|
Norræni menningarsjóðurinn styrkir norrænt lista- og menningarsamstarf, fagfóks sem leikmanna:
* verkefni fyrir og með börnum og unglingum
* verkefni með áherslu á aukna þekkingu á mismunandi tungumálum Norðurlandanna og þýðingu tungumálsins við að varðveita menningu
* verkefni sem hvetja til þátttöku nýrra Norðurlandabúa í norrænu menningarsamstarfi
* verkefni sem unnin eru á fámennum svæðum á Norðurlöndum
* verkefni sem hvetja til samstarfs á milli vestnorrænu landanna (Færeyja, Grænlands og Íslands) og hinna Norðurlandanna
Umsóknarfrestir 2010
1. Fyrir umsóknir til og með 100.000 DKK eru fimm umsóknarfrestir árið 2010:
Umsóknarfrestur: Afgreiðsla:
1. febrúar Í síðasta lagi 6. apríl
1. mars Í síðasta lagi 6. maí
1. apríl Í síðasta lagi 8. júní
1. september Í síðasta lagi 5. nóvember
1. október Í síðasta lagi 9. desember
2. Fyrir umsóknir hærri en 100.000 DKK eru tveir umsóknarfrestir árið 2010:
Umsóknarfrestur: Afgreiðsla:
1. febrúar 12. maí
1. september 1. desember
Sjóðurinn styrkir ekki verkefni sem þegar eru hafin (áður en sjóðurinn hefur afgreitt umsókn).
Þátttaka ,, nýrra Norðurlandabúa" í norræna menningarstarfinu fær meira vægi árið 2010.
Sjóðurinn metur verkefni sem ,,norrænt" ef að minnsta kosti þrjú norræn lönd/sjálfsstjórnarsvæði vinna að því sem þátttakendur, umsjónaraðilar eða eru þema verkefnisins.
Stjórn sjóðsins ákvað á fundi sínum í Kaupmannahöfn 26. - 27. nóvember sl. að sjóðurinn gæti til reynslu í eitt ár, fellt niður kröfu um þriggja landa samstarf, ef sótt er um styrk til verkefnis sem eflir þátttöku nýrra Norðurlandabua í norræna menningarsamstarfinu. Ákvörðunin þýðir að Norræni menningarsjóðurinn getur, að verkefnamati loknu, veitt styrk innan þessa ákveðna áhersluþáttar til tvíhliða verkefna þ.e.a.s. samstarfsverkefna á milli tveggja landa/svæða.
Heimasíða sjóðsins: www.nordiskkulturfond.org
|