Málastjóri í geðheilsuteymi - Blönduós/Sauðárkrókur

Heilbrigðisstofnun Norðurlands (HSN), auglýsir 50% stöðu málastjóra í geðheilsuteymi HSN með starfstöð á Blönduósi eða Sauðárkróki. Um er að ræða starf í nýju meðferðar- og endurhæfingarteymi sem tekur til starfa haustið 2019. Hlutverk málastjóra er að hafa umsjón með meðferð skjólstæðinga teymisins og vera tengiliður við annað fagfólk í teyminu. Leitað er að geðhjúkrunarfræðingi, hjúkrunarfræðingi eða öðrum heilbrigðisstarfsmanni með reynslu og þekkingu sem nýtist í starfi málastjóra. Næsti yfirmaður er teymisstjóri geðheilsuteymis.

Helstu verkefni og ábyrgð
- Málastjórn og umsjón með málefnum skjólstæðinga teymis
- Utanumhald og eftirfylgd vegna meðferðaráætlana
- Samvinna við aðrar stofnanir
- Samvinna og upplýsingagjöf til heimilislæknis

Hæfnikröfur
- Heilbrigðismenntun sem nýtist í starfi
- Löggilding réttinda til að starfa á Íslandi
- Greinagóð þekking á algengustu geðröskunum
- Reynsla af teymisvinnu
- Þekking á gagnreyndum meðferðarúrræðum við geðröskunum
- Framúrskarandi samskiptahæfileikar og sveigjanleiki í starfi
- Frumkvæði, áhugi og metnaður til að ná árangri
- Ökuleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Geðheilsuteymi HSN er nýtt meðferðartilboð sem tekur til starfa haustið 2019. Geðheilsuteymið er 2. stigs þjónusta sem veitir sérhæfða þjónustu og meðferð vegna geðraskana án innlagna á sjúkrahús. Markhópar þjónustu teymisins eru þeir einstaklingar með geðraskanir sem þurfa meiri þjónustu en hægt er að veita í fyrstu línu heilsugæslunnar en þurfa ekki á þjónustu geðdeildar að halda.

Geðheilsuteymið sinnir öllu Norðurlandi en málastjóri á Blönduósi eða Sauðárkróki mun sinna skjólstæðingum sem eru búsettir í Skagafirði og Húnaþingi eystra. 

Laun við HSN eru samkvæmt gildandi kjarasamningi sem fjármálaráðherra hefur gert við viðkomandi stéttarfélag. Næsti yfirmaður málastjóra er teymisstjóri geðheilsuteymis.

Tekið er á móti rafrænum umsóknum á heimasíðu stofnunarinnar www.hsn.is og einnig er hægt að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. HSN áskilur sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækjendur eru auk þess beðnir um að skila kynningarbréfi með rökstuðningi fyrir hæfi og sýn sinni á starfið.

Tóbaksnotkun og notkun á rafsígarettum er ekki heimiluð innan HSN.

Gildi HSN er: Fagmennska - Samvinna - Virðing.

Starfshlutfall er 50%
Umsóknarfrestur er til og með 08.07.2019

Nánari upplýsingar veitir
Sofia Birgitta Krantz - sofia.birgitta.krantz@hsn.is - 455 4120
Bryndís Lilja Hallsdóttir - bryndis.lilja.hallsdottir@hsn.is - 432 4050

 

Hér er hægt að sækja um starfið