Loftslagsvænn landbúnaður
26.02.2020
Í febrúar og mars verða haldin heilsdags námskeið í loftslagsvænum landbúnaði víða um land. Þar mun bændum og öðrum landeigendum gefast kostur á að efla þekkingu á loftslagsmálum. Farið verður yfir aðgerðir til að draga úr kolefnisspori landbúnaðarins, með breyttri landnýtingu, ræktun, áburðarnotkun og fóðrun, auk kolefnisbindingar. Kennarar á námskeiðinu koma frá Ráðgjafarmiðstöð landbúnaðarins, Landgræðslunni og Skógræktinni.
Námskeiðsgjaldið verður 12 þúsund á hvern þátttakanda og innifalið er léttur hádegisverður.
Námskeiðin njóta fjárhagslegs stuðnings frá Umhverfis- og auðlindaráðuneytinu, Atvinnuvega og nýsköpunarráðuneytinu og Framleiðnisjóði landbúnaðarins.
Námsskeiðsstaðir eru eftirfarandi:
- 24. febrúar – Hvanneyri (Ásgarður)
- 25. febrúar – Höfn Hornafirði (Nýheimar)
- 26. febrúar – Selfoss (Fjölheimar)
- 26. febrúar – Egilsstaðir (Hótel Valaskjálf)
- 27. febrúar – Tjarnarlundur í Saurbæ
- 4. mars – Eyjafjörður (Hótel Natur, Þórisstöðum)
- 4. mars – Hvolsvöllur (Hvoll)
- 5. mars – Sauðárkrókur (Farskólinn)
- 5. mars – Ísafjörður (Skógræktin (fjarnámskeið))
- 6. mars – Hótel Laugarbakki í V-Hún
- 10. mars – Kópasker (Fjallalamb)
Nánari upplýsingar og skráning á heimasíðu rml.is.