum, Háskólans á Akureyri, Drift EA og Hraðsins með veglegum stuðningi frá Landvættum fjárfestingasjóði.

Opinn fundur um greiðslur til landeigenda vegna línustæða

Wed, 15 Apr 2026 13:24:55 GMT

Samtök sveitarfélaga á Norðurlandi vestra standa fyrir opnum fundi um málefni sem snerta bæði landeigendur, orkufyrirtæki og samfélagið í heild. Fundurinn fer fram þriðjudaginn 21. apríl kl. 20:00 á Hótel Laugarbakka.

Á fundinum mun Torfi Jóhannesson kynna samantekt sem unnin var fyrir SSNV og SSV. Í samantektinni er fjallað um hvernig nágrannalönd Íslands, Danmörk, Noregur og Svíþjóð, hafa hagað greiðslum til landeigenda fyrir notkun lands undir línustæði. Markmiðið er að varpa ljósi á ólíkar leiðir, bera saman lagaumhverfi og skoða hvernig nýta megi þessa reynslu til að móta skýrari, réttlátari og nútímalegri umgjörð um slíkar greiðslur hér á landi.

Að lokinni kynningu verða pallborðsumræður undir stjórn Gísla Einarssonar. Í pallborðinu sitja auk Torfa fulltrúar landeigenda, Landsnets og sveitarfélaga. Þar verður fjallað um sjónarmið ólíkra hagsmunaaðila og horft til framtíðar í uppbyggingu raforkuinnviða.

Fundurinn er öllum opinn og eru öll áhugasöm hvött til að mæta og taka þátt í umræðu um eitt af lykilmálum orkuskipta og uppbyggingar innviða á Íslandi.

Verk Lausn hlýtur viðurkenningu sem Framúrskarandi verkefni 2025

Fri, 10 Apr 2026 13:24:54 GMT

Fyrirtækið Verk Lausn ehf. á Skagaströnd hefur hlotið viðurkenninguna Framúrskarandi verkefni fyrir árið 2025 fyrir uppbyggingu framleiðslu á nútímalegum einingahúsum.

Verkefnið er þegar komið vel af stað og vinnur nú að framleiðslu á 9 húsum fyrir Akureyrarbæ, þar sem fyrstu tvö húsin eru nú að verða fullkláruð.

Verkefnið byggir á því að nýta húsnæði fyrrum rækjuvinnslu til framleiðslu á fullbúnum húsum innandyra og svarar þannig vaxandi þörf fyrir hagkvæmt og aðgengilegt húsnæði.

Verk Lausn var stofnað árið 2021 með tvo starfsmenn en hefur vaxið hratt og eru nú 13 starfsmenn hjá fyrirtækinu og enn fleiri yfir sumartímann.

Þetta er skýrt dæmi um hvernig hægt er að efla fjölbreytni í atvinnulífinu með hugviti, nýsköpun og betri nýtingu innviða.

SSNV óskar Verk Lausn ehf. til hamingju með viðurkenninguna.

Endurskoðun byggðaáætlunar

Thu, 09 Apr 2026 14:42:53 GMT

SSNV boðar til fundar ásamt Innviðaráðuneytinu og Byggðastofnun þar sem kynnt verða fyrstu drög að endurskoðaðri byggðaáætlun, með sérstaka áherslu á drög að aðgerðaáætlun hennar. Fulltrúar ráðuneytisins og Byggðastofnunar munu kynna fyrirliggjandi drög og hvetja til skoðanaskipta um þau.

Umræður og ábendingar sem fram koma á fundinum verða nýttar við áframhaldandi vinnu og munu m.a. liggja til grundvallar efni í hvítbók sem sett verður í samráðsgátt stjórnvalda í lok maí.

Hér er hægt að hafa rafrænt samráð um drögin á vef Byggðastofnunar og eru fundargestir hvattir til að kynna sér efnið vel fyrir fundinn.

Fundurinn verður haldinn á Teams þriðjudaginn 14. apríl kl. 10.00 og er öllum opinn. Nauðsynlegt er þó að skrá sig til að fá sendan hlekk. Skráning hér.

Vel heppnað ársþing að baki

Thu, 09 Apr 2026 13:24:53 GMT

Ársþing SSNV fór fram við góðar undirtektir og var vel sótt af fulltrúum sveitarfélaga og öðrum gestum. Þingið einkenndist af málefnalegum umræðum og fróðlegum erindum.

Tveir þingmenn kjördæmisins, Stefán Vagn Stefánsson og Ólafur Adolfsson, sátu þingið og tóku virkan þátt í umræðum um hagsmunamál Norðurlands vestra. Mikilvægt er fyrir sveitarstjórnarfulltrúa að fá tækifæri til að eiga samtal við þingmenn kjördæmisins og skapaðist góð umræða um stöðu og framtíð landshlutans. Við þökkum Ólafi og Stefáni kærlega fyrir komuna.

Á þinginu var einnig boðið upp á áhugaverða fyrirlestra. Þorkell Stefánsson, sérfræðingur hjá Byggðastofnun, fjallaði um mælaborð Byggðastofnunar þar sem finna má fjölbreytt og gagnleg gögn, m.a. um byggðaþróun. Mælaborðið er mikilvægt verkfæri fyrir sveitarstjórnarfólk og aðra sem vilja styðja við upplýsta ákvarðanatöku.

Þá flutti Fjóla Steindóra Kristinsdóttir, sveitarstjóri Grímsnes- og Grafningshreppur, erindi um nýtingu gervigreindar í stjórnsýslu sveitarfélaga. Erindið var bæði fræðandi og hvetjandi og vakti mikinn áhuga meðal fundargesta.

Hápunktur þingsins var veiting viðurkenningarinnar Byggðagleraugun, sem veitt var tveimur framúrskarandi fyrirtækjum á Norðurlandi vestra.

Annars vegar hlaut FISK Seafood á Sauðárkróki viðurkenninguna fyrir að sýna í verki hvernig atvinnulífið getur verið drifkraftur jákvæðrar samfélagsþróunar, meðal annars með því að bjóða starfsfólki sínu upp á íslenskunám á vinnutíma og að kostnaðarlausu.

Hins vegar hlaut Borealis Data Center á Blönduósi viðurkenningu fyrir öfluga uppbyggingu gagnavers og þau jákvæðu áhrif sem starfsemin hefur haft á atvinnulíf á svæðinu, meðal annars með fjölgun starfa og aukinni verðmætasköpun.

Stjórn SSNV óskar handhöfum Byggðagleraugnanna 2026 innilega til hamingju með þann árangur sem þau hafa náð og þakkar öllum sem komu að skipulagi og framkvæmd þingsins. Ársþingið undirstrikar mikilvægi samvinnu og sameiginlegrar sýnar fyrir áframhaldandi uppbyggingu Norðurlands vestra.

Tvö fyrirtæki hljóta Byggðagleraugun 2026

Thu, 09 Apr 2026 13:24:51 GMT

The body content of your post goes here. To edit this text, click on it and delete this default text and start typing your own or paste your own from a different source.

Orkuskipti í landbúnaði - vefþing 9. apríl

Tue, 07 Apr 2026 14:57:10 GMT

Áhugafólk um nýsköpun, sjálfbærni og framtíð landbúnaðar er hvatt til að kynna sér opið vefþing um orkuskipti í landbúnaði sem fram fer 9. apríl kl. 13:00–15:15 . Að vefþinginu standa Eimur og Orkídea í samstarfi við Evrópuverkefnin RECET og Value4Farm.

Á þinginu verður meðal annars fjallað um rafmagns- og metanvæðingu landbúnaðartækja, nýtingu metans sem orkugjafa og raunhæf tækifæri til aukins orkusjálfstæðis í landbúnaði. Innlendir og erlendir sérfræðingar deila þar þekkingu og reynslu, en hluti dagskrárinnar fer fram á ensku.

Nánari upplýsingar má finna á heimasíðu Eims. Hér er hægt að skrá sig, þátttaka er öllum að kostnaðarlausu.

Leitin að Norðansprotanum í fullum gangi.

Tue, 31 Mar 2026 15:07:24 GMT

Norðansprotinn er nýsköpunarkeppni þar sem leitað er að áhugaverðustu nýsköpunarhugmynd Norðurlands. Leitin er hafin og stendur til 22. apríl þegar Norðansprotinn 2026 verður valinn á lokaviðburði sem haldinn verður í Drift EA á Akureyri.

The body content of your post goes here. To edit this text, click on it and delete this default text and start typing your own or paste your own from a different source.

Keppnin er einstakt tækifæri fyrir ungt fólk og reynslubolta til að kynna hugmyndir sem geta umbreytt samfélaginu, skapað ný störf og styrkt samkeppnishæfi svæðisins. Keppnin er opin öllum á Norðurlandi sem hafa frumlega hugmynd og vilja láta til sín taka – hvort sem um er að ræða nýja tækni, samfélagslausnir eða vöru og þjónustu.

Í fyrra var það verkefnið Stökkfiskur sem hlaut titilinn Norðansprotinn 2025 en verkefnið sameinar íslenskan uppruna, gæði og frumleika í íslensku snakki úr harðfiski. Sölvi Helgason, fulltrúi Stökkfisks sagði “„að taka þátt í Norðansprotanum var ekki bara skemmtilegt heldur líka lærdómsríkt og uppbyggilegt ferli. Norðansprotinn var frábær stökkpallur fyrir okkur og hjálpaði okkur við að taka verkefnið okkar af hugmyndastiginu og gera það að veruleika. Þessi viðbót við frumkvöðlasenuna á Norðurlandi mun vonandi hjálpa til við að leysa úr læðingi þá gífurlegu orku sem býr á svæðinu og við hvetjum alla þá sem sitja á hugmynd eða verkefni til að taka þátt.“

Keppnin er styrkt af fjárfestingasjóðnum Landvættir sem er í rekstri Axum verðbréfa, en sjóðurinn leggur til verðlaunafé upp á 1.000.000 kr. sem sigurvegarinn getur nýtt til að koma hugmyndinni sinni í framkvæmd. Skráning hér

Norðansprotinn er samstarfsverkefni SSNV, SSNE, Háskólans á Hólum, Háskólans á Akureyri, Drift EA og Hraðsins með stuðningi frá Landvættum fjárfestingasjóði.

Svanni styður við uppbyggingu fyrirtækja í eigu kvenna

Mon, 30 Mar 2026 15:27:54 GMT

Svanni – lánatryggingasjóður kvenna býður konum sem reka fyrirtæki áhugavert tækifæri til eflingar. Sjóðurinn styður við fyrirtæki í meirihlutaeigu kvenna með lánatryggingum sem ætlað er að efla uppbyggingu, vöxt og atvinnusköpun. Hámarkslán er 15 milljónir króna og ekki þarf að leggja fram hefðbundna tryggingu fyrir láninu. Umsóknarfrestur um lán er til og með 13. apríl.

Lánin geta meðal annars nýst til verkefna á borð við vöruþróun, markaðssetningu og kaup á nauðsynlegum tækjakosti sem getur stutt við frekari þróun fyrirtækja. Sótt er um rafrænt og má finna nánari upplýsingar á vef sjóðsins, svanni.is .

Svanni lánatryggingasjóður er í eigu dómsmála- og atvinnuvegaráðuneytis ásamt Reykjavíkurborg og hefur hann verið starfræktur frá árinu 2011. Nýlega hefur starfstímabil sjóðsins verið endurnýjað og er timabilið til fjögurra ára, frá 2025-2029.

Samtal um skapandi greinar: Skapandi ferli tölvuleikja

Mon, 30 Mar 2026 12:51:19 GMT

Áhugasömum um skapandi greinar og nýsköpun er bent á viðburð á vegum Rannsóknaseturs skapandi greina (RSSG), í samstarfi við CCP, sem fram fer miðvikudaginn 8. apríl kl. 10:15–11:45 í húsakynnum CCP í Grósku, Bjargargötu 1 í Reykjavík.

Að þessu sinni verður sjónum beint að tölvuleikjagerð sem skapandi grein og þeim fjölbreyttu ferlum sem liggja að baki þróun leikja. Fjallað verður um hvernig skapandi vinna og tæknileg þekking fléttast saman í leikjahönnun, sem og um þau tækifæri og áskoranir sem fylgja starfi innan greinarinnar. Viðburðurinn fer fram á ensku.

Fjórir fyrirlesarar veita innsýn í skapandi ferlið úr ólíkum áttum:
Halldór Snær Kristjánsson, framkvæmdastjóri, listrænn stjórnandi og meðstofnandi Myrkur Games, María Guðmundsdóttir, framkvæmdastjóri og stofnandi Parity Games, Joon Van Hove, sjálfstætt starfandi leikjahönnuður, og Steingerður Lóa Gunnarsdóttir, sjálfstætt starfandi leikjahönnuður og stundakennari við Háskólann í Reykjavík.

Erindum verður streymt, en að þeim loknum lýkur útsendingu og opnað verður fyrir umræður meðal þeirra sem sækja viðburðinn á staðnum. CCP býður viðstöddum upp á kaffi.

Nánari upplýsingar um þátttakendur, dagskrá og skráningu má nálgast á vef viðburðarins . Einnig hefur verið stofnaður viðburður á Facebook .

Athygli er vakin á því að fundir af þessu tagi fara yfirleitt fram fyrsta fimmtudag hvers mánaðar kl. 8:30, en að þessu sinni er bæði um annan vikudag og aðra tímasetningu að ræða.

Fundargerð 138. fundar stjórnar SSNV, 24. mars 2026

Tue, 24 Mar 2026 14:15:29 GMT

Þriðjudaginn 24. mars 2026, kom stjórn SSNV saman til fundar á Skagaströnd. Hófst fundurinn kl. 9:00.

Dagskrá:

Íslandsstofa

Minnisblað frá Markaðsstofu Norðurlands um gönguleiðir

Byggðagleraugu SSNV

Ársreikningur SSNV

Ársþing SSNV

Þjónustukönnun - Fyrri hluti: vinnu- og þjónustusókn

Ársskýrsla SSNV

Erindi frá Pétri Halldórssyni, heilbrigðisfulltrúa

Framúrskarandi verkefni á Norðurlandi vestra

Ályktanir ársþings SSNV

Framlögð mál til kynningar

a) Fundargerðir

b) Umsagnir

Skýrsla framkvæmdastjóra

Afgreiðslur

Íslandsstofa

Arnar Guðmundsson, viðskiptastjóri hjá Íslandsstofu, kom til fundar á Teams og kynnti verkefni á vegum Íslandsstofu þar sem unnið er að því að greina þær virðiskeðjur og fjárfestingartækifæri sem Ísland hefur raunhæfa samkeppnisstöðu í til framtíðar. Verkefnið felur í sér heildstæða kortlagningu á tækifærum til verðmætasköpunar og tengingu þeirra við mismunandi landshluta, innviði og styrkleika.

Stjórn þakkar Arnari kærlega fyrir gagnlega og áhugaverða kynningu og góðar umræður um hvernig megi koma tækifærum Norðurlands vestra á framfæri í gegnum sameiginlega upplýsingagátt Íslandsstofu. Magnús Barðdal, verkefnastjóri SSNV, sat fundinn undir þessum lið.

Minnisblað frá Markaðsstofu Norðurlands um gönguleiðir

Lagt fram erindi frá Markaðsstofu Norðurlands um gönguleiðir á Norðurlandi vestra.

Stjórn þakkar Markaðsstofu Norðurlands fyrir erindið. SSNV fór í átaksverkefni með skráningu gönguleiða árin 2020-2021 þar sem 94 leiðir voru skráðar, þ.e.a.s. grunnupplýsingar þeirra: GPS-punktar, myndir og texti, og eru þær nú hýstar á vefsíðunni WIKILOC sem væri ákjósanlegt að nýta. Framkvæmdastjóra falið að koma upplýsingum áleiðis til Markaðsstofunnar.

Byggðagleraugu SSNV

Stjórn SSNV veitir ár hvert viðurkenninguna Byggðagleraugun til ráðuneytis, stofnunar eða fyrirtæki sem þykir hafa skarað fram úr í fjölgun starfa/verkefna í landshlutanum eða með öðrum hætti stuðlað að uppbyggingu hans. Er viðurkenningunni ætlað að hvetja forsvarsmenn stofnana og fyrirtækja til að horfa með “byggðagleraugunum” á verkefni sinna eininga og nýta þau tækifæri sem gefast til flutnings starfa/verkefna á landsbyggðina í samræmi við áherslur byggðaáætlunar.

Tillögur að handhafa Byggðagleraugnanna 2026 lagðar fyrir stjórn.

Stjórn samþykkir tillögu að handhafa Byggðagleraugnanna og felur framkvæmdastjóra að hafa samband við viðkomandi í samræmi við umræður. Handhafi Byggðagleraugnanna verður tilkynntur formlega á ársþingi SSNV, miðvikudaginn 8. apríl, á Hótel Laugarbakka.

Ársreikningur SSNV

Helgi Níelsson, endurskoðandi hjá KPMG kom til fundar við stjórn og fór yfir ársreikning samtakanna fyrir árið 2025.

Stjórn þakkar Helga fyrir greinargóða yfirferð á ársreikningnum. Stjórn samþykkir ársreikninginn og vísar til afgreiðslu ársþings. Matthías Rúnarsson, aðalbókari samtakanna, sat fundinn undir þessum lið.

Ársþing SSNV

Framkvæmdastjóri fór yfir drög að dagskrá fyrir ársþing SSNV.

Stjórn þakkar fyrir yfirferðina og samþykkir framlagða dagskrá með áorðnum breytingum sem fram komu á fundinum.

Þjónustukönnun - Fyrri hluti: vinnu- og þjónustusókn

Byggðastofnun hefur birt nýja skýrslu um vinnu- og þjónustusókn íbúa landsins. Skýrslan byggir á þjónustukönnun sem framkvæmd var árið 2024 meðal tæplega sjö þúsund íbúa utan höfuðborgarsvæðisins og gefur ítarlega mynd af því hvar íbúarnir sækja vinnu og ýmsa þjónustu. Lagt fram til kynningar.

Ársskýrsla SSNV

Ársskýrsla SSNV fyrir árið 2025 lögð fram til kynningar fyrir stjórn.

Erindi frá Pétri Halldórssyni, heilbrigðisfulltrúa

Lagt fram til kynningar erindi frá Pétri Halldórssyni, heilbrigðisfulltrúa í kraganum.

Framúrskarandi verkefni á Norðurlandi vestra

Samtök sveitarfélaga á Norðurlandi vestra veita árlega viðurkenningar fyrir framúrskarandi verkefni sem fram hafa farið á Norðurlandi vestra árið áður. Viðurkenningar eru veittar í tveimur flokkum:

a) Verkefni á sviði atvinnuþróunar og nýsköpunar

b) Verkefni á sviði menningar

Viðurkenningarnar geta fallið í hlut einstaklinga, hópa, félaga, fyrirtækja eða stofnana á Norðurlandi vestra fyrir framlag sitt í ofangreindum flokkum. Verkefnin einskorðast við að hafa fengið styrk úr uppbyggingarsjóði SSNV.

Tillögur um framúrskarandi verkefni lagðar fyrir stjórn.

Stjórn samþykkir framlagða tillögu að framúrskarandi verkefnum. Verkefnin verða kynnt á miðlum SSNV og fá viðurkenningu í samræmi við reglur fyrir framúrskarandi verkefni á Norðurlandi vestra.

Ályktanir ársþings SSNV

Lagðar fram tillögur að ályktunum fyrir ársþing SSNV 2026 sem bárust frá Húnabyggð. Umræður stjórnar um önnur aðkallandi málefni til að leggja fyrir ársþing.

Stjórn þakkar Húnabyggð fyrir þær tillögur sem bárust. Stjórn felur framkvæmdastjóra að vinna drög að ályktun um stöðu landshlutans.

Framlögð mál til kynningar

a) Fundargerðir

Stjórn SSH, 16. febrúar 2026. Fundargerðin. Stjórn SSH, 2. mars 2026. Fundargerðin.

Stjórn SSNE, 5. mars 2026. Fundargerðin. Stjórn SSA, 20. febrúar 2026. Fundargerðin. Stjórn SASS, 6. febrúar 2026. Fundargerðin.

Stjórn SSS, 11. Mars 2026. Fundargerðin.

Stjórn Markaðsstofu Norðurlands, 27. janúar 2026. Fundargerðin.

b) Umsagnir

Frumvarp til laga um flýtingu uppbyggingar raforkuinnviða og einföldun regluverks. Mál nr. S-56/2026. Umsagnarfrestur er til og með 26. mars 2026.

Tillaga til þingsályktunar um þjóðaratkvæðagreiðslu um framhald viðræðna um aðild Íslands að Evrópusambandinu. Mál nr. 516/2026. Umsagnarfrestur er til og með 7. apríl 2026.

Framkvæmdastjóra falið að vinna drög að umsögn um Frumvarp til laga um flýtingu uppbyggingar raforkuinnviða og einföldun regluverks.

Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 12.26.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.

Viðskiptamódel samfélagsdrifinna fyrirtækja í dreifbýli

Tue, 24 Mar 2026 13:09:21 GMT

Fimmtudaginn 26. mars 2026 kl. 9:30–11:00 fer fram alþjóðleg vefstofa á Zoom um viðskiptamódel samfélagsdrifinna fyrirtækja í dreifbýli.

Vefstofan fer fram á ensku og gæti höfðað til frumkvöðla, stuðningskerfis samfélagsfrumkvöðla, stefnumótenda og annarra sem hafa áhuga á samfélagslegri nýsköpun og þróun í dreifbýli.

Vefstofan er skipulögð af MERSE verkefninu í samstarfi við Mid Sweden University og Vestfjarðastofu. MERSE er alþjóðlegt samstarfsverkefni styrkt af Interreg Northern Periphery and Arctic Programme.

Áhugasöm eru hvött til að kynna sér nánari upplýsingar á heimasíðu Vestfjarðastofu, taka þátt, fá innblástur, læra um viðstkiptamódel í dreifbýli og tengjast öðrum sem starfa á þessu sviði.

Hér er skráningarsíða viðburðarins.

Sunnudagur á safni, 29. mars

Tue, 24 Mar 2026 13:01:50 GMT

Áfram höldum við með verkefnið Sunnudagar á safni, en það er samstarfsverkefni safna, setra og sýninga leitt af SSNV.

Er þetta í þriðja sinn frá áramótum sem söfn, setur og sýningar á Norðurlandi vestra taka þátt og hafa opið utan hefðbundins opnunartíma.

Að þessu sinni eru það söfn, setur og sýningar í Húnaþingi vestra sem opna dyr sínar fyrir gestum og gangandi næstkomandi sunnudag, 29. mars, sem er pálmasunnudagur.

Sunnudaginn 15. mars höfðu fjölmargir staðir í Skagafirði opið og nýttu bæði íbúar og ferðafólk tækifærið og kíktu á það sem í boði var. Sumir gestanna voru að koma á staðina í fyrsta sinn, aðrir nýttu tækifærið og litu við á kunnuglegum slóðum.

Takk fyrir að taka þátt, bæði staðarhaldarar og gestir.

Sunnudagur á safni hljómar enn vel.

Sniglast á Írlandi – tækifæri í nýrri atvinnugrein á Norðurlandi

Wed, 18 Mar 2026 13:36:17 GMT

Nú á dögunum stóð Eimur fyrir fræðsluferð til Írlands fyrir áhugasama aðila um tækifæri í sniglarækt.

Fulltrúi SSNV, Magnús Barðdal, fór með í för til að kynna sér verkefnið og vera í stakk búinn til að styðja við áhugasama aðila með áætlunargerð og þróun verkefna ef vilji er til staðar að hefja slíka starfsemi á Norðurlandi.

Hópurinn samanstóð af 15 þátttakendum og heimsótti sniglabúið Inis Escargot sem er í um klukkustundar fjarlægð frá Dublin. Ferðin stóð frá mánudegi til laugardags og gafst þátttakendum kostur á að dvelja á búinu í þrjá heila daga, taka þátt í daglegum störfum og kynnast öllum þáttum framleiðslunnar af fyrstu hendi.

Eigandi búsins, Peter Monaghan, tók vel á móti hópnum og fór ítarlega yfir starfsemina, allt frá ræktun og klakferli til uppskeru og vinnslu. Fram kom að framleiðsluferlið er skipulagt í skýrum stigum sem spanna allt árið, frá æxlun og eggjalögn yfir í uppeldi, fitun og uppskeru.

Slík framleiðsla krefst stöðugs hita, mikils raka og góðs aðgengis að fóðri.

Peter hefur áður heimsótt Ísland og kynnt sér aðstæður hér á landi. Að hans mati eru þær einstaklega hagstæðar fyrir sniglarækt, sérstaklega vegna aðgengis að heitu vatni á lágu verði. Með því að nýta jarðhita er hægt að rækta snigla í stýrðu innanhússumhverfi allt árið um kring, sem dregur úr áhrifum veðurs og árstíðasveiflna og getur jafnvel gert kleift að tvöfalda uppskeru miðað við hefðbundna útirækt .

Í kynningu Eims kom einnig fram að tækifærin liggja ekki aðeins í framleiðslu sniglakjöts til manneldis heldur einnig í verðmætum hliðarafurðum. Þar má nefna sniglakavíar sem er lúxusvara, sniglaslím sem notað er í snyrtivörur og skeljarnar sem nýtast í landbúnaði . Þá eru sniglar taldir sjálfbær próteingjafi með lágt kolefnisspor og geta jafnvel nýtt lífrænan úrgang sem fóður.

Verkefnið fellur vel að áherslum Eims um bætta nýtingu auðlinda og sérstaklega nýtingu svokallaðs glatvarma, en á Norðurlandi vestra falla daglega til milljónir lítra af heitu vatni sem í dag fer að stórum hluta til spillis.

Með sniglarækt væri hægt að umbreyta þessari vannýttu auðlind í verðmætasköpun og ný störf.

Fyrir bændur og aðra sem leita nýrra tekjumöguleika getur sniglarækt verið áhugaverður kostur. Starfsemin krefst tiltölulega lítils landrýmis en getur skapað fjölbreytt störf, allt frá smáum búum með fáum starfsmönnum upp í stærri rekstrareiningar með tugi starfa .

Ferðin til Írlands gaf þátttakendum skýra mynd af möguleikum sniglaræktar og sýndi að Ísland gæti haft sterka samkeppnisstöðu á þessu sviði. Næstu skref felast í frekari greiningu og stuðningi við þá aðila sem hafa áhuga á að stíga skrefið og byggja upp þessa nýju atvinnugrein á Norðurlandi.

Heima er Bezt

Wed, 18 Mar 2026 13:17:39 GMT

Síðastliðið sumar voru stutt myndbönd tekin upp í öllum sveitarfélögum landshlutans þar sem íbúar voru spurðir að því hvað þeim fyndist best við Norðurland vestra.

Hugmyndin var að beina athygli íbúa að jákvæðum þáttum þess að búa í landshlutanum og auka jákvæðni og bjartsýni - en það er einmitt einn lykiláhersluþáttur Sóknaráætlunar Norðurlands vestra 2025-2029.

Í stuttu máli sagt má segja að útkoman hafi sýnt að íbúum þykir vænt um heimkynni sín og sjái augljósa kosti við búsetuval sitt.

Myndböndunum, sem unnin voru af Skotta Film fyrir SSNV, verður dreift á miðlum samtakanna, bæði heimasíðu og samfélagsmiðlum næstu vikurnar.

Fylgist því vel með.

Færum við öllum viðmælendum bestu þakkir fyrir þátttökuna.

Við kynnum fyrsta til leiks Dagmar Helgu .

Ertu með hugmynd? Krubbur á Húsavík 20. og 21. mars

Thu, 12 Mar 2026 14:34:13 GMT

Hraðið, miðstöð nýsköpunar á Húsavík, stendur fyrir Krubbi dagana 20.–21. mars 2026. Um er að ræða tveggja daga hugmyndasmiðju sem er opin öllum 16 ára og eldri, þar sem unnið er með nýjar hugmyndir, lausnir og skapandi nálganir við raunverulegar áskoranir.

Að þessu sinni er unnið með tvær áskoranir: annars vegar betri bæ fyrir börn og hins vegar opna áskorun , þar sem þátttakendur geta komið með eigin hugmyndir og þróað þær áfram með stuðningi leiðbeinenda og mentora.

Á dagskrá eru meðal annars innblásturserindi, teymisvinna, pitch-þjálfun og kynningar á hugmyndum.

Krubbur er ætlaður öllum sem hafa áhuga á nýsköpun, óháð fyrri reynslu, og þátttaka er án endurgjalds. Áhersla er lögð á hugmyndaauðgi, frumkvæði og að efla færni til að þróa og miðla hugmyndum.

Nánari upplýsingar um dagskrá og skráningu má finna á heimasíðu Hraðsins .

SSNV og SSV kynna skýrslu um línustæði, eignarrétt og endurgjald

Thu, 12 Mar 2026 14:22:37 GMT

Samtök sveitarfélaga á Norðurlandi vestra (SSNV) og Samtök sveitarfélaga á Vesturlandi (SSV) hafa látið vinna samantekt um línustæði raflína, eignarrétt og endurgjald til landeigenda.

Markmið skýrslunnar er að varpa ljósi á hvernig bætur fyrir lagningu raflína eru ákvarðaðar hér á landi og bera það saman við fyrirkomulag í nágrannalöndum Íslands.

Skýrslan var unnin af Torfa Jóhannessyni hjá Nordic Insights og fjallar um lagaumhverfi og framkvæmd á Íslandi, auk samanburðar við Noreg, Danmörku og Svíþjóð, ásamt dæmum frá Sviss og Bretlandi. Í henni er meðal annars skoðað hvernig bætur til landeigenda eru ákveðnar þegar raflínur eru lagðar um einkaland, hvaða leiðir eru farnar til að ná samningum við landeigendur og hvernig mismunandi lönd nálgast samráð og bótagreiðslur.

Í skýrslunni kemur fram að aukin raforkunotkun og uppbygging nýrra orkuframkvæmda, svo sem flutningslína og mögulegra vindorkugarða, kalli á endurskoðun á því hvernig réttindi landeigenda og samfélagslegra hagsmuna er gætt. Áhersla er lögð á að uppbygging flutningskerfa raforku hafi víðtæk áhrif á landnýtingu, landslag og nærsamfélög og því sé mikilvægt að tryggja skýra og sanngjarna umgjörð um bætur og samráð.

Samanburður við önnur lönd sýnir að víða er lögð áhersla á að ná frjálsum samningum við landeigendur áður en gripið er til eignarnáms. Í Danmörku, Noregi og Svíþjóð nást samningar í um 90–95% tilvika, en hlutfallið hefur verið lægra á Íslandi samkvæmt eldri greiningum. Skýrslan bendir einnig á mismunandi nálganir, til dæmis staðlaða samninga, viðbótarálag á bætur eða jafnvel árlegar greiðslur fyrir afnot af landi.

Í lok skýrslunnar eru settar fram hugmyndir sem gætu nýst sem umræðugrundvöllur fyrir áframhaldandi þróun íslensks fyrirkomulags. Þar má meðal annars nefna möguleika á stöðluðum bótaviðmiðum, reglulegri endurskoðun bótagreiðslna, auknu samráði við landeigendur og skoðun á samfélagslegum mótvægisaðgerðum fyrir þau svæði sem verða fyrir áhrifum innviðaframkvæmda.

Skýrslan er liður í því að efla umræðu um réttindi landeigenda, hagsmuni sveitarfélaga og uppbyggingu orkuflutningskerfisins í framtíðinni.

�� Hér má nálgast skýrsluna: Línustæði, eignarréttur og endurgjald

Styrkir til verkefna í þágu farsældar barna

Thu, 12 Mar 2026 14:11:22 GMT

Mennta- og barnamálaráðherra auglýsir eftir umsóknum frá íslenskum félagasamtökum um styrki til verkefna sem styðja við farsæld barna. Um er að ræða einsskiptisstyrki sem ætlað er að efla innleiðingu laga um samþættingu þjónustu í þágu farsældar barna og menntastefnu til ársins 2030.

Styrkirnir geta meðal annars farið til verkefna á sviði menntunar, frístundastarfs, forvarna, samfélagslegrar virkni og stuðnings við börn og fjölskyldur. Almennt er miðað við að styrkfjárhæðir séu allt að 3 milljónir króna, þó í undantekningartilvikum geti styrkir verið hærri.

Sótt er um rafrænt á Mínum síðum á vef Stjórnarráðsins undir mennta- og barnamálaráðuneytinu og þurfa umsóknir að innihalda upplýsingar um verkefnið og framkvæmd þess.

Umsóknarfrestur er til og með 7. apríl 2026 og gert er ráð fyrir að úthlutun liggi fyrir eigi síðar en 15. maí 2026.

Sjá nánar hér

Leitin að Norðansprotanum hafin!

Wed, 11 Mar 2026 09:24:50 GMT

Norðansprotinn er nýsköpunarkeppni þar sem leitað er að áhugaverðustu nýsköpunarhugmyndum Norðurlands.

Keppnin fer fram dagana 15.-22. apríl og lýkur með úrslitum sem haldin verða í Messanum í Drift EA. Landvættir slhf., fjárfestingasjóður í rekstri Axum verðbréfa hf. veitir verðlaunafé upp á 1.000.000 kr.

Norðansprotinn er hluti af nýsköpunarferðalagi Norðurlands sem er ætlað að vera leiðarvísir frumkvöðla frá hugmyndarstigi að fjárfestingu.

Norðansprotinn er samstarfsverkefni SSNE, SSNV, Háskólans á Akureyri, Háskólans á Hólum, Drift EA og Hraðsins með veglegum stuðningi frá Landvættum fjárfestingasjóði.

Fyrirkomulag

Skráningin er opin fyrir öll og það kostar ekkert að taka þátt.
Umsækjendur geta verið einir eða teymi.
Þú skráir þig til leiks með því að fylla út skráningarform hér .
Í kjölfar skráningar færð þú tölvupóst með nánari upplýsingum m.a. um gerð og skil á einblöðungi sem lýsir hugmyndinni nánar.
Í framhaldinu fá 5-8 umsækjendur tækifæri til að kynna hugmyndina sína fyrir dómnefnd og gestum á lokaviðburðinum á Messanum 22. apríl n.k.
Landvættir slhf., fjárfestingasjóður í rekstri AxUM verðbréfa hf., veitir verðlaunafé upp á 1.000.000 kr.

Tónlistarsjóður opnar fyrir umsóknir

Tue, 10 Mar 2026 09:27:33 GMT

Opnað hefur verið fyrir umsóknir í Tónlistarsjóð og er umsóknarfrestur til 15. apríl kl. 15:00 .

Fyrir þau sem hyggjast sækja um býður Tónlistarmiðstöð jafnframt upp á umsóknarsmiðju þriðjudaginn 7. apríl kl. 15–18 , þar sem umsækjendur geta unnið að umsóknum sínum í góðum félagsskap, skipst á hugmyndum og fengið betri innsýn í umsóknarferlið.

Tækifærið getur nýst tónlistarfólki, verkefnastjórum, hátíðahöldurum og öðrum sem standa að fjölbreyttu menningarstarfi á Norðurlandi vestra. Tónlistarsjóður er mikilvægur farvegur fyrir nýsköpun, tónsköpun, tónleikahald, útgáfu og þróun verkefna sem styrkja menningarlíf og skapandi atvinnugreinar, bæði í heimabyggð og víðar.

Hlutverk Tónlistarsjóðs er að efla íslenska tónlist, hljóðritagerð og þróunarstarf í íslenskum tónlistariðnaði, auk þess að styðja við kynningu á íslensku tónlistarfólki og tónsköpun hér á landi og erlendis. Veittir eru styrkir í fimm flokkum: tónlistarstyrkir, flytjendastyrkir, viðskiptastyrkir, markaðsstyrkir og ferðastyrkir.

Umsóknarsmiðjan er hugsuð sem opið og hvetjandi vinnurými fyrir þau sem eru að undirbúa umsókn og getur því verið góður stuðningur fyrir þau sem vilja þróa tónlistarverkefni sín áfram.

Nánari upplýsingar um sjóðinn, umsóknargögn og skráningu í umsóknarsmiðju má nálgast á vef Tónlistarmiðstöðvar sem sinnir úthlutun úr Tónlistarsjóði fyrir hönd Menningar-, nýsköpunar- og háskólaráðuneytis.

Sunnudagur á safni, 15. mars

Fri, 06 Mar 2026 10:08:46 GMT

Verkefnið Sunnudagar á safni, sem er hluti af samstarfi safna hjá SSNV, heldur áfram sunnudaginn 15. mars, en þá færist dagskráin í Skagafjörð.

Markmið verkefnisins er að efla samstarf safna, setra og sýninga á Norðurlandi vestra og bjóða íbúum og gestum upp á sérstaka menningarupplifun yfir vetrartímann, þegar margir þessara staða eru annars lokaðir.

Verkefnið fór vel af stað í Austur-Húnavatnssýslu með opnunum bæði á Skagaströnd og Blönduósi á konudaginn. Nú gefst gott tækifæri til að njóta fjölbreyttrar menningar í landshlutanum okkar og viljum við hvetja sem flesta til að nýta sér þetta tilboð.

Málþing á Hólum um samfélagsleg áhrif viðburða

Thu, 05 Mar 2026 11:22:30 GMT

Nemendur í Viðburðastjórnun við Háskólann á Hólum standa fyrir málþingi þriðjudaginn 17. mars kl. 13:00-16:00, þar sem fjallað verður um samfélagsleg áhrif viðburða.

Á málþinginu verður meðal annars rætt um öryggismál viðburða og mikilvægi þeirra fyrir samfélög og efnahagslíf. Auk þess verður fjallað um sjálfbærni í tengslum í viðburðahald og sértækan viðburð, Landsmót hestamanna, sem fer fram á Hólum næsta sumar.

Fyrirlesarar koma víða að og þar á meðal eru danskir sérfræðingar í sjálfbærni viðburða.

Málþingið er opið öllum og aðgangur ókeypis. Boðið verður upp á beint streymi fyrir þá sem eiga ekki heimangengt.

Nánari upplýsingar og skráningu má finna hér á vefsíðu viðburðarins .

Undirbúningsstyrkurinn Fræ, opið er fyrir umsóknir

Tue, 03 Mar 2026 11:26:00 GMT

Fræ er undirbúningsstyrkur Tækniþróunarsjóðs (Rannís) fyrir einstaklinga sem eru með verkefni á hugmynda- eða frumstigi og vilja taka fyrstu skref í þróun virðisaukandi vöru eða þjónustu. Fyrirtækjum yngri en fimm ára býðst einnig að sækja um Fræ -styrkinn.

Styrkurinn getur numið allt að 2.000.000 kr. og er ætlað að styðja við mótun hugmyndar, frumprófanir og undirbúning næstu skrefa, t.d. með áherslu á vaxtarmöguleika og markaðstækifæri.

Opið er allt árið fyrir umsóknir og verkefni skulu að jafnaði klárast innan 12 mánaða frá úthlutun.

Nánari upplýsingar og umsóknir má finna á heimasíðu Tækniþróunarsjóðs (Rannís).

Opnað fyrir umsóknir í Lóu – nýsköpunarstyrki fyrir landsbyggðina

Mon, 02 Mar 2026 14:21:15 GMT

Umsóknarfrestur um Lóu, nýsköpunarstyrki fyrir landsbyggðina, er til og með 30. mars 2026.

Styrkirnir eru ætlaðir verkefnum sem komin eru af byrjunarstigi, auk verkefna sem styðja við uppbyggingu vistkerfis nýsköpunar og frumkvöðlastarfs á forsendum svæðanna. Nánari upplýsingar og umsóknarform er að finna hér .

Ráðstefna fyrir nemendur í framhaldsskóla 7. mars

Fri, 27 Feb 2026 14:52:47 GMT

Nemendur takast á við öryggi kvenna í Afganistan á Model UN

Þann 7. mars fer fram Model UN þar sem þátttakendur setja sig í spor fulltrúa aðildarríkja Sameinuðu þjóðanna UN og kynnast heimi alþjóðlegrar diplómasíu af eigin raun. Að þessu sinni verður fjallað um öryggi kvenna í Afganistan á vettvangi öryggisráðsins, þar sem þátttakendur takast á við raunveruleg og krefjandi málefni samtímans.

Engin sérstök reynsla er nauðsynleg, það eina sem þarf er áhugi á að læra meira um starfsemi Sameinuðu þjóðanna og alþjóðamál. Þátttakendur fá sent undirbúningsefni og áhugasömum verður boðið á undirbúningsfund til að efla öryggi og færni fyrir umræðurnar.

Model UN býður upp á skemmtilegt og lærdómsríkt tækifæri til að prófa sig áfram í ræðuhaldi, samningaviðræðum og samvinnu. Þátttakendur öðlast betri skilning á því hvernig Sameinuðu þjóðirnar starfa og hvernig ákvarðanir um stærstu mál heims eru teknar.

Jafnframt fá þeir tækifæri til að móta hugmyndir og lausnir sem skipta máli, byggja upp tengslanet og kynnast jafnöldrum úr öðrum skólum.

Þátttaka í Model UN er einstök reynsla sem styrkir nemendur sem framtíðarleiðtoga og getur reynst dýrmæt í námi og starfi.

Við hvetjum unga og áhugasama að skrá sig hér .

Vá ! Ekkert smá !

Fri, 27 Feb 2026 14:34:14 GMT

Málþing um stöðu og framtíð smáframleiðenda 18. apríl 2026 kl. 10:00 til 15:00 í Menningarhúsinu Miðgarði í Skagafirði

Hin mikla gróska, sem hefur verið í röðum smáframleiðenda undanfarin ár, ekki síst á landsbyggðinni, hefur þótt eftirtektarverð. Fjölmargir frumkvöðlar hafa byggt upp áhugaverða framleiðslu, sem að stærstum hluta tengist matvælum, en á heildina litið kennir ýmissa grasa. Eins og stundum vill verða hefur svona kraftmikil vegferð þurft að reka sig á ýmsa veggi í sínu rekstrarumhverfi og áskoranirnar af ýmsu tagi. En tækifærin eru líka mörg og fjölbreytileg.

Með málþinginu langar okkur með góðum gestum að draga upp mynd af stöðunni, en ekki síður að horfa inn í framtíðina og hvaða forsendur séu nauðsynlegar fyrir áframhaldandi grósku.

Dagskrá:

Setning
Sveinbjörg Rut Pétursdóttir, framkvæmdastjóri SSNV
Kveðja frá atvinnuvegaráðherra
Kristín Sigfúsdóttir, stjórnarráðsfulltrúi- Atvinnuvegaráðuneytið
Smáframleiðendur – staðan í dag
Oddný Anna Björnsdóttir, fráfarandi framkvæmdastjóri SSFM
Af vettvangi smáframleiðanda í kjöti
Skúli Þórðarson, eigandi Sláturhússins Refsstað á Vopnafirði
Af vettvangi smáframleiðanda í lífrænu grænmeti
Elínborg Erla Ásgeirsdóttir, grænmetisbóndi og formaður Lífrænt Ísland
Gæði og gögn - þróun gæðastjórnunarlausnar fyrir smáframleiðendur
Sunna Guðlaugsdóttir og Margeir Arndal, frumkvöðlar - IORDEN
Höfum hlutina í lagi
Egill Þorri Steingrímsson Sviðsstjóri samhæfingar – Matvælastofnun

HÁDEGISHLÉ
Og auðvitað fræðsla
Halldór B. Gunnlaugsson, framkvæmdastjóri – Farskólinn á Norðurlandi vestra
Veitingageirinn og smáframleiðendur
Rafn Svansson veitingamaður - NORTH veitingastaður á Akureyri
Smásöluverslun og smáframleiðendur
Gréta María Grétarsdóttir, fyrrum farmkvæmdastjóri Krónunnar og Prís
PALLBORÐ með framsögufólki undir stjórn Hlédísar Sveinsdóttur málþingsstjóra
– spurningar úr sal
Samantekt: Sveinbjörg og Hlédís
Málþingslok

Málþingið er öllum opið en nauðsynlegt er að skrá sig HÉR fyrir föstudaginn 17. apríl n.k.

Athugið að hægt er að bóka hótelgistingu í hjá Hótel Varmahlíð fyrir nóttin 17. til 18. apríl

- tveggja manna herbergi með morgunverði á 22,000 kr nóttin.

- einstaklingsherbergi með morgunverði á 15.500 kr nóttin.

Bókanir í tölvupósti til info@hotelvarmahlid.is

Farsæld barna og ungmenna í brennidepli

Thu, 26 Feb 2026 14:10:01 GMT

Á fyrsta fundi farsældarráðs Norðurlands vestra, sem haldin var 26. febrúar á Harbour á Skagaströnd, komu saman fulltrúar allra sveitarfélaga, þjónustuveitendur og stofnanir sem sitja í ráðinu sem og fulltrúi foreldra. Þetta var stuttur fundur sem markar áframhaldandi skref í átt að aukinni farsæld barna í landshlutunum.

Þau erindi sem voru á fundinum voru m.a. frá Barna- og fjölskyldustofu, frá Íslensku æskulýðsrannsókninni og frá lögregluembættinu á Norðurlandi vestra. Sara Björk, verkefnastjóri farsældarráðs, fjallaði svo um „verkefnið framundan“, hversu mikilvæg samvinna allra á svæðinu sé og að við dettum ekki í fasann „þetta reddast“. Mikilvægt er að hafa í huga hver kostnaðurinn er við að gera ekki neitt.

Víðtækur stuðningur og ábyrgð

BOFS kynnti starfsemi sína og hlutverk í innleiðingu farsældarlaganna. Allar stofnanir og sveitarfélög vinna eftir sameiginlegri handbók og BOFS veitir víðtækan stuðning við þjónustuaðila. Nú þegar eru um 5.000 börn í samþættri þjónustu á landsvísu. Skilaboðin voru skýr: farsældin er raunverulegt verkefni sem krefst samstillts átaks.

Staða barna á svæðinu

Gögn sýna bæði styrkleika og áskoranir. Þátttaka í félagsmiðstöðvum landshlutans er hærri en á landsvísu og því ber að fagna. Einnig er yndislestur meðal barna í 4.-5. bekk hærri en á landsvísu en dvínar með hækkandi aldri. Það upplifa fleiri börn hér í landshlutanum, en á landsvísu, að þau hafi einhvern starfsmann innan skólans sem þau geta leitað til. Hins vegar þekkja börn landshlutans verr til Barnasáttmála sameinuðu þjóðanna.

Þátttaka í íþróttum er góð hjá yngri krökkum en það dregur úr þátttöku með hækkandi aldri. Líðan stúlkna versnar með hækkandi aldri og sjálfsskaði er mun algengari meðal þeirra. Drengir mælast oftar einmana og einelti er heldur algengara meðal þeirra sem eru á miðstigi í skóla.

Áfengisneysla í 10. bekk er hærri en landsmeðaltal, sérstaklega meðal stúlkna og veipnotkun hefur aukist. Stúlkur á Norðurlandi vestra eru einnig að fá í meira mæli beiðnir um nektarmyndir og klámfengin skilaboð miðað við á landsvísu. Einnig eru vísbendingar um að heimilisofbeldi sé vangreint hér á svæðinu og mikilvægt er að efla samfélagið allt á Norðurlandi vestra í að bregðast við.

Sameiginleg ábyrgð og forvarnir

Í umræðum var lögð áhersla á forvarnir, aukið samstarf heimila og skóla og mikilvægi þess að styðja foreldra í uppeldishlutverkinu. Fjárfesting í verkefnum og afþreyingu sem krefst þátttöku barna og ungmenna er fjárhagslega hagkvæmari og árangursríkari en inngrip seinna meir.

Skýr vilji er til staðar um að gera samfélagsmenninguna á svæðinu barnvænni, styrkja þurfi verndandi þætti og bregðast þurfi markvisst við þeim áskorunum sem gögnin sýna.

Svæðisbundið farsældarráð mun halda áfram með aukið samtal og samráð til að móta aðgerðaráætlun til 4 ára fyrir landshlutann með það að markmiði að auka vellíðan, öryggi og tækifæri allra barna og ungmenna á svæðinu.

Fundargerð 137. fundar stjórnar SSNV, 24. febrúar 2026

Tue, 24 Feb 2026 14:31:57 GMT

Hér má nálgast fundargerð á pdf.

Þriðjudaginn 24. febrúar 2026, kom stjórn SSNV saman til fundar á Teams. Hófst fundurinn kl. 9.00.

Dagskrá:

Áhersluverkefni 2026

Afgreiðslur

Áhersluverkefni 2026

Stjórn SSNV auglýsti eftir hugmyndum að áhersluverkefnum fyrir árið 2026. Átta tillögur bárust. Um er að ræða 35 milljónir króna sem koma í hlut Norðurlands vestra til úthlutunar vegna viðauka við Sóknaráætlun frá fyrir árið 2026.

Stjórn samþykkir eftirfarandi verkefni:

2025-13 TextílLab á Blönduósi

2025-15 Fab-Lab smiðjur á Norðurlandi vestra

2026-01 Bæjarhátíðir

2026-02 Hjartað í Húnaþingi

2026-03 Barnamenningarhátíðin Skúnaskrall

2026-04 Fiðringur á Norðurlandi

2026-05 Rekstur rannsóknainnviða - TextílLab

2026-06 Hafnarhúsið Gestamiðstöð

Framkvæmdastjóra falið að senda tillögur að áhersluverkefnum til stýrihóps stjórnarráðsins um byggðamál til samþykktar.

Fleira var ekki tekið fyrir. Fundargerð upplesin og samþykkt. Fundi slitið kl. 9.45.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.

Framúrskarandi verkefni 2025

Tue, 24 Feb 2026 14:17:21 GMT

SSNV kallar eftir tilnefningum til framúrskarandi verkefna á Norðurlandi vestra á árinu 2025.

Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026.

Viðurkenningarnar eru veittar í tveimur flokkum:

Verkefni á sviði atvinnuþróunar og nýsköpunar.
Verkefni á sviði menningar.

Viðurkenningarnar geta fallið í hlut einstaklinga, hópa, félaga, fyrirtækja eða stofnana á Norðurlandi vestra fyrir framlag sitt í ofangreindum flokkum.

Viðurkenningar fyrir framúrskarandi verkefni árið 2019 fengu: Sýndarveruleiki ehf. og Kakalaskáli.

Viðurkenningar fyrir framúrskarandi verkefni árið 2020 fengu: Vörusmiðja Biopol og Handbendi brúðuleikhús.

Viðurkenningar fyrir framúrskarandi verkefni árið 2021 fengu: Brúnastaðir í Fljótum, Maður og kona ehf. og Sögufélag Skagafjarðar.

Viðurkenningar fyrir framúrskarandi verkefni árið 2022 fengu: Austan Vatna og Ós Textíllistamiðstöð.

Viðurkenningar fyrir framúrskarandi verkefni árið 2023 fengu: Kaffibrennslan Korg og Leikflokkur Húnaþings vestra.

Viðurkenningar fyrir framúrskarandi verkefni árið 2024 fengu: FOODSMART, Menningarfélag Húnaþings vestra og Jóhann Daði Gíslason.

Sjá nánar hér .

Tekið er við tilnefningum til miðnættis 10. mars 2025 í gegnum rafrænt skráningarform . Ekki er tekið við tilnefningum með öðrum hætti.

Reglur um viðurkenningarnar er að finna hér .

Hér má finna upplýsingar um verkefni sem hlutu brautargengi úr Uppbyggingarsjóði fyrir árið 2023.

Hvað fær fólk til að vera – og hvað fær það til að snúa heim?

Mon, 23 Feb 2026 14:26:43 GMT

Þann 10. mars fer fram ráðstefnan The Future of Rural Europe: Making migration work for regions in decline, þar sem sjónum verður beint að framtíð dreifðra byggða í Evrópu, fólksflutningum og byggðaþróun.

Ráðstefnan markar lok Horizon Europe-styrkta verkefnisins PREMIUM_EU , sem hefur rannsakað áhrif hreyfanleika fólks á svæðisbundna þróun í Evrópu á tímum mikilla lýðfræðilegra breytinga.

Víða í Evrópu standa dreifbýl og jaðarsvæði frammi fyrir áskorunum vegna fólksfækkunar, öldrunar þjóðar og skorts á vinnuafli. Um leið skapast tækifæri til að móta nýjar leiðir í byggðaþróun með markvissri stefnumótun, samstarfi og gagnadrifnum lausnum.

Á dagskrá ráðstefnunnar eru meðal annars:

pallborðsumræður um hvað fær fólk til að vera áfram, snúa heim eða flytja sig um set, og hvað gerir svæði eftirsóknarverð í dag.
kynningar á nýjustu rannsóknum á lýðfræði og byggðaþróun, ásamt dæmum af svæðum og sjónarhornum innflytjenda.
kynning á Resilient Regions Policy Dashboard , gagnvirku verkfæri sem nýtist til að skoða gögn og þróa stefnumótunarhugmyndir sem taka mið af þörfum einstakra svæða.

Sérfræðingar frá meðal annars Austurríki, Danmörku, Póllandi, Spáni og Eistlandi taka þátt í umræðunum.

Hægt er að skrá sig í streymi og fylgjast með ráðstefnunni í beinni.

Viðfangsefnið á ríkt erindi við umræðu um byggðafestu og jákvæða íbúaþróun hér á landi og tengist vel markmiðum um eflingu aðdráttarafls svæða, fjölbreytt atvinnulíf og sterk samfélög í landsbyggðunum, þar á meðal á Norðurlandi vestra .

End-of-Life Text - Webinar

Mon, 23 Feb 2026 14:21:08 GMT

Vekjum athygli á áhugaverðri vefráðstefnu sem haldin verður 26. febrúar kl: 10:00, um endalok textíls á Norðuratlantshafssvæðinu og á Norðurslóðum!

Áhugavert fyrir alla sem vinna við textíl, söfnun hans og endurvinnslu, sem og frágangs textíls.

Ráðstefnan er hluti af Interreg verkefninu "Threads", sem er samstarfsverkefni stofnana og sveitarfélaga í Finnlandi, Noregi, Svíðþjóð, Írlandi og Íslandi.

Skráning

Ungmenni kalla eftir skýrari hlutverkum og aðkomu í ákvarðanatöku

Fri, 20 Feb 2026 14:54:20 GMT

Ungmenni úr ungmennaráðum víðs vegar af landinu tóku þátt í ráðstefnu ungmennaráða sveitarfélaga í desember síðastliðnum á vegum Sambandsins.

Þar kom augljóslega fram hjá ungmennunum að þau vilja að sveitarstjórnir veiti þeim skýrara hlutverk og raunveruleg áhrif í ákvarðanatöku. Þau lögðu áherslu á mikilvægi aðkomu að stefnumótun í málum sem varða daglegt líf þeirra, svo sem samgöngur, skólamál, frístundir, öryggi í nærumhverfi og aðgengi að þjónustu.

Ungmennin bentu á að víða hefðu ungmennaráð þegar haft jákvæð áhrif, meðal annars með ábendingum um bætta strætóþjónustu, lýsingu í hverfum, umferðaröryggi og endurbætur á leik- og íþróttasvæðum.

Samkvæmt niðurstöðum ráðstefnunnar er vilji ungs fólks sterkur til að vera virkir þátttakendur í stjórnsýslu sveitarfélaga og fá skýrt og viðurkennt hlutverk í ákvarðanatöku.

Rýma þessar niðurstöður við þær sem heyrst hafa á ungmennaþingum SSNV.

Þessu málefni tengt hefur starfsfólk SSNV fundað með fulltrúum sveitarfélaga í landshlutanum sem sinna ungmennamálum og ungmennaráðum. Tilgangur fundanna er að efla samstarf og styðja ungmennaráð í þeirra starfi svo rödd ungs fólks á svæðinu fái meira vægi í stefnumótun innan sveitarfélaganna.

Nánar í frétt á vef Sambandsins .

Opið kall til listafólks á Norðurlandi vestra - Open Call for Artists in Northwest Iceland

Fri, 20 Feb 2026 14:48:12 GMT

Undirbúningur Skúnaskralls, barnamenningarhátíðar á Norðurlandi vestra, er hafinn!

Hátíðin mun fara fram dagana 21. október til 4. nóvember 2026 og þema hátíðarinnar er „ Öll saman “.

Þemað hefur víða skírskotun til íbúa landshlutans, en á hátíðinni verður lögð áhersla á menningartengda samvinnu og samveru og að þátttaka standi öllum börnum, ungmennum og fjölskyldum þeirra til boða.

Óskað er eftir samstarfi við listafólk búsett í landshlutanum til að bjóða upp á listar- og menningarviðburði og/eða vinnustofur fyrir börn og ungmenni á hátíðinni.

Mikilvægt er að þau sem sækja um hafi reynslu af því að vinna með börnum og ungmennum og fyrir þennan aldurshóp.

Umsækjendur eru beðnir um að senda inn vel formaða hugmynd að verkefni, þar sem tilgreina skal:

Aldur þátttakenda
Staðsetningu/staðsetningar
Fjölda barna/ungmenna í hverju verkefni
Lengd verkefnis
Allt annað sem skiptir verkefnið máli.

Miðað er við taxta Listar fyrir alla.

Tekið skal fram að við val á verkefnum verður tekið tillit til aldursdreifingar, dreifingar milli sveitarfélaga og að framboð listgreina verði sem fjölbreyttast. Fjöldi verkefna sem valin verða, ræðst af endanlegu fjármagni sem hátíðin fær.

Umsóknum skal skila til Berglindar Björnsdóttur eigi síðar en 1. júní . Berglind svarar einnig öllum fyrirspurnum varðandi verkefnið; berglind@ssnv.is

Vilt þú taka þátt eða veist af frábærri hugmynd? Sendu upplýsingar fyrir 1. júní!

Endilega deilið áfram.

Open Call for Artists in Northwest Iceland

Preparations for Skúnaskrall, a children's culture festival in Northwest Iceland, have begun!

The festival will take place from October 21st to November 4th 2026, and the theme of the festival is 'All Together.'

The theme broadly references the region's residents, and the festival will emphasize culturally related cooperation and togetherness, and participation being available to all children, youth, and their families.

Collaboration with artists based in the region is hereby requested to offer arts and cultural events and/or workshops for children and youth at the festival.
It is important that applicants have experience working with children and young people in this age group.

Applicants are asked to submit a well-prepared project proposal, specifying:

Age of participants
Location(s)
Number of children/youths in each project
Duration of the project
Any other information relevant to the project.

Payment is based on the List fyrir alla rate.

When selecting projects, age distribution, distribution between municipalities and the art forms offered are as diverse as possible will be considered.

The number of projects that will be selected will depend on the final funding allocated to the festival.

Applications should be submitted to Berglind Björnsdóttir no later than June 1st. Berglind will also answer all questions regarding the project; berglind@ssnv.is

Do you want to participate or know of a great idea? Send information by June 1st

Feel free to share.

Fundargerð 136. fundar stjórnar SSNV, 19. febrúar 2026

Thu, 19 Feb 2026 14:25:29 GMT

Hér má nálgast fundargerð á pdf.

Fimmtudaginn 19. febrúar 2026, kom stjórn SSNV saman til fundar á Blönduósi. Hófst fundurinn kl. 12:30.

Dagskrá:

Línustæði, eignarréttur og endurgjald

Áhersluverkefni 2026

Kveikjan – framhald á umræðum

Framlögð mál til kynningar

Fundargerðir

Umsagnir

Skýrsla framkvæmdastjóra

Afgreiðslur

Línustæði, eignarréttur og endurgjald

Lögð fram til kynningar skýrslan “Línustæði, eignarréttur og endurgjald” sem Torfi Jóhannesson vann fyrir SSNV og SSV. Í samantekt Torfa er leitast við að varpa ljósi á þær leiðir sem nágrannalönd Íslands hafa farið við að greiða landeigendum fyrir notkun lands undir línustæði. Horft er til Danmerkur, Noregs og Svíþjóðar, þar sem lagaumhverfi er sambærilegt og aðgengilegt. Jafnframt er markmiðið að ræða hvernig nýta megi þessa reynslu til að móta skýrari, réttlátari og nútímalegri umgjörð um slíkar greiðslur hér á landi.

Framkvæmdastjóra falið að undirbúa kynningu á skýrslunni í samstarfi við SSV fyrir sveitarfélög á starfssvæðunum.

Áhersluverkefni 2026

Framkvæmdastjóri fer yfir stöðu á áhersluverkefnum sóknaráætlunar fyrir árið 2026. Flest áhersluverkefnin voru samþykkt til tveggja ára, 2025-2026, og hafa hlotið samþykki stýrihóps stjórnarráðs um byggðamál.

Stjórn felur framkvæmdastjóra að vinna drög að verkefnalýsingu vegna eftirfarandi verkefna:

2025-13 TextílLab á Blönduósi

2025-15 Fab-Lab smiðjur á Norðurlandi vestra

2026-01 Bæjarhátíðir

Kveikjan – framhald á umræðum

Framhald á umræðum frá 135. fundi stjórnar SSNV. Guðlaugur Skúlason, starfsmaður SSNV, kemur til fundar á Teams og fer yfir nánari upplýsingar um verkefnið Kveikjuna og stöðu þess.

Stjórn samþykkir að taka ekki þátt í verkefninu á árinu 2026. Framkvæmdastjóra falið að koma bókun áfram á hlutaðeigandi aðila.

Framlögð mál til kynningar

a) Fundargerðir

Stjórn SSH, 2. febrúar 2026. Fundargerðin.

Stýrihópur Stjórnarráðs um byggðamál, 5. janúar 2026. Fundargerðin.

Stjórn SSNE, 5. febrúar 2026. Fundargerðin.

b) Umsagnir

Grænbók um byggðamál. Mál nr. S-22/2025. Umsagnarfrestur er til og með 2. mars 2026.

Drög að frumvarpi til laga um sameiningu Matvælastofnunar, Fiskistofu og Verðlagsstofu skiptaverðs. Mál nr. S-31/2026. Umsagnarfrestur er til og með 20. febrúar 2026.

Framkvæmdastjóra falið að vinna drög að umsögn um Grænbók um byggðamál og drög að frumvarpi til laga um sameiningu Matvælastofnunar, Fiskistofu og Verðlagsstofu skiptaverðs.

Skýrsla framkvæmdastjóra

Skýrsla framkvæmdastjóra flutt munnlega.

Fleira var ekki tekið fyrir. Fundargerð upplesin og samþykkt. Fundi slitið kl. 14.53.

Einar E. Einarsson, Álfhildur Leifsdóttir, Magnús Magnússon, Guðmundur Haukur Jakobsson, Halldór Gunnar Ólafsson og Sveinbjörg Rut Pétursdóttir.

Fundur um Velferð og vá

Wed, 18 Feb 2026 11:21:53 GMT

Í gær, 17. febrúar, stóðu Samtök sveitarfélaga á Norðurlandi vestra og Félagsráðgjafardeild Háskóla Íslands fyrir fundi í Félagsheimilinu á Blönduósi um hlutverk og mikilvægi félagsþjónustu í almannavarnaástandi.

Fundurinn er hluti af verkefninu Velferð og vá, sem leitt er af Guðnýju Björk Eydal prófessor, og snýr að hlutdeild félagsþjónustu sveitarfélaga í skipulagi almannavarna. Á fundinum komu saman fulltrúar félagsþjónustu, lögreglu og sveitarfélaga á Norðurlandi vestra til að ræða niðurstöður rannsóknar og miðla reynslu af viðbrögðum við samfélagslegum áföllum.

Sérstök áhersla var lögð á samspil almannavarna og félagsþjónustu, mikilvægi skýrra verkferla og öflugs samstarfs í þágu íbúa, ekki síst viðkvæmra hópa. Sambærilegir fundir hafa verið haldnir eða verða haldnir í öllum landshlutum og í lok fundaraðarinnar verða niðurstöður þeirra teknar saman í skýrslu með tillögum að úrbótum og næstu skrefum.

Þökkum góðan og upplýsandi fund.

Auglýst eftir umsóknum um listviðburði fyrir skólaárið 2026 - 2027

Wed, 18 Feb 2026 11:17:56 GMT

List fyrir alla auglýsir eftir umsóknum um listviðburði eða verkefni á sviði barnamenningar fyrir grunnskólabörn.

List fyrir alla er barnamenningarverkefni á vegum menningar- nýsköpunar og háskólaráðuneytisins sem ætlað er að miðla listviðburðum til barna og ungmenna um land allt og jafna þannig aðgengi barna á grunnskólaaldri að fjölbreyttum og vönduðum listviðburðum óháð búsetu og efnahag.

Starfandi listamenn svo og stofnanir og aðrir lögaðilar er sinna barnamenningu á einhvern hátt geta sótt um. Umsóknarfrestur er til 22. mars 2026.

Mat á umsóknum

Valnefnd metur umsóknir og gildi þeirra með hliðsjón af því hvernig þær falla að markmiðum verkefnisins List fyrir alla. Listviðburðir og verkefni skulu í öllum tilvikum unnin af metnaði og af fagfólki. Við mat á umsóknum er valnefnd heimilt að leita umsagnar, gerist þess þörf.

Ákvörðun úthlutunar mun liggja fyrir eigi síðar en 29. maí 2026

Umsækjendum er gert að sækja um á rafrænu formi á heimasíðu List fyrir alla undir krækjunni Fréttir, https://listfyriralla.is/

Ný handbók um strategískan skýrleika – öflugt verkfæri fyrir ráðgjöf til frumkvöðla

Mon, 16 Feb 2026 11:28:01 GMT

SSNV kynnir nýja hagnýta handbók fyrir ráðgjafa sem styðja frumkvöðla og lítil og meðalstór fyrirtæki í að skýra stefnu, sannreyna forsendur og hrinda hugmyndum í framkvæmd með markvissum hætti.

Handbókin, „Strategískur skýrleiki“ , er þróuð af Dr. Niall O’Leary við Munster Technological University og unnin í samstarfi við samstarfsaðila í Interreg NPA verkefninu Target Circular – Supporting Sustainable SMEs to Success . SSNV er einn af samstarfsaðilum verkefnisins.

Frá hugmynd að árangri – með skýru ferli

Handbókin byggir á gagnreyndum aðferðum og leiðir ráðgjafa og frumkvöðla í gegnum fimm skref:

Áfangakort (Milestone Map) – skilgreina hvað árangur felur í sér og kortleggja leiðina að honum.
Business Model Canvas – greina hvernig viðskiptahugmyndin virkar í framkvæmd.
Greining lykilforsendna – draga fram hvaða atriði þurfa raunverulega að ganga upp.
Skipulögð staðfesting – prófa það sem skiptir máli áður en tíma og fjármagni er varið.
Framkvæmd og seigla – yfirfæra staðfesta stefnu í daglegar og vikulegar aðgerðir.

Markmiðið er að skapa það sem við köllum strategískan skýrleika: sameiginlegan og skýran skilning á því hvernig árangur lítur út, hvernig honum verður náð og hvaða næstu skref þarf að stíga.

Rannsóknir sýna mælanlegan árangur

Aðferðafræðin byggir á víðtækum rannsóknum sem sýna að markviss leiðsögn með áfangakortum, skipulagðri staðfestingu og framkvæmdaráætlunum getur haft veruleg áhrif á árangur fyrirtækja – meðal annars aukið arðsemi umtalsvert.

Handbókin er hönnuð til notkunar samhliða stafrænu vinnusvæði sem auðveldar sameiginlega vinnu ráðgjafa og frumkvöðla, eykur gagnsæi og styður við eftirfylgni.

Nýtist í atvinnuráðgjöf

Með útgáfu handbókarinnar styrkist enn frekar sú faglega umgjörð sem SSNV bjóða fyrirtækjum og frumkvöðlum á Norðurlandi vestra. Verkfærið styður við markvissa nýsköpun, sjálfbæra uppbyggingu og betri ákvarðanatöku í atvinnulífinu.

�� Handbókina má nálgast hér:
Stefnumótandi skýrleiki – hagnýt handbók fyrir ráðgjafa

Fundargerð 135. fundar stjórnar SSNV, 3. febrúar 2026

Mon, 02 Feb 2026 12:07:36 GMT