Heilbrigðisstofnun Norðurlands Sauðárkróki, yfirhjúkrunarfræðingur heilsugæslu

Heilbrigðisstofnun Norðurlands Sauðárkróki auglýsir laust starf yfirhjúkrunarfræðings heilsugæslu.
Um er að ræða 100% stöðu (dagvinna) sem veitt er frá 1. október 2019.

Upptökusvæði heilsugæslunnar á Sauðárkróki er Skagafjörður, utan Fljóta. Auk þess þjónar heilsugæslan ferðamönnum og nemum framhaldsskóla í héraðinu. 

Næsti yfirmaður er yfirhjúkrunarfræðingur svæðis á Sauðárkróki.

Helstu verkefni og ábyrgð
- Ber faglega, rekstrarlega og stjórnunarlega ábyrgð
- Skipulagning og stjórnun hjúkrunarþjónustu og þátttaka í klínísku starfi
- Ber ábyrgð á starfsmannahaldi heilsugæslunnar í samvinnu við yfirmann
- Er ábyrgur fyrir gæðaþróun á sínu sviði og í samræmi við stefnu stofnunarinnar
- Tekur þátt í gerð áætlana fyrir heilsugæsluna
- Tekur þátt í þverfaglegu samstarfi, skipulagningu og þróun þjónustu og verkefnum þvert á stofnunina.

Hæfnikröfur
- Fullgilt hjúkrunarpróf og íslenskt starfsleyfi
- Umsækjandi þarf að hafa a.m.k 5 ára starfsreynslu
- Reynsla af heilsugæsluhjúkrun æskileg
- Viðbótarmenntun á sviði heilbrigðisvísinda eða stjórnunar æskileg
- Góð tölvukunnátta æskileg
- Jákvæðni, sveigjanleiki og góð samskiptahæfni
- Frumkvæði og metnaður til að ná árangri

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Með umsókn skal fylgja afrit af prófskírteini, íslenskt hjúkrunarleyfi og náms- og starfsferilskrá.
Öllum umsóknum verður svarað. Áskilinn er réttur til að hafna umsóknum ef einstaklingar uppfylla ekki framangreind skilyrði. 
Sótt er um rafrænt á www.starfatorg.is eða www.hsn.is (laus störf).
Tóbaksnotkun og notkun á rafsígarettum er ekki heimiluð á vinnutíma innan HSN. 

Gildi HSN eru - fagmennska, samvinna, virðing.
Heilbrigðisstofnun Norðurlands tók til starfa þann 1. október 2014 við sameiningu heilbrigðisstofnana á Norðurlandi annarra en Sjúkrahússins á Akureyri og nokkurra hjúkrunar- og dvalarheimila.

Þær heilbrigðisstofnanir sem mynduðu Heilbrigðisstofnun Norðurlands voru eftirfarandi stofnanir:

Heilbrigðisstofnun Þingeyinga, Heilsugæslan á Akureyri, Heilsugæslan á Dalvík, Heilbrigðisstofnunin Fjallabyggð, Heilbrigðisstofnunin Sauðárkróki og Heilbrigðisstofnunin Blönduósi.

Starfsemi Heilbrigðisstofnunar Norðurlands nær því frá Blönduós í vestri til Þórshafnar í austri. Á upptökusvæðinu búa um 35.000 manns og starfsmannafjöldi er rúmlega 530 talsins.

Starfshlutfall er 100%
Umsóknarfrestur er til og með 20.06.2019

Nánari upplýsingar veitir
Herdís Klausen - herdis.klausen@hsn.is - 455 4011
Guðný Friðriksdóttir - gudnyf@hsn.is - 432 4030

 

Smelltu hér til að sækja um starfið.