Fréttir

designoriginalz.com, dianasands.com, dickinfolink.com discount-kitchen-appliances.com disposableproductsco.com


	Stofnun og rekstur fyrirtækja

	Lan og styrkir

	Fundargerðir

	Útgáfur

	Áætlanir ESB 2007-2013

	Fréttir

	Málþing og viðburðir

	Starfsáætlanir

Fréttir

Svanni - lánatryggingarsjóður kvenna auglýsir eftir umsóknum um lánatryggingar
13.3.2012 10:43:31 by Gudrun Kloes

Nú hefur verið opnað fyrir umsóknir um lánatryggingar í Svanna-lánatryggingasjóð kvenna og er umsóknarfrestur til og með 16. apríl. Sótt er um rafrænt á heimasíðunni www.svanni.is en gert er ráð fyrir því að úthluta lánatryggingum eigi síðar en 16.júní.

AVS rannsóknarsjóður í sjávarútvegi auglýsir styrki til umsóknar
10.1.2012 12:58:32 by Jón Óskar Pétursson

AVS rannsóknarsjóður hefur að markmiði að styrkja verkefni sem stuðla að auknu verðmæti íslensks sjávarfangs og styrkja samkeppnisstöðu íslensks sjávarútvegs og fiskeldis. Sjóðurinn auglýsir eftur umsóknum með framangreint að markmiði. Umsóknarfrestur er til 1. febrúar 2012. Sjá nánar hér.

Auglýsing AVS 2012

Hvatningarverðlaun SSNV - atvinnuþróunar árið 2011 til verslunarinnar Hlíðarkaupa á Sauðárkróki.
17.11.2011 21:15:00 by Jón Óskar Pétursson

Stjórn Samtaka sveitarfélaga á Norðurlandi vestra (SSNV) veitir árlega hvatningarverðlaun til fyrirtækis á starfssvæði samtakanna. Hvatningarverðlaun SSNV – atvinnuþróunar hafa verið veitt frá árinu 1999 og eru þau í senn hvatning til áframhaldandi starfsemi og viðurkenning fyrir góðan árangur. Markmið verðlaunanna er að hvetja til nýsköpunar og þróunar og vekja athygli á því sem vel er gert á Norðurlandi vestra.

Að þessu sinni er það verslunin Hlíðarkaup á Sauðárkróki sem hlýtur verðlaunin vegna þess dugnaðar og framsýni sem eigendur hafa sýnt við uppbyggingu fyrirtækisins.

Dagur atvinnulífsins á Norðurlandi vestra 17. nóvember 2011
16.11.2011 11:21:00 by Jón Óskar Pétursson

Í þriðja sinn stendur SSNV fyrir árlegum Degi atvinnulífsins á Norðurlandi vestra sem haldinn verður á Kaffi Krók á Sauðárkróki fimmtudaginn 17. nóvember 2011. Að þessu sinni verður Dagur atvinnulífsins haldinn í Alþjóðlegri athafnaviku sem stendur yfir frá 14. – 20. nóvember nk.
Degi atvinnulífsins er ætlað að skapa vettvang til kynningar á starfsemi sem fram fer á svæðinu og umræðu um atvinnumál. Dagskránni lýkur með afhendingu Hvatningarverðlauna SSNV. Að þessu sinni verður sjónum beint að fjölbreyttu atvinnulífi í Skagafirði.

Vaxtarsamningur Norðurlands vestra endurnýjaður
2.11.2011 13:15:00 by Jón Óskar Pétursson

SSNV og Iðnaðarráðuneytið hafa gengið frá hefur verið frá endurnýjun Vaxtarsamnings Norðurlands vestra og er gildistími samningsins árin 2011-2013. Bjarni Jónsson formaður SSNV og Katrín Júlíusdóttir Iðnaðarráðherra undirirrituðu samninginn í Reykjavík þann 1. nóvember 2011.

Verkefnið um Huggulegt haust senn að renna sitt skeið
13.10.2011 14:24:00 by Gudrun Kloes

Að undanförnu hefur staðið yfir kynningarátak á Norðurlandi vestra undir nafninu „Huggulegt haust“. Markmiðið með verkefninu er að lengja hefðbundið ferðamannatímabil og draga fram þá fjölmörgu kosti sem ferðafólk getur nýtt sér á svæðinu, utan háannatíma.

Söguleg safnahelgi á Norðurlandi vestra
3.10.2011 13:44:00 by Stefán Haraldsson

Söfn og setur á Norðurlandi vestra hafa tekið höndum saman um að bjóða upp á sérstaka safna- og setrahelgi 8. – 9. október nk. í tengslum við verkefnið „Huggulegt haust“.

Það verður opið hús og sérstök dagskrá hjá fjölmörgum söfnum og setrum á Hvammstanga, Laugarbakka, Blönduósi, Skagaströnd og í Skagafirði. Glæsilegir vinningar eru í boði fyrir heppna gesti: Allir sem heimsækja að minnsta kosti 4 söfn lenda í lukkupotti og geta unnið.

Verkefnið er styrkt af Menningaráði Norðurlands vestra. Meiri upplýsingar og dagskrá má finna á vefsíðunni www.huggulegthaust.is.

Efling verslunar í dreyfbýli
21.9.2011 15:57:00 by Jón Óskar Pétursson

Boðað er til fjölþjóðlegrar ráðstefnu þar sem fjallað verður um úrræði til að efla litlar verslanir á landsbyggðinni. Ráðstefnan verður haldin á Húsavík 8. nóvember næstkomandi í fundarsal Framsýnar, Garðarsbraut 26. Á ráðstefnunni verða kynntar niðurstöður þriggja ára samstarfsverkefnis um málefni dreifbýlisverslana sjö þjóða á norðurslóðum (Íslands, Finnlands, Noregs, Færeyja, Norður-Írlands, Írlands og Skotlands).

Styrkir á vegum Iðnaðarráðuneytis og Nýsköpunarmiðstöðvar
15.8.2011 11:39:00 by Gudrun Kloes

Iðnaðarráðuneytið auglýsir eftir umsóknum um styrki. Umsóknarfrestur er til og með 22. sept. n.k.

Sjá nánar hér: http://www.nmi.is/impra/styrkir-og-studningsverkefni/atak-til-atvinnuskopunar/

Bent er á að starfsmenn SSNV atvinnuþróunar aðstoða við gerð umsókna sé þess óskast.

Ímynd Norðurlands - kyrrð, orka og töfrar
14.6.2011 13:11:00 by Jón Óskar Pétursson

Ráðstefna á vegum Markaðsstofu ferðamála á Norðurlandi um ímynd Norðurlands var haldin í Menningarhúsinu Hofi þann 28. febrúar 2011. Markmið ráðstefnunnar var að skoða, ræða og skilgreina ímynd Norðurlands og kalla eftir nýjum hugmyndum og áherslum í markaðssetningu svæðisins. Alls tóku um 200 manns allsstaðar að af landinu þátt í ráðstefnunni sem samanstóð af fyrirlestrum og vinnuhópum.

Millilandaflug til Norðurlands - undirbúningshópur fundar á Akureyri
10.6.2011 10:22:00 by Gudrun Kloes

SSNV atvinnuþróun hefur um nokkurt skeið tekið þátt í undirbúningshópi að verkefni sem lýtur að stofnun klasa um beint millilandaflug til Akureyrar. Verkefnið ber vinnuheitið Air66 og er samstarfsverkefni Markaðsstofu Ferðamála á Norðurlandi, Iðnaðarráðuneytis, atvinnuþróunarfélaga á Norðurlandi, bæjarstjórnar Akureyrar og fleiri.

Gistinóttum fjölgaði mest á höfuðborgarsvæðinu og Norðurlandi vestra
28.3.2011 12:53:00 by Katrín María Andrésdóttir

Hagstofa Íslands hefur nú gefið út skýrslur um gistinætur 2010.

Meðal þess er fram kemur í skýrslunni er að gistinóttum fjölgaði lítt milli áranna 2009 og 2010. Virðist þar mestu muna um verulega fækkun gistinátta á Suðurlandi vegna eldgossins í Eyjafjallajökli. Gistinóttum fækkaði einnig lítillega á Vestfjörðum og Vesturlandi.

Ánægjulegt er þó að gistináttum fjölgaði í öðrum landshlutum, mest á höfðuðborgarsvæðinu og Norðurlandi vestra.

Skýrsluna í heild má nálgst á vef Hagstofu Íslands: http://www.hagstofa.is/Pages/95?NewsID=5680

Verkefnið um Huggulegt haust komið á fullt skrið
25.3.2011 14:06:00 by Gudrun Kloes

Verkefninu Huggulegt haust var hrint af stað í október 2010, með það að markmiði að efla umræðu um lengingu ferðamannatímabilsins á Norðurlandi vestra til 15. okt.

Meginmarkmið verkefnis eru:

· Lengja ferðamannatímabilið til 15. október

· Skapa skilyrði til verkefnisbundins samstarfs í ferðaþjónustugeira

· Fjölga störfum og bæta arðsemi af ferðaþjónustu á Norðurlandi vestra

· Kynna Norðurland vestra sem eina heild með áherslu á ánægju gesta og nánd við lítt þekkta náttúru og menningu heimamanna

Undirbúningsfundir SSNV atvinnuþróunar með ferðaþjónustuaðilum og fulltrúum ferðaþjónustusamtaka hafa verið haldnir í öllum sýslum Norðurlands vestra til skiptis. Þessum undirbúningi er nú lokið. Af því tilefni hefur spurningalisti verið sendur öllum ferðaþjónustuaðilum á Norðurlandi vestra til þess að kanna viðhorf hagsmunaaðila til verkefnisins.

Nú tekur við vinnuhópur samansettur af aðilum í greininni og atvinnuráðgjöfum SSNV. Hlutverk vinnuhópsins er að leggja lokahönd á undirbúning verkefnisins og kynna það fyrir almenningi. Kynningaráætlun hefur verið unnin af hagmunaaðilum. Stefnt er að kynningu Huggulegs hausts í maí á sýningu „Íslandsperlur“ í Perlunni, sem og útgáfu kynningarefnis. Kynningar munu m.a. fara fram í samstarfi við Markaðsstofu ferðamála á Norðurlandi.

Atvinnusköpun í sjávarbyggðum
16.3.2011 13:34:00 by Jón Óskar Pétursson

Iðnaðarráðuneyti í samstarfi við Nýsköpunarmiðstöð Íslands auglýsir eftir umsóknum í styrki til verkefnisins Atvinnusköpun í sjávarbyggðum. sem byggja á tekjum af sölu aflaheimilda fiskveiðiárin 2009/2010 og 2010/2011 til að veiða skötusel og til frístundaveiða, sbr. lög um stjórn fiskveiða

Framleiðnisjóður landbúnaðarins. Umsóknafrestur til 25. mars nk.
16.2.2011 13:24:00 by Katrín María Andrésdóttir

Verulegur niðurskurður hefur orðið á framlögum til Framleiðnisjóðs landbúnaðarins skv. fjárlögum 2011. Í kjölfar þess hefur stjórn sjóðsins ákveðið að umsóknarfrestir á árinu 2011 verði tveir:

Fyrri til 25. mars nk. (póststimpill gildir).

Seinni til 21. september nk. (póststimpill gildir).

Stefnt er að því að ljúka afgreiðslu umsókna í apríl og október.

Loftlagsbreytingar á norðurslóðum - fyrirlestur Dr. Robert W. Corell
16.2.2011 13:21:00 by Katrín María Andrésdóttir

Þriðjudaginn 15. febrúar sl. stóðu Rannís og Alþjóðamálastofnun Háskóla Íslands fyrir opnum fundi með Dr. Robert W. Corell sem hefur rannsakað áhrif loftslagsbreytingar á norðurslóðum. Fyrirlestur sinn nefndi Dr. Corell ,,Hraðfara breytingar á norðurslóðum og þýðing þeirra fyrir stjórnkerfi á heimsvísu." Glærur og hljóðupptökur af fyrirlestrinum má nálgast á vefslóð Rannís:

http://www.rannis.is/forsida/frettir/nr/2353/

Þróunarfjárframlag til hrossaræktar - umsóknarfrestur til 15. febrúar nk.
1.2.2011 12:04:00 by Katrín María Andrésdóttir

Sjávarútvegs- og landbúnaðarráðuneytið auglýsir hér með eftir umsóknum um styrki úr þróunarfjárframlagi til hrossaræktar.

Umsóknarfrestur er til 15. febrúar nk.

Orkusjóður auglýsir styrki til rannsókna - umsóknarfrestur til 1. mars nk.
19.1.2011 09:38:00 by Katrín María Andrésdóttir

Orkusjóður auglýsir rannsóknarstyrki 2011.

Umsóknarfrestur er til 1. mars nk.

Nánari upplýsingar má sjá á vefsíðu Orkusjóðs: http://os.is/media/orkusjodur/Rannsolnarstyrkir-2011-auglysing.pdf

Rannsókn á dreifbýlisverslun á Íslandi
19.1.2011 09:25:00 by Katrín María Andrésdóttir

SSNV Atvinnuþróun tekur um þessar mundir þátt í alþjóðlegu verkefni sem lýtur að stuðningi við verslanir í dreifbýli. Forgöngu um verkefnið hérlendis hefur Rannsóknarsetur verslunarinnar en aðrir innlendir þátttakendur eru Atvinnuþróunarfélag Þingeyinga, Atvinnuþróunarfélag Vestfjarða og Byggðastofnun.

Þá taka fjölmargir eigendur og stjórnendur dreifbýlisverslana, þátt og mun hópurinn hittast með reglubundnum hætti næsta árið. Fyrsta sameiginlega vinnuhelgi hópsins var um síðastliðna helgi og heppnaðist vel.

Hluti verkefnisins felst í rannsóknarvinnu og hafa nú verið kynntar niðurstöður rannsóknar um neytendahegðun - Dreifbýlisverslun á Íslandi.

Í skýrslunni eru kynntar niðurstöður varðandi aðstæður og viðhorf íbúa til versunar í heimabyggð sem Rannsóknasetur verslunarinnar framkvæmdi og Kaupmannasamtök Íslands styrktu.

Tilgangur rannsóknarinnar var að greina hvaða leiðir væru helst færar til að styrkja stöðu dreifbýlisverslana á Íslandi. Tekin voru viðtöl við verslunareigendur, greining var gerð á viðhorfum íbúa til verslunar í heimabyggð, rætt var við fulltrúa fyrirtækja sem sækja þjónustu til verslana á landsbyggðinni og talað við sveitarstjórnarmenn um leiðir til úrbóta.

Unnt er að nálgast skýrslu með niðurstöðum rannsóknarinnar á vefsíðu Rannsóknarseturs verslunarinnar: http://rsv.is/nr/111682/

Þar má einnig sjá umfjöllun Ríkissjónvarpsins um verkefnið, frá föstudeginum 14. janúar

http://dagskra.ruv.is/sjonvarpid/4547223/2011/01/14/10/

Styrkir til atvinnumála kvenna
14.1.2011 15:10:00 by Jón Óskar Pétursson

Þann 15.janúar var opnað fyrir umsóknir um styrki til atvinnumála kvenna.
Ráðherra velferðarmála veitir styrkina, sem veittir hafa verið ár hvert síðan 1991, en umsjón með styrkveitingum hefur ráðgjafi Vinnumálastofnunar á Sauðárkróki.
Konur sem hafa góðar viðskiptahugmyndir eða reka fyrirtæki og eru að þróa nýjar vörur eða þjónustu, geta sótt um styrki sem geta numið allt að 2 milljónum króna.

AVS auglýsir eftir umsóknum
11.1.2011 15:41:00 by Katrín María Andrésdóttir

AVS auglýsir eftir umsóknum, en framundan er áttunda starfsár sjóðsins. Vakin er sérstök athygli á því að nú gefst umsækjendum færi á að sækja um í nýjan flokk verkefna, atvinnuþróun og nýsköpun í sjávarbyggðum landsins, auk hefðbundinna verkefna.

Niðurstöður málþings um Hveravelli
7.12.2010 09:46:00 by Stefán Haraldsson

Laugardaginn 23. október 2010 var haldið opið málþing um Hveravelli í Félagsheimilinu Húnaveri, Húnavatnshreppi. Fundarboðendur voru: Hveravallafélagið ehf., Húnavatnshreppur, Samtök sveitarfélaga á Norðurlandi vestra og Vaxtarsamningur Norðurlands vestra. Um 40 manns sóttu málþingið sem var kynnt með tölvupóstum, auglýsingum á netmiðlum og í útvarpi.

Samantekt yfir málþingið og niðurstöður hópavinnu liggja nú fyrir og er að finna í heild á vef SSNV.

Leiðarstef þingsins var þróun heilsársstarfsemi á Hveravöllum í átt til sjálfbærrar framtíðar með umhverfis- og náttúruvernd að leiðarljósi.

Hveravellir eru friðlýst svæði skv. náttúruverndarlögum. Talið er að um 20-30 þúsund manns sæki staðinn heim árlega og við blasir að álagið á ýmsa lykilþætti er umfram þolmörk. Hveravellir tilheyra Húnavatnshreppi og sér Hveravallafélagið ehf. um rekstur svæðisins en það félag er nær alfarið í eigu sveitarfélagsins.

Mörg úrlausnarefni steðja að starfseminni á Hveravöllum; húsnæði er lítið og gamalt og þar með aðstaða til veitingarekstrar og gistingar, ekkert neysluhæft vatn er til staðar, rafmagn er framleitt með dísilvélum með tilheyrandi kostnaði, salernisaðstaða er ófullnægjandi, sorpmagn er verulegt og þarf að flytja til byggða, aðgengi og verndun hverasvæðisins er ábótavant, tjaldstæði er of lítið, óviðunandi aðstaða er fyrir landverði og annað starfsfólk og fjármagn til úrbóta er af skornum skammti.

Opinn fundur SA um atvinnumálin á Sauðárkróki 10. desember kl. 12
1.12.2010 08:39:00 by Stefán Haraldsson

Fundaröð Samtaka atvinnulífsins um stöðu atvinnumála og vinnumarkaðinn heldur áfram föstudaginn 10. desember á Sauðárkróki. Fundurinn fer fram á Hótel Mælifelli kl. 12 - 14. Vilmundur Jósefsson, formaður SA og Vilhjálmur Egilsson, framkvæmdastjóri SA munu ræða um stöðuna í atvinnulífinu, komandi kjarasamninga og svara fyrirspurnum. Stjórnendur og forsvarsmenn fyrirtækja, stórra sem smárra, eru hvattir til að mæta og taka þátt ásamt öllu áhugafólki um uppbyggingu atvinnulífsins.

Nánari upplýsingar og skráning þáttöku er á vef Samtaka atvinnulífsins.

Styrkir til úrbóta á ferðamannastöðum
17.11.2010 15:44:00 by Jón Óskar Pétursson

Ferðamálastofa auglýsir styrki til úrbóta í umhverfismálum fyrir árið 2011. Sérstök áhersla verður lögð á öryggismál á ferðamannastöðum, verkefni þar sem heildrænt skipulag og langtímamarkmið eru höfð að leiðarljósi og aðgengi fyrir alla.

Umsóknarfrestur er til og með 20. desember 2010

Dagur atvinnulífsins kominn til að vera
12.11.2010 13:53:00 by Stefán Haraldsson

Dagur atvinnulífsins á Norðurlandi vestra var haldinn miðvikudaginn 10. nóvember síðastliðinn í Félagsheimilinu Ásbyrgi á Laugabakka í Miðfirði. Þetta er annað árið sem Samtök sveitarfélaga halda þennan viðburð, þar sem boðið er uppá fjölbreytta dagskrá fyrir alla sem hafa áhuga á framgangi og þróun atvinnulífsins á svæðinu. Jafnframt eru á degi atvinnulífsins afhent hvatningarverðlaun SSNV, sem hafa verið við lýði síðan 1999. Þau eru veitt fyrirtæki sem telst hafa sýnt góðan árangur í nýsköpun, þróun og/eða rekstri og eru jafnframt hvatning til áframhaldandi starfsemi. Fyrirtæki sem tilnefnd eru til hvatningarverðlaunanna kynna starfsemi sína og framleiðslu á staðnum samhliða öðrum dagskrárliðum, bæði með vöruútstillingum og frásögnum.

Taumlaus gleði á degi atvinnulífsins

Hvatningarverðlaunin komu að þessu sinni í hlut Ferðaþjónustunnar á Brekkulæk í Miðfirði vegna þess frumkvæðis og framsýni sem eigendur hafa sýnt við uppbyggingur fyrirtækisins.

Meðal gestafyrirlesara að þessu sinni voru Þóranna Jónsdóttir framkvæmdastjóri hjá Auði Capital sem kynnti þá möguleika sem fyrirtækið býður uppá í fjármögnum atvinnustarfsemi, og svo úr allt annarri átt: Edda Björgvinsdóttir hélt áhugaverðan og afar skemmtilegan fyrirlestur um húmor í stjórnun með virkri þáttöku áheyrenda.

Dagurinn heppnaðist í alla staði vel undir öruggri stjórn Gudrunar Kloes atvinnuráðgjafa sem átti veg og vanda af undirbúningi hans.

StH

Hvatningarverðlaun SSNV atvinnuþróunar til Ferðaþjónustunnar á Brekkulæk í Miðfirði
10.11.2010 17:27:00 by Jón Óskar Pétursson

Stjórn Samtaka sveitarfélaga á Norðurlandi vestra (SSNV) veitir árlega hvatningarverðlaun til fyrirtækis á starfssvæði samtakanna. Hvatningarverðlaun SSNV – atvinnuþróunar hafa verið veitt frá árinu 1999 og eru þau í senn hvatning til áframhaldandi starfsemi og viðurkenning fyrir góðan árangur. Markmið verðlaunanna er að hvetja til nýsköpunar og þróunar og vekja athygli á því sem vel er gert á Norðurlandi vestra. Að þessu sinni er það Ferðaþjónustan á Brekkulæk í Miðfirði sem hlýtur verðlaunin vegna þess frumkvæðis og framsýni sem eigendur hafa sýnt við uppbyggingu fyrirtækisins.

Kannt þú að lesa ársreikninga??
9.11.2010 21:13:00 by Jón Óskar Pétursson

Í tilefni af Alþjóðlegu athafnavikunni 14.- 20 nóvember n.k bjóða Farskólinn - miðstöð símenntunar á Norðurlandi vestra, SSNV og Vinnumálastofnun á Norðurlandi vestra til námskeiðs í lestri ársreikninga. Námskeiðið verður haldið í Farskólanum - miðstöð símenntunar, Faxatorgi 1, Sauðárkróki þriðjudaginn 16. nóvember kl. 18:00 - 21:00 og verður fjarkennt til Skagastrandar, Blönduóss og Hvammstanga ef áhugi er fyrir þátttöku á þeim stöðum.

Leiðbeinandi er Birgir Þ. Rafnsson.

Krásir-fræðslu og þróunarverkefni í svæðisbundinni matargerð
9.11.2010 21:06:00 by Jón Óskar Pétursson

Impra á Nýsköpunarmiðstöð og Ferðamálastofa óska eftir umsóknum um þátttöku í verkefninu Krásir sem er fræðslu og þróunarverkefni í svæðisbundinni matargerð. Í verkefnin verður boðið upp á fræðslu auk faglegs og fjárhagslegs stuðnings við þróun og sölu matvæla.

Dagur atvinnulífsins í annað sinn 10. nóv. n.k.
29.10.2010 13:30:00 by Gudrun Kloes

Dagur atvinnulífsins er haldinn í annað sinn 10. nóv. n.k., í Félagsheimilinu Ásbyrgi á Laugarbakka í Miðfirði. Afhending Hvatningaverðlauna SSNV, fyrirlestrar, kynningar og fræðsla eru á dagskrá, auk þess sem leynigestur mun koma fram. Veitingar í boði á vegum SSNV. Dagskráin er öllum opin. Hún er sem hér segir:

Samnorrænir styrkjamöguleikar - kynnningarfundir
22.10.2010 08:59:00 by Jón Óskar Pétursson

Í tengslum við þing Norðurlandaráðs 2.-4. nóvember verða haldnir kynningafundir um samnorræna styrkjamöguleika á nokkrum sviðum. Margar samnorrænar stofnanir senda fulltrúa á þingið, og var tækifærið nýtt til þess að vera með sameiginlegar kynningar á þeim stofnunum sem veita mestu fé í styrki. Fundirnir eru skipulagðir af því átaksverkefni sem undirritaður heldur utan um og haldnir í samvinnu við Norræna húsið. Fundirnir verða þrír og eru þemaskiptir:

Skýrsla SSNV um viðhorfskönnun á Hveravöllum 2009
2.9.2010 11:05:00 by Stefán Haraldsson

Skýrsla SSNV um viðhorfskönnun á Hveravöllum sumarið 2009 er nú aðgengileg á vef SSNV.

Atvinnuþróun Samtaka sveitarfélaga á Norðurlandi vestra (SSNV), í samstarfi við Vaxtarsamning Norðurlands vestra, ásamt starfsfólki Hveravallafélagsins, framkvæmdi sumarið 2009 spurningakönnun meðal ferðafólks á Hveravöllum um þjónustuna sem þar er veitt og viðhorf til þess hvaða þjónusta ætti að vera til staðar.

Tilgangurinn með gerð könnunarinnar var að undirbyggja gerð rekstrar- og framkvæmdaáætlana með hliðsjón af þörfum og óskum ferðamannanna sem staðinn sækja heim. Framlag SSNV við gerð könnunarinnar var hluti af styrkveitingu Vaxtarsamnings Norðurlands vestra til Hveravallafélagsins og samstarfsaðila þess árið 2009.

Ferðastyrkir Nordic Association of Agricultural Scientists
20.6.2010 12:04:00 by Katrín María Andrésdóttir

Bændablaðið greinir frá því að Íslandsdeild NJF (Nordic Association of Agricultural Scientists) auglýsi nú eftir ferðastyrkjum.

Úthlutað er 4-6 ferðastyrkjum á hverju ári til félagsmanna sem hyggjast sækja námskeið á vegum samtakanna. Styrkupphæðin er kr. 100.000. Námskeið NJF spanna öll svið landbúnaðar, garðyrkju, umhverfisskipulags og hagfræði. Opinbert tungumál er enska.

Nánari upplýsingar má fá á vefsíðunni: http://www.njf.nu

Starfsmenntaráð auglýsir eftir umsóknum um styrki vegna starfsmenntunar
10.6.2010 13:01:00 by Gudrun Kloes

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu. Til úthlutunar eru 55 milljónir króna. Eingöngu er tekið við umsóknum á rafrænu formi.
Umsóknir falli í annan hvorn flokkinn:
Flokkur A
Fræðsluverkefni sem stuðla að atvinnusköpun og fela í sér nýsköpun og þróun. Kostur er að um samstarf ólíkra aðila sé að ræða, t.d. frumkvöðla, framleiðenda og seljenda. Umsækjendur geta verið samstarfsklasar, félög og fyrirtæki og aðrir sem stunda sprotastarf.
Flokkur B
Þróunarverkefni á sviði fræðslu, ráðgjafar eða þjálfunar sem miða að því að vinna gegn neikvæðum áhrifum breytinga í kjölfar efnahagskreppu s.s. vegna breytinga á störfum, stöðu einstaklinga á vinnumarkaði og á starfsemi fyrirtækja og stofnana. Niðurstöður verkefna verða að hafa almenna skírskotun og geta yfirfærst á önnur svið.

Gerð er krafa um samstarf við samtök atvinnurekenda og launafólks við gerð og framkvæmd viðkomandi verkefnis. Áhersla er lögð á að verkefni sem sótt er um styrk til séu vel undirbúin og umsóknir vandaðar.

Umsóknarfrestur er til 15. ágúst 2010.

Nánari upplýsingar eru á heimasíðu Starfsmenntaráðs www.starfsmenntarad.is

30 milljónir í fjölbreytt verkefni kvenna
20.4.2010 13:17:00 by Gudrun Kloes

Þann 26.mars síðastliðinn úthlutaði Árni Páll Árnason, félags- og tryggingamálaráðherra 30. milljónum í styrki til atvinnumála kvenna í Hugmyndahúsi háskólanna. 55 styrkhafar hlutu styrki að þessu sinni en umsóknir voru 308 og hafa aldrei verið fleiri. Styrkir til atvinnumála kvenna hafa verið veittir frá árinu 1991 og á hverju ári hafa um 25 milljónum verið úthlutað.

Hæstu styrki að þessu sinni eða 2 milljónir hlutu Árla ehf til vöruþróunar og markaðssetningar á morgunkorni og KOLKA – til vöruþróunar og markaðssetningar á vörum sínum en fyrirtækið sérhæfir sig í viðskiptum tengdum kolefnisráðgjöf.

Fræðasetur Háskóla Íslands á Norðurlandi vestra boðar til málþings
12.4.2010 15:00:00 by Stefán Haraldsson

Laugardaginn 24. apríl 2010 kl. 10:00 býður Fræðasetur Háskóla Íslands á Norðurlandi vestra öllum áhugamönnum um sögu og samfélagsmál til síns fyrsta málþings

Í tilefni af því að 150 ár eru liðin frá fæðingu Valtýs Guðmundssonar á Skagaströnd eru Sveitarfélagið Skagaströnd og bókaútgáfan Urður þátttakendur í málþinginu

Nokkur brot úr sögu samskipta Íslands við erlend ríki

Til upprifjunar fyrir pólitíska umræðu

Málþingið er haldið í tengslum við formlega stofnun Fræðaseturs Háskóla Íslands á Norðurlandi vestra föstudaginn 23. apríl. Um leið opnar Biopol sjávarlíftæknisetur nýjar rannsóknarstofur og haft verður opið hús í Nesi Listamiðstöð og Árnesi, elsta húsi bæjarins.

Málþingi um Hveravelli 9. apríl hefur verið frestað
25.3.2010 13:47:00 by Stefán Haraldsson

Málþinginu um Hveravelli sem átti að vera þann 9. apríl næstkomandi hefur verið frestað af óviðráðanlegum orsökum.

Krásir-matur úr héraði, umsóknarfrestur til 18. mars 2010
5.3.2010 11:16:00 by Katrín María Andrésdóttir

Impra á Nýsköpunarmiðstöð og Ferðamálastofa óska eftir umsóknum um þátttöku í verkefninu Krásir sem er fræðslu- og þróunarverkefni í svæðisbundinni matargerð. Í verkefninu verður boðið upp á fræðslu auk faglegs og fjárhagslegs stuðnings við þróun og sölu matvæla.

Þátttaka í verkefninu er opin einstaklingum og litlum fyrirtækjum á landsbyggðinni eða samstarfshópum einstaklinga og lítilla fyrirtækja sem óska eftir að vinna saman við þróun á matvörum. Matvörurnar þurfa að vera ákveðin nýjung, en hafa um leið sterka skírskotun til viðkomandi svæða eða menningar. Verkefnin þurfa einnig að vera í sterkum tengslum við ferðaþjónustu, t.d. með sölu beint til ferðamanna, á sveitahótelum, gististöðum eða í veitingahúsum á landsbyggðinni. Umsóknarfrestur er til 18. mars 2010.

Rafrænt umsóknareyðublað má finna á vefsíðunni: http://impra.sidan.is ásamt leiðbeiningum um útfyllingu. Mikilvægt er að vanda gerð umsóknarinnar og fylgja þeim leiðbeiningum sem gefnar eru.

Nánari upplýsingar gefa Sigríður Ó. Kristjánsdóttir verkefnisstjóri í síma 522 9462 eða tölvupósti sirry@nmi.is og Sigurður Steingrímsson verkefnisstjóri í síma 522 9435 eða tölvupósti sigurdurs@nmi.is

Úthlutun styrkja vegna úrbóta á ferðamannastöðum árið 2010
1.3.2010 10:15:00 by Gudrun Kloes

Ferðamálastofa hefur tekið ákvörðun um úthlutun styrkja vegna úrbóta á ferðamannastöðum fyrir árið 2010. Alls bárust 260 umsóknir, sem er um 18% fjölgun frá 2009 sem þá var metár.

Heildarupphæð sem sótt var um var um 510 milljónir króna en til úthlutunar að þessu sinni voru 48 milljónir króna, eða 9.4%

Til Norðurlands vestra komu 5,7 milljónir krónur, eða 11,9% heildarupphæðar.

Vaxtarsamningur Norðurlands vestra auglýsir eftir umsóknum
16.2.2010 16:41:00 by Katrín María Andrésdóttir

Næsti umsóknarfrestur um styrki úr Vaxtarsamningi Norðurlands vestra rennur út 15. mars n.k.

Sækja má um styrki til verkefna á sviði menntunar og rannsókna eða ferðaþjónustu og menningar.

Umhverfis- og orkurannsóknasjóður OR - Umsóknarfrestur til 1. mars
2.2.2010 11:14:00 by Katrín María Andrésdóttir

Auglýst er eftir umsóknum um styrki úr Umhverfis- og orkurannsóknasjóði OR, sem hefur 50 milljónir til ráðstöfunar á árinu 2010.

Hlutverk sjóðsins er að efla rannsóknir, þróun og nýsköpun á sviði umhverfis- og orkumála, þar með taldar þverfaglegar rannsóknir.

Markmiðið er að veita styrki til háskóla og nýsköpunarrannsókna á sviði umhverfis- og orkumála og treysta samstarf Orkuveitunnar við sérfræðinga og vísindamenn sem stunda rannsóknir á sviðinu.

Sjóðurinn veitir styrki til verkefna í umhverfis- og orkurannsóknum sem varða:

Hagnýtar framfarir í kjarnastarsemi OR, uppbyggingu og rekstri vatnsveitu, hitaveitu, rafveitu, fráveitu eða gagnaveitu.

Tengsl starfsemi OR við umhverfi, samfélag og efnahag.

Augna hagnýtingu endurnýjanlegara orkugjafa.

Umsóknum skal skilað í síðasta lagi 1. mars 2010.

Allar nánari upplýsingar um sjóðinn, úthlutunarreglur og tilhögun umsókna má finna á vef sjóðsins: http://www.or.is/UmOR/UOOR/

Rannsóknarstyrkir Orkusjóðs - umsóknarfrestur til 1. mars 2010
2.2.2010 11:10:00 by Katrín María Andrésdóttir

Orkusjóður auglýsir eftur umsóknum um styrki vegna verkefna árið 2010.

Við úthlutun styrkja verður sérstök áhersla lögð á:

* Hagkvæma orkunýtingu og orkusparnað

* Innlenda orkugjafa

* Vistvænt eldsneyti og sparnað jarðefnaeldsneytis

* Öflun þekkingar á þessum sviðum og miðlun hennar

* Rannsóknir, þróun og samstarf sem að þessu miðar.

Umsóknarfrestur er til 1. mars 2010.

Nánari upplýsingar og umsóknareyðublöð má nálgast á vefsíðu Orkusjóðs og er þar einnig að vinna verklagsreglur sjóðsins við meðferð láns- og styrkumsókna.

Slóðin er: http://www.os.is/page/orkusjodur

NATA auglýsir eftir styrkumsóknum - umsóknarfrestur til 15. febrúar 2010
2.2.2010 11:03:00 by Katrín María Andrésdóttir

Auglýst hefur verið eftir umsóknum um styrki frá NATA (North Atlantic Tourist Association). Um er að ræða samning Íslands, Færeyja og Grænlands um samstarf landanna þriggja í ferðamálum.

Allir sem áhuga hafa á bættum samskiptum á sviði ferðamála milli landanna þriggja geta leitað eftir aðstoð við að fjármagna verkefni, hugmyndir, ferðir eða því um líkt. Umsóknir skulu fela í sér samstarf milli tveggja af löndunum þremur, hið minnsta.

Sækja má um aðstoð á eftirfarandi sviðum:

Þróun ferða: Siglingar, þemaferðir, stuttar heimsóknir (shortbreak) ofl.

Markaðssetning í ferðaþjónustu og greining sóknarfæra: Alþjóðleg átaksverkefni á sviði ferðaþjónustu.

Menntun: Faglegar námsferðir, menntun á sviði ferðamála, dvöl til að kynna sér aðstæður.

Allar umsóknir skulu vera á þar til gerðum eyðublöðum. Sem fylgiskjöl með umsókninni skal leggja fram nákvæma útlistun á verkefni, svo og fjárhagsáætlun. Umsóknir skulu vera á dönsku eða ensku og sendast til:

NATA c/o, Ferðamálastofa, Geirsgata 9, 101 Reykjavík.

Lokafrestur til að senda umsóknir er til 15. febrúar 2010.

Umsóknareyðublað má nálgast á vef Ferðamálastofu, www.ferdamalastofa.is

Fyrirspurnir varðandi vinnslu umsóknar má beina á netfangið sigrun@icetourist.is

Framleiðnisjóður landbúnaðarins auglýsir styrki til rannsókna- og þróunarverkefna á árinu 2010
27.1.2010 14:03:00 by Katrín María Andrésdóttir

Framleiðnisjóður landbúnaðarins auglýsir styrki til rannsókna- og þróunarverkefna á árinu 2010.

Forgangs njóta verkefni sem eru til þess fallin að auka framleiðni og arðsemi í landbúnaði. Umsóknum skal skilað fyrir 28. febrúar n.k. til skrifstofu Framleiðnisjóðs landbúnaðarins, Hvanneyrargötu 3, 311 Borgarnes, á umsóknareyðublöðum sem þar fást. Nánari upplýsingar og umsóknareyðublöð má finna á vefsíðu sjóðsins: www.fl.is

Stefnt er að því að ljúka afgreiðslu umsókna í apríl n.k.

Nánari upplýsingar veittar á skrifstofu Framleiðnisjóðs landbúnaðarins, Hvanneyri, 311 Borgarnesi. Sími 430 4300, netfang: fl@fl.is

Námssmiðja um opnar vinnustofur haldin að Kiðagili í Bárðardal 29. janúar 2010
25.1.2010 11:39:00 by Katrín María Andrésdóttir

Menningarráð Eyþings, Rarik og Ferðamálastofa standa fyrir námssmiðju um opnar vinnustofur í Kiðagili í Bárðardal, föstudaginn 29. janúar kl. 14:00.

Stjórn ferðamálasamtaka Íslands boðar til fundar þann 1. febrúar næstkomandi
25.1.2010 08:44:00 by Katrín María Andrésdóttir

Stjórn Ferðamálasamtaka Íslands boðar ferðaþjónustuaðila á Norðurlandi vestra til fundar á Hótel Varmahlíð mánudaginn 1. febrúar n.k. kl. 19-21.

Handverk og heima(n)sala
20.1.2010 10:03:00 by Katrín María Andrésdóttir

Vaxtarsamningur Norðurlands vestra, SSNV atvinnuþróun og Matarkistan Skagafjörður boða til kynningarfundar um möguleika í vefverslun og beinni sölu á handverki og afurðum, sem og í matarferðaþjónustu.

Fundurinn verður haldinn á Hótel Blönduósi, fimmtudaginn 28. janúar nk. og hefst kl. 13:00.

Landnotkun á Íslandi 2010
13.1.2010 08:12:00 by Katrín María Andrésdóttir

Landnotkunarsetur Háskóla Íslands og Háskólafélag Suðurlands halda ráðstefnu á Hótel Selfossi, fimmtudaginn 28. janúar 2010. Ráðstefnugjald er kr. 7500 en kr. 3500 fyrir námsmenn.

Skráning fyrir 23. janúar á: http://www.fraedasetur.hi.is/page/sudurland_landnotkun_skraning

Fundarstjóri: Sigurður Sigursveinsson - Háskólafélagi Suðurlands.

Nýr söluvefur fyrir lista- og handverksfólk
6.1.2010 10:16:00 by Katrín María Andrésdóttir

Vert er að vekja athygli á nýjum söluvef sem nýlega hefur verið opnaður. Á vefnum eru í boði margvíslegir list- og handverksgripir auk umfjöllunar um viðkomandi lista- og handverksfólk. Ánægjulegt er að geta þess að þegar hafa nokkrir íbúar á Norðurlandi vestra boðið vörur sínar á vefnum sem ber nafnið Litlu búðirnar.

Slóðin inn á söluvefinn er: http://www.litlubudirnar.is

Áherslur og umsóknarfrestir Norræna menningarsjóðsins árið 2010
6.1.2010 09:47:00 by Katrín María Andrésdóttir

Frá og með 1. janúar 2010 ganga í gildi fimm nýjar áherslur Norræna menningarsjóðsins. Sjóðurinn leggur áfram metnað í að styrkja norrænt menningarsamstarf í víðum skilningi.

Nýr umsóknarfrestur í Norðurslóðaáætlun
30.12.2009 11:17:00 by Jón Óskar Pétursson

Nú hefur verið auglýstur fimmti umsóknarfrestur Norðurslóðaáætlunar með lokadagsetningu 24. mars 2010. Að þessu sinni er lögð sérstök áhersla á verkefni er falla að markmiðum um

1. Efling nýsköpunar og samkeppnishæfni á jaðarsvæðum

2. Sjálfbær þróun náttúruauðlinda og samfélags

Matís birtir samantekt um möguleika fiskmarkaða fyrir almenning
17.12.2009 13:41:00 by Katrín María Andrésdóttir

Fram er komin áhugaverð samantekt um möguleika fiskmarkaðar fyrir almenning, þar sem gestir og gangandi geta kynnst óþrjótandi möguleikum íslensks sjávarfangs og komist í tæri við afurðirnar og keypt sér spennandi hráefni til matargerðar.

AVS verkefninu „Fiskmarkaður fyrir almenning“ er nú lokið. Verkefnið snérist um að kanna grundvöll fyrir því að koma á fót fiskmörkuðum á Íslandi fyrir almenning og ferðamenn. Þá voru unnar tillögur að því hvernig mætti standa að slíkum markaði. Megintilgangurinn var að hvetja til stofnunar (smásölu-) fiskmarkaða víðsvegar um landið og þar með styrkja tengingu neytenda við sjávarafurðir. Mikill áhugi hefur verið á verkefninu og stefnir allt í að fljótlega verði slíkur markaður stofnaður í Reykavík.

Skýrslur um verkefnið og nánari upplýsingar má nálgast á eftirfarandi slóð:

http://www.matis.is/um-matis/frettir/2009/11/09/nr/2580

Atvinnurekstur kvenna - Byggðastofnun auglýsir eftir umsóknum
17.12.2009 06:24:00 by Katrín María Andrésdóttir

Byggðastofnun í samstarfi við Handverk og hönnun, Hönnunarmiðstöð, Listaháskóla Íslands, Nýsköpunarmiðstöð Íslands, Ímark og Útflutningsráð Íslands auglýsir eftir umsóknum um stuðning við markaðssetningu erlendis á íslensku handverki og hönnunarvörum.

Auglýsinguna má sjá hér:

http://www.byggdastofnun.is/news/enginn_titill11113/

Veffréttabréf Starfsmenntar í desember
15.12.2009 03:15:00 by Katrín María Andrésdóttir

Út er komið veffréttabréf Starfsmenntar fyrir desmber 2009. Það má finna á slóðinni:

http://smennt.is/frettabref/veffrettabref_desember_2009/

Ástæða er til að hvetja íbúa á Norðurlandi vestra til að kynna sér þá möguleika sem í boði eru hjá Starfsmennt en þar er meðal annars boðið upp á ýmsa starfstengda fjarnámsmöguleika.

Nýr umsóknarfrestur í Norðurslóðaáætlun
15.12.2009 03:10:00 by Katrín María Andrésdóttir

Nú hefur verið auglýstur fimmti umsóknarfrestur Norðurslóðaáætlunar með lokadagsetningu 24. mars 2009. Að þessu sinni er lögð sérstök áhersla á verkefni er falla að markmiðum um Nýsköpun og samkeppnishæfni og Sjálfbæra nýtingu náttúruauðlinda og samfélags.

Í ljósi þeirra efnahagslegu þrenginga sem þátttökuönd áætlunarinnar standa nú frammi fyrir er lögð sérstök áhersla á verkefni sem eru líkleg til að skapa ný störf til að takast á við vaxandi atvinnuleysi og þróa skapandi lausnir. Ákveðin tækifæri til sóknar felast í kreppunni og lögð er áhersla á að þau séu nýtt. Með aukinni samvinnu hinna ýmsu greina má ná árangri og mætti nefna samstarf skapandi greina við hefðbundið atvinnulíf í því sambandi.

Þrátt fyrir ofangreindar megináherslur um verkefni þá hafa verið greind eftirfarandi verkefnasvið sem enn vantar verkefni.

Þekkingaryfirfærsla og samstarfsnet rannsóknastofnana og fyrirtækja með að markmiði að auka getu til nýsköpunar, ná fram skilvirkara nýsköpunarferli og bætta samkeppnishæfni.
Samstarfsverkefni þéttbýlis og dreifbýlis um þróun þjónustu.

Þessu til viðbótar má nefna verkefni um samstarf fyrirtækja á sviði markaðssetningar, hagnýtingu tölvutækni til samskipta, nýjar þjónustur á sviði samgangna og menningarmála.

Opnað verður fyrir umsóknir í 6. umsóknarfrest 3. september 2010 og verða áherslur hans kynntar í júlí 2010.

Að öðru leyti vísast til upplýsinga á vef Norðurslóðaáætlunar og Byggðastofnunar

Nálgast má auglýsingu um fimmta umsóknarfrest hér.

Kraumur tónlistarsjóður auglýsir eftir umsóknum
11.12.2009 00:38:00 by Katrín María Andrésdóttir

Kraumur tónlistarsjóður auglýsir eftir umsóknum fyrir verkefni á sviði íslenskrar tónlistar sem ráðgert er að eigi sér stað á næsta ári.

Tónlistarmenn og hljómsveitir úr öllum geirum tónlistar eru hvattir til að sækja um fyrir sín verkefni. Umsóknarferlið er einnig opið fyrir verkefnastjóra og viðburði. Opnað verður fyrir umsóknarferlið á degi Íslenskrar tónlsitar, föstudaginn 11. desember og því lýkur 20. janúar á næsta ári.

Styrkir til atvinnumála kvenna lausir til umsóknar um áramót
10.12.2009 06:47:00 by Katrín María Andrésdóttir

Um þessar mundir eru styrkþegar ársins 2008 að skila inn skýrslum vegna uppgjöra styrkja til atvinnumála kvenna en styrkirnir eru veittir af Félags- og tryggingamálaráðherra ár hvert. Óhætt er að segja að flest verkefnin er styrk fengu hafi gengið vel og mörg verkefni vel á veg komin. Alls var 50 milljónum úthlutað árið 2008 og skiptust styrkir nánast jafnt milli höfuðborgarsvæðisins og landsbyggðarinnar.

Nú hefur Félags- og tryggingamálaráðherra ákveðið að flýta styrkveitingum ársins 2010 og auglýsa styrki lausa til umsókna upp úr áramótum og úthluta í mars en til umráða að þessu sinni eru 30. milljónir.

Hægt er að sækja um styrki til gerðar viðskiptaáætlunar (300.000), til vöruþróunar, markaðssetningar, efniskostnaðar og hönnunar svo eitthvað sé nefnt.
Ennfremur geta þær konur sem skila inn fullbúnum viðskiptaáætlunum og eru að hefja rekstur sótt um launastyrk í allt að sex mánuði.

Nýmæli í styrkveitingununum að þessu sinni er að hluta af fjármagninu, sem til ráðstöfunar er, verður eyrnamerkt atvinnulausum konum sem eru með góðar viðskiptahugmyndir. Skilyrði er að þær hafi sótt um styrk hjá Vinnumálastofnun til að þróa eigin viðskiptahugmynd en það úrræði er eitt af vinnumarkaðsúrræðum stofnunarinnar. Fyrirhugað er að kynna þetta á sérstökum fundum sem verða haldnir hjá Vinnumálastofnunum eftir áramót og verða auglýstir nánar þegar þar að kemur.

Eins og áður segir verður opnað fyrir umsóknir í janúar en sótt er um á vefsvæðinu www.atvinnumalkvenna.is á rafrænum umsóknareyðublöðum sem þar er að finna.

Allar nánari upplýsingar og leiðbeiningar má ennfremur finna á vefsvæði verkefnisins og meðal annars má þar finna leiðbeiningar um útfyllingu eyðublaðs og geta því konur þegar hafið undirbúning að umsókn sinni.

Nánari upplýsingar veitir starfsmaður verkefnisins, Ásdís Guðmundsdóttir, í síma 582-4914 eða í netfanginu asdis.gudmundsdottir@vmst.is

Ferðamálastofa auglýsir styrki til úrbóta á ferðamannastöðum
4.12.2009 02:34:00 by Gudrun Kloes

Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi.

Handverksfólk á Norðurlandi vestra
1.12.2009 07:31:00 by Katrín María Andrésdóttir

Um þessar mundir er unnið að uppfærslu póst- og netfangalista handverksfólks á Norðurlandi vestra hjá SSNV.

Listinn er settur saman og uppfærður til þess að hægt sé með aðgengilegum hætti að koma skilaboðum og erindum til handverksfólks, t.d. varðandi námskeið og markaði.

Þeir sem vilja vera á listanum og fá sendar tilkynningar og upplýsingar sem erindi eiga til handverksfólks eru hvattir til að hafa samband svo tryggt sé að þeir séu á listanum.

Norðurljós - kveikjum á perunni!
12.11.2009 04:00:00 by Katrín María Andrésdóttir

Í tilefni Alþjóðlegrar athafnaviku 16. – 22. nóvember n.k. hefur verið ákveðið að bjóða til opinna funda á Norðurlandi vestra. Líkt og norðurljósin varpa birtu á dimmum vetrarkvöldum er ætlunin að lýsa upp skammdegið með öflugri hugmyndavinnu þar sem unnið verður með tækifæri og möguleika á svæðinu.

Tilnefningar til umhverfisverðlauna Ferðamálstofu á Norðurlandi vestra
6.11.2009 03:01:00 by Gudrun Kloes

Alls bárust 27 tilnefningar til umhverfisverðlauna Ferðamálastofu 2009 en frestur rann út í lok október. Tilkynnt verður um verðlaunahafann þann 19. nóvember næstkomandi.

Hvatningarverðlaun SSNV atvinnuþróunar til Léttitækni á Blönduósi
15.10.2009 10:01:00 by Jón Óskar Pétursson

Stjórn Samtaka sveitarfélaga á Norðurlandi vestra (SSNV) veitir árlega hvatningarverðlaun til fyrirtækis á starfssvæði samtakanna. Hvatningarverðlaun SSNV – atvinnuþróunar hafa verið veitt frá árinu 1999 og eru þau í senn hvatning til áframhaldandi starfsemi og viðurkenning fyrir góðan árangur. Markmið verðlaunanna er að hvetja til nýsköpunar og þróunar og vekja athygli á því sem vel er gert á Norðurlandi vestra.

Ferðamálastofa auglýsir eftir tilnefningum til Umhverfisverðlauna fyrir árið 2009.
12.10.2009 10:34:00 by Katrín María Andrésdóttir

Ferðamálastofa hefur auglýst eftir tilnefningum til Umhverfisverðlauna fyrir árið 2009. Verðlaunin hefur stofnunin veitt árlega frá árinu 1995 og er tilgangur þeirra að beina athyglinni að þeim ferðamannastöðum eða fyrirtækjum í ferðaþjónustu sem sinna umhverfismálum í starfi sínu og framtíðarskipulagi.

Ferðaþjónustan byggir afkomu sína að miklu leyti á umhverfislegum gæðum og er það trú Ferðamálastofu að verðlaunin geti orðið hvatning til ferðaþjónustuaðila og viðskiptavina þeirra að huga betur að umhverfi og náttúru og styrkja þannig framtíð greinarinnar.

Hverjir koma til greina sem verðlaunahafar:
Allir þeir sem tengjast ferðamálum og láta sig umhverfismál varða og vinna markvisst að því að viðhalda jafnvægi milli efnahagslegra, náttúrlegra og félagslegra þátta. Það geta verið einstaklingar, fyrirtæki, félagasamtök eða sveitafélög.

Hér með er óskað eftir tilnefningum til umhverfisverðlauna Ferðamálastofu 2009. Frekari upplýsingar veitir umhverfisfulltrúi stofnunarinnar, Sveinn Rúnar Traustason, í síma 535 5510.

Tilnefningar sendist til skrifstofu Ferðamálastofu, Strandgötu 29, 600
Akureyri eða með tölvupósti á netfangið sveinn@icetourist.is fyrir 30.
október næstkomandi.

Dagur atvinnulífsins á Norðurlandi vestra - 15. október n.k.
8.10.2009 12:14:00 by Katrín María Andrésdóttir

Samtök sveitarfélaga á Norðurlandi vestra bjóða hér með öllu áhugafólki um atvinnumál í Húnavatnssýslum og Skagafirði til Dags atvinnulífsins sem haldinn er nú í fyrsta sinn. Með samkomunni er leitast við að styrkja tengslin milli starfandi fyrirtækja á svæðinu, hvetja einstaklinga í atvinnurekstri og örva nýsköpun. Ráðgert er að Dagur atvinnulífsins verði árlegur viðburður.

Tengslanet kvenna á Norðurlandi vestra - Stofnfundur
8.10.2009 12:11:00 by Katrín María Andrésdóttir

Stofnfundur Tengslanets kvenna á Norðurlandi vestra verður haldinn á Hótel Blönduósi miðvikudaginn 14. október n.k. kl. 20:00.

Uppspretta - lán til nýsköpunarverkefna
7.10.2009 11:53:00 by Gudrun Kloes

Uppspretta leiðir saman fólk, hugmyndir og lánsfé
Á Uppsprettu getur þú óskað eftir láni eða lánað öðrum. Lántakandi setur fram sínar hugmyndir og óskir á vefnum og laðar þannig að sér lánveitendur. Uppspretta er ekki banki heldur miðlar lánsfé á milli lántakenda og lánveitenda. Uppspretta leggur áherslu á gagnsæi upplýsinga en með hverri lánsumsókn birtist lánshæfi lántakanda og einnig er hægt að spyrja lántakanda spurninga áður en lagt er fram lánsframlag.

read more...

Nýsköpunarverðlaun SAF - auglýst eftir hugmyndum
21.9.2009 11:31:00 by Gudrun Kloes

Samtök ferðaþjónustunnar afhenda á ári hverju nýsköpunarverðlaun samtakanna fyrir athyglisverðar nýjungar og er markmiðið að hvetja fyrirtæki innan SAF til nýsköpunar og vöruþróunar. Kveðið er á um að heimilt sé að veita verðlaun vegna nýsköpunar allt að 300.000 krónum fyrir hvert verkefni og að veita viðurkenningar fyrir vöruþróun sem stjórn sjóðsins telur að muni styrkja ferðaþjónustuna.

read more...

Átak til atvinnusköpunar - opið fyrir umsóknir
7.9.2009 15:49:00 by Jón Óskar Pétursson

Auglýst hefur verið eftir umsóknum um styrki iðnaðarráðuneytisins undir yfirskriftinni Átak til atvinnusköpunar. Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með verkefninu fyrir hönd iðnaðarráðuneytisins.

Stærsta ferðasumar sögunnar í Húnaþingi vestra
4.9.2009 16:09:00 by Gudrun Kloes

Í frétt frá Selasetri Íslands á Hvammstanga kemur fram að nú sé orðið ljóst að sumarið 2009 sé eitt stærsta ferðasumar í Húnaþingi vestra frá upphafi. Flestir ferðaþjónustuaðilar í héraðinu telja að um umtalsverða aukningu hafi verið að ræða frá fyrra ári, þá einkum í júní og ágúst, og hleypur aukningin hjá flestum á bilinu 50-150%.

Markaðshópur ferðaþjónustufyrirtækja
31.8.2009 15:11:00 by Katrín María Andrésdóttir

Útflutningsráð Íslands, Ferðamálastofa og Samtök ferðaþjónustunnar hafa ákveðið að efna til markvissrar kynningar á íslenskri ferðaþjónustu á næstu mánuðum. Meðal annars verður stofnaður sérstakur markaðshópur ferðaþjónustufyrirtækja sem mun kynna þjónustu sína á a.m.k. fimm völdum mörkuðum í Evrópu.

Metaðsókn að ferðamáladeild Hólaskóla
28.8.2009 14:43:00 by Gudrun Kloes

Nú í haust mun 51 nemandi hefja nám við ferðamáladeild Háskólans á Hólum. Um er að ræða þrjár námsbrautirnar sem allar eru boðnar í fjarnámi með staðbundum lotum en nemendur geta líka stundað staðbundið nám og búið í háskólaþorpinu Hólum í Hjaltadal.

read more...

Málþing um stöðu og framtíð landbúnaðar og byggðar í sveitum 14. september n.k.
27.8.2009 13:51:00 by Katrín María Andrésdóttir

Málþing um stöðu og framtíð landbúnaðar og byggðar í sveitum verður haldið mánudaginn 14. september næstkomandi í Norræna húsinu í Reykjavík. Þar verða kynntar niðurstöður úr viðamiklu rannsóknaverkefni um þessi efni, „Litróf landbúnaðarins“, sem landfræðingar við Háskóla Íslands hafa unnið að undanfarið. Verkefnið hlaut afmælisstyrk Framleiðnisjóðs landbúnaðarins.

Á málþinginu verður fjallað um fjölþætta starfsemi til sveita og fjölþætt hlutverk landbúnaðar. Athygli verður beint að þeirri margvíslegu nýsköpun sem átt hefur sér stað í íslenskum sveitum og hugleitt hvert stefni á næstu árum.

Verkefnastefnumót þátttakenda í verkefnum Norðurslóðaáætlunarinnar
25.8.2009 10:55:00 by Katrín María Andrésdóttir

Dagana 21. - 22. september n.k. verður haldið verkefnastefnumót íslenskra þátttakenda í verkefnum innan Norðurslóðaáætlunarinnar í Nýheimum, Höfn í Hornafirði.

Mikilvægt er að öll verkefni innan Norðurslóðaáælunar 2007-2013 sendi þátttakendur á fundinn. Fundurinn er jafnframt opinn öllum sem áhuga hafa á að kynna sér áætlunina og framkvæmd hennar hér á landi.

Nánari upplýsingar um dagskrá, skráningu og fyrirkomulag veitir Þórarinn Sólmundarson hjá Byggðastofnun, thorarinn@byggdastofnun.is

Þjóðhátíðarsjóður auglýsir eftir umsóknum um styrki
25.8.2009 09:30:00 by Katrín María Andrésdóttir

Þjóðhátíðarsjóður, sem starfar samkvæmt skipulagsskrá nr. 361 frá 30. september 1977 meðáorðnum breytingum, var stofnaður í tilefni af 1100 ára búsetu á Íslandi 1974.

Tilgangur sjóðsins er:

að veita styrki til stofnana og annarra aðila, er hafa það verkefni að vinna að varðveislu og vernd þeirra verðmæta lands og menningar, sem núverandi kynslóð hefur tekið í arf.

Uppspretta - Örlán, nýr þjónustuvefur væntanlegur
24.8.2009 15:32:00 by Katrín María Andrésdóttir

SSNV Atvinnuþróun hefur borist kynning á nýrri þjónustu sem ætlunin er að koma á fót nú í haust.

Um er að ræða vefsvæði sem hlotið hefur nafnið Uppspretta. Markmið með þjónustunni er að leiða saman fólk, hugmyndir og lánsfé. Á vefnum verður hægt að óska eftir láni eða lána öðrum.

Þjónustustjórnun - námskeið í fjarnámi
24.8.2009 15:10:00 by Katrín María Andrésdóttir

Fræðslusetrið Starfsmennt kynnir
Þjónustustjórnun-Fjarkennt

Á þessu stutta námskeiði gefst þátttakendum kostur á að horfa á nokkur myndbönd þar sem fjallað er um góða og slæma þjónustu á skemmtilegan og lýsandi hátt. Námið er síðan metið með heimaverkefnum.

Þetta námskeið er einstaklega hentugt fyrir starfsmenn sem hafa lítinn tíma aflögu en vilja bæta þekkingu sína og auka starfshæfni. Ekki er þörf á að fara af starfsstað til að sækja námskeiðið því eingöngu er þörf á tölvu og nettengingu.

Umsjón með námskeiðinu hefur Margrét Reynisdóttir og fær hún til liðs við sig marga góða leikara s.s. Örn Árnason sem fer á kostum.

Námskeiðið stendur yfir í einn mánuð og hefst 2. nóv. og lýkur 1. des.

Samkeppnishæfni og sjálfbærni ferðaþjónustu í Evrópu - lengri umsóknarfrestur
24.8.2009 14:39:00 by Gudrun Kloes

Samkeppnishæfni og sjálfbærni ferðaþjónustu í Evrópu
Umsóknarfrestur í "Networks for the Competitiveness and sustainability of European tourism", hefur verið lengdur til 15.september. Ætlunin er að verkefnið fari af stað í janúarbyrjun 2010 og sé til 18 mánaða. Markmiðið með þessu verkefni er að:
• Auka samkeppnishæfni lítilla og meðalstórra fyrirtækja innan ferðaiðnaðarins.
• Styðja við samstarfsnet, svæðisbundið og á milli svæða
• Miðla þekkingu til fyrirtækja um góða viðskiptahætti sem og að stuðla að aukinni nýsköpun innan þessa geira
read more...

Vestnorden ferðakaupstefna 2009
20.8.2009 11:38:00 by Gudrun Kloes

Vestnorden 2009 verður haldin Kaupmannahöfn 16.-17. september í umsjón Grænlendinga.

Vestnorden er árleg ferðakaupstefna sem Ferðamálastofa og Ferðamálaráð Grænlands og Ferðamálaráð Færeyja hafa staðið að í rúma tvo áratugi. Kaupstefnurnar eru haldnar til skiptis í löndunum þremur.
read more...

Símenntun í ferðaþjónustu - rekstur, stjórnun, markaðssetning
12.8.2009 14:34:00 by Gudrun Kloes

Símenntun Háskólans á Akureyri býður upp á nám í ferðaþjónustu haustið 2009. Námið hentar þeim sem starfa við ferðaþjónustu, reka eigið fyrirtæki í ferðaþjónustu svo og þeim sem hafa áhuga á að starfa á vettvangi ferðamála.
Um er að ræða 36 klst. nám sem metið er til 6 ECTS eininga. Engin inntökuskilyrði eru fyrir náminu. Kennd verða þrjú sjálfstæð námskeið, 12 kennslustundir hvert: Grunnur rekstrar- og viðskiptafræða, rekstur, mannauður og stjórnun í ferðaþjónustu og markaðssetning ferðaþjónustu. read more...

Málþing um framtíð íslensks landbúnaðar og byggðar 14. sept. n.k.
12.8.2009 14:14:00 by Gudrun Kloes

Fyrirhugað er að halda málþing um stöðu og framtíð landbúnaðar og byggðar í sveitum mánudaginn 14. september 2009 í Norræna húsinu í Reykjavík. Þar verða kynntar niðurstöður úr viðamiklu rannsóknaverkefni um þessi efni, sem unnið hefur verið að við Háskóla Íslands undanfarið og ber heitið
„Litróf landbúnaðarins“.

Verkefni SSNV-Atvinnuþróunar
25.6.2009 13:18:00 by Katrín María Andrésdóttir

Um síðustu áramót var tekið í notkun nýtt verkskráningarkerfi hjá SSNV-Atvinnuþróun í því skyni að vinna markvissari greiningar á verkefnum og vinnustundum.

Nú liggur fyrir yfirlit helstu verkefna fyrstu fimm mánaða ársins 2009.

Auglýst hafa verið tvö útboð undir Nýsköpunaráætlun ESB
23.6.2009 12:25:00 by Katrín María Andrésdóttir

Verkefnin heita „Identification of future skills needs in micro and craft (-type) enterprises up to 2020 " og „Development of a sector strategy for the European Community with regard to the competitiveness of the construction sector and its enterprises"

Sjá nánar: http://www.een.is/frettir/nr/818/

Tengslanet kvenna á Norðurlandi vestra
22.6.2009 15:25:00 by Katrín María Andrésdóttir

Það ríkti góður andi í Kvennaskólanum á Blönduósi sl. föstudagskvöld þar sem konur á Norðurlandivestra hittust til að ræða og undirbúa stofnun Tengslanets.

Hefur þú eitthvað að bjóða indverskum ferðamönnum?
21.6.2009 20:38:00 by Jón Óskar Pétursson

Þriðjudaginn 23. júní býðst nokkrum íslenskum ferðaþjónustufyrirtækjum að funda með framkvæmdastjóra indversku ferðaskrifstofunnar Siddharth Travels Interserve.

Ári uppfinninga og nýsköpunar kvenna í Evrópu fagnað í Helsinki, 7.-9. Október 2009
19.6.2009 15:02:00 by Katrín María Andrésdóttir

Búist er við yfir 300 þátttakendum á alþjóðlega sýningu, ráðstefnu og viðurkenningar hátíð sem haldin er annað hvert ár og nú í annað sinn. Þetta er tækifæri til að koma konum með nýjungar og uppfinningar á framfæri í Evrópu og á alþjóða vettvangi sem jafnframt er mjög lærdómsríkt.

Fjallað verður um hugverkarétt, fyrirtækjaþekkingu, vísindarannsóknir og þróunarvinnu, hlutabréf og viðskiptaleiðir, aðgang að styrkjum og fjölmargt annað.

Tengslanet kvenna á Norðurlandi vestra - fundur á Blönduósi 19. júní
14.6.2009 16:13:00 by Katrín María Andrésdóttir

Undirbúnings- og kynningarfundur verður haldinn í Kvennaskólanum á Blönduósi þann 19.júní kl.20.30 og eru allar konur sem áhuga hafa hvattar til að mæta. Á fundinum verður kosin undirbúningsstjórn sem mun undirbúa formlegan stofnfund tengslanetsins í haust.

Á fundinn munu mæta góðir gestir frá Tengslaneti austfirskra kvenna (TAK)og munu þær kynna starfsemi sína en tengslanet þeirra hefur verið starfandi síðan 2006.

Boðið verður upp á veitingar.

Umsóknarfrestur hjá Samkeppnis- og nýsköpunaráætluninni - umsóknarfrestur til 17. júlí 2009
8.6.2009 09:07:00 by Katrín María Andrésdóttir

Umsóknarfrestur hjá Samkeppnis- og nýsköpunaráætluninni vegna verkefna um samfélagslega ábyrgð fyrirtækja eða „National platforms for the promotion of CSR“

Auglýstur hefur verið umsóknarfrestur til kl. 17:00 að staðartíma í Brussel þann 17. júlí 2009.

Verkefnin skulu miða að því að auka meðvitund og virkja samfélagslega ábyrgð skipulagsheilda, sérstaklega en þó ekki eingöngu, fyrirtækja.

Vöruþróunarsjóður Bónus
5.6.2009 16:13:00 by Katrín María Andrésdóttir

Í tilefni 20 ára afmælis Bónus hefur fyrirtækið ákveðið að setja 20 milljónir króna í sérstakan vöruþróunarsjóð þar sem unnið verður með fyrirtækjum og einstaklingum að þróun á nýjum neytendavörum sem framleiddar eru með íslensku hráefni og/eða á Íslandi.

Markmið þessa framtaks er að efla íslenska framleiðslu og auka hutdeild íslenskra vara í vöruúrvali Bónus.

Útskrift 15 kvenna af Brautargengisnámskeiði
1.6.2009 20:27:00 by Katrín María Andrésdóttir

Það var glatt á hjalla á Hótel Varmahlíð fimmtudaginn 28. maí þegar haldin var útskriftarsamkoma af Brautargengisnámskeiðinu sem hófst í febrúar síðastliðnum.

Efling millilandaflugs frá Norðurlandi.
6.5.2009 15:50:00 by Jón Óskar Pétursson

Vinnuhópur atvinnuþróunarfélaga, ferðaþjónustuaðila og annarra hagsmunaaðila á Norðurlandi hefur undanfarið unnið að könnun á möguleikum þess að hefja millilandaflug á heilsársgrunni til Akureyrar frá Kaupmannahöfn og London.

Viðburðadagatal ferðaþjónustu
21.4.2009 21:17:00 by Jón Óskar

SSNV mun ráðast í þróun viðburðadagatals fyrir ferðaþjónustuna á starfssvæðinu á næstunni. Hugmyndin er að stofna slíkt dagatal á internetinu þar sem allir ferðaþjónustuaðilar sem áhuga hafa á að setja inn viðburði á sínum vegum hafa aðgang til að viðhalda sínu eigin efni.

Umsjón með verkefninu hefur Stefán Haraldsson atvinnuráðgjafi hjá SSNV: stefan@ssnv.is