Ársskýrsla SSNV árið 2010 er komin á vefinn. Í skýrslunni er fjallað um helstu þætti í starfsemi SSNV, SSNV atvinnuþróunar, Vaxtarsamnings Norðurlands vestra, Menningarráðs Norðurlands vestra, SSNV málefna fatlaðra og Heilbrigðiseftirlits Norðurlands vestra. Skýrsluna má nálgast hér

Sveitarstjórnarvettvangur EFTA hélt 3. fund sinn í Hamar, Noregi 31. maí-1. júní sl. Vettvangurinn tók til starfa árið 2010 til að gæta hagsmuna sveitarstjórnarstiganna í EES EFTA löndunum gagnvart ESB. Í honum eiga sæti allt að sex kjörnir fulltrúar á sveitarstjórnarstigi frá Noregi og Íslandi. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands. Bjarni Jónsson formaður SSNV á sæti á vettvangnum fyrir Íslands hönd. Nánar um sveitarstjórnarvettvanginn.

Ráðstefna á vegum Markaðsstofu ferðamála á Norðurlandi um ímynd Norðurlands var haldin í Menningarhúsinu Hofi þann 28. febrúar 2011.  Markmið ráðstefnunnar var að skoða, ræða og skilgreina ímynd Norðurlands og kalla eftir nýjum hugmyndum og áherslum í markaðssetningu svæðisins. Alls tóku um 200 manns allsstaðar að af landinu þátt í ráðstefnunni sem samanstóð af fyrirlestrum og vinnuhópum.
 

SSNV atvinnuþróun hefur um nokkurt skeið tekið þátt í undirbúningshópi að verkefni sem lýtur að stofnun klasa um beint millilandaflug til Akureyrar.  Verkefnið ber vinnuheitið Air66 og er samstarfsverkefni Markaðsstofu Ferðamála á Norðurlandi, Iðnaðarráðuneytis, atvinnuþróunarfélaga á Norðurlandi, bæjarstjórnar Akureyrar og fleiri.

Miðvikudaginn 8. júní  kl. 13:00 – 17:00 verður haldin ráðstefnan Landsbyggð tækifæranna - Þekkingar- og fræðastarf á landsbyggðinni á  Grand Hótel, Sigtúni 38, Reykjavík (Háteigur A, 4 hæð).