Ráðherra flýtir greiðslum til sauðfjárbænda vegna COVID-19

Mynd eftir Amelie Lachapelle af Pexels.com
Mynd eftir Amelie Lachapelle af Pexels.com

Kristján Þór Júlíusson, sjávarútvegs- og landbúnaðarráðherra, hefur undirritað reglugerð sem flýtir stuðningsgreiðslum við sauðfjárrækt um nokkra mánuði. Með því að flýta greiðslunum bregst ráðherra við áhrifum COVID-19 veirunnar á íslenskan landbúnað, en aðgerðin mun sérstaklega nýtast þeim stóra hópi sauðfjárbænda sem stundar aðra starfsemi samhliða búskap, t.d. í ferðaþjónustu, og hafa fundið fyrir miklum áhrifum COVID-19 á greinina.

Kristján Þór Júlíusson, sjávarútvegs- og landbúnaðarráðherra:

„Undanfarnar vikur höfum við í mínu ráðneyti leitað allra leiða til að lágmarka neikvæð áhrif COVID-19 veirunnar á bæði landbúnað og sjávarútveg til lengri og skemmri tíma. Með þessari breytingu erum við að koma sérstaklega til móts við sauðfjárbændur og reyna að milda höggið sem veiran hefur á starfsemi sauðfjárbænda um allt land.“  

 

Sjá nánar á heimasíðu Stjórnarráðsins.